كۇرەس تۇرلەرىنەن الەم چەمپيوناتىندا المات كەبىسپايەۆ قولا مەدالدى ەنشىلەدى

نۇر-سۇلتان. قازاقپارات - كۇرەس تۇرلەرىنەن ەلوردادا ءوتىپ جاتقان الەم چەمپيوناتىندا قازاقستان قورجىنىنا ەكىنشى مەدال ءتۇستى، دەپ حابارلايدى قازاقپارات ءتىلشىسى.

گرەك-ريم كۇرەسىنەن 63 كەلى سالماقتا ەل نامىسىن قورعاپ جاتقان المات كەبىسپايەۆ قولا مەدال ءۇشىن بەلدەسۋدە قىرعىزستاندىق تىنار شارشەنبەكوۆپەن بەلدەسىپ، قارسىلاسىن 9:0 ەسەبىمەن ويسىراتا ۇتتى.

وسىلايشا المات كۇرەس تۇرلەرىنەن الەم چەمپيوناتىنىڭ قولا جۇلدەگەرى اتانىپ، قازاقستان قورجىنىنا ەكىنشى مەدالدى سالدى.

ەستەرىڭىزگە سالا كەتەيىك، المات كەبىسپايەۆ الەم چەمپيوناتىنىڭ العاشقى كۇنى جارتىلاي فينالىندا جاپوندىق وتا شينوبۋعا ەسە جىبەرگەن بولاتىن. قازاقستاندىق بالۋاننىڭ ەجەلگى قارسىلاسى بۇل جولى دا ايلاسىن اسىرىپ كەتتى.

وتا شينوبۋ 2016-جىلعى ريو وليمپياداسىنىڭ 1/8 فينالىندا تاعى دا الماتتى جارىس جولىنان تايدىرعان بولاتىن.

اۆتور: كۇنسۇلتان وتارباي