+7 (701) 759 90 19
11 °С : نۇر-سۇلتان
12 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

تۇركى كەڭەسى تاعى ءبىر ەلمەن تولىقتى: ق ر س ءى م مالىمدەمە جاسادى

16 قىركۇيەك 11:05
:ءبولىسۋ
تۇركى كەڭەسى تاعى ءبىر ەلمەن تولىقتى: ق ر س ءى م مالىمدەمە جاسادى

نۇر-سۇلتان. قازاقپارات - قازاقستان رەسپۋبليكاسى وزبەكستان رەسپۋبليكاسىنىڭ تۇركىتىلدەس مەملەكەتتەردىڭ ىنتىماقتاستىق كەڭەسىنە (تۇركى كەڭەسى، ت م ى ك) كىرۋىن قولدايدى.

بۇل جونىندە ق ر سىرتقى ىستەر مينيسترلىگىنىڭ مالىمدەمەسىندە ايتىلعان، دەپ حابارلايدى قازاقپارات.

«2019 -جىلعى 14 -قىركۇيەكتە وزبەكستان پرەزيدەنتى ش. ميرزيەيەۆ تۇركىتىلدەس مەملەكەتتەردىڭ ىنتىماقتاستىق كەڭەسىن قۇرۋ تۋرالى ناحچىۆان كەلىسىمىنە قوسىلۋ تۋرالى جارلىققا قول قويدى. سول كۇنى وزبەكستان سىرتقى ىستەر مينيسترلىگى تمىك حاتشىلىعىنا وزبەكستاننىڭ تۇركى كەڭەسىنە قوسىلۋى تۋرالى قۇجاتتى جىبەردى... تۇركى الەمى ءۇشىن بۇل ماڭىزدى تاريحي شەشىم ناحچىۆان كەلىسىمىنىڭ 10 جىلدىعىن اتاپ وتۋمەن ءدال كەلەدى. وزبەكستاننىڭ تۇركى كەڭەسىنە مۇشەلىگى تۋرالى شەشىمگە ۇيىمعا مۇشە مەملەكەتتەردىڭ باسشىلارى 2019 -جىلعى 15 -قازاندا باكۋدە وتەتىن شاعىن جانە ورتا بيزنەستى دامىتۋ ماسەلەلەرىنە ارنالعان تۇركى كەڭەسىنىڭ 7-سامميتى بارىسىندا قول قويادى»، - دەلىنگەن مالىمدەمەدە.

ايتا كەتەيىك، تۇركى كەڭەسى ق ر تۇڭعىش پرەزيدەنتى - ەلباسى ن. ءا. نازاربايەۆتىڭ باستاماسىمەن 2009 -جىلدىڭ 3 -قازانىندا قۇرىلدى. قۇرىلتايشى مەملەكەتتەر - قازاقستان، ازەربايجان، قىرعىزستان جانە تۇركيا.

«وزبەكستاننىڭ ت م ى ك-كە مۇشەلىگى تۇركى الەمىنىڭ ينتەگراتسياسىن نىعايتۋعا جانە مەملەكەتتەردىڭ ىنتىماقتاستىعىن جاڭا بەلەستەرگە شىعۋىنا ىقپال ەتەدى. اسىرەسە بۇل تۇركى كەڭەسى تۇركى ەلدەرىنىڭ ەكونوميكالىق ءوزارا ءىس-قيمىلىن كۇشەيتۋ جونىندە ناقتى قادامدار جاساعان كەزەڭدە ورىن الۋدا. 2019 -جىلدىڭ مامىرىندا قازاقستاننىڭ ەلورداسىندا وتكەن XII استانا ەكونوميكالىق فورۋمى اياسىندا كاسىپكەرلەردىڭ اراسىندا ءوزارا بايلانىستى كۇشەيتەتىن جانە مەملەكەتتەر اراسىندا ساۋدا اينالىمىنىڭ وسۋىنە باعىتتالعان تۇركىتىلدەس مەملەكەتتەردىڭ بىرلەسكەن ساۋدا-ونەركاسىپ پالاتاسى قۇرىلدى»، - دەپ اتاپ وتىلگەن س ءى م مالىمدەمەسىندە.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات