+7 (701) 759 90 19
3 °С : نۇر-سۇلتان
11 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

ق ت ج شامالعانداعى اپاتتىڭ ءمان-جايىن ءمالىم ەتتى

16 قىركۇيەك 08:15
:ءبولىسۋ
ق ت ج شامالعانداعى اپاتتىڭ ءمان-جايىن ءمالىم ەتتى

تالدىقورعان. قازاقپارات - «قازاقستان تەمىر جولى» ۇلتتىق كومپانياسى الماتى وبلىسىنداعى شامالعان ستانساسىندا جولاۋشىلار اۆتوبۋسىمەن پويىزدىڭ سوقتىعىسۋى تۋرالى تولىققاندى اقپارات بەردى، دەپ حابارلايدى «قازاقپارات» ح ا ا ءتىلشىسى.

«2019 -جىلدىڭ 15 -قىركۇيەك كۇنى 19 ساعات 8 مينۋتتا الماتى جول بولىمشەسىنىڭ «اقسەڭگىر - شامالعان» ۋچاسكەسىندە №43 «الماتى- قوستاناي» جولاۋشىلار پويىزى (جەكە تاسىمالداۋشى «تۋركسيب- استانا» ج ش س) اۆتوبۋسپەن سوقتىعىستى.

وقيعا 4028 شاقىرىمدا ورنالاسقان كۇزەتىلەتىن- رەتتەلەتىن وتپەدە بولدى. №43 جولاۋشىلار پويىزى وتكەلگە جاقىنداعاندا سيگنال بەرۋ قۇرىلعىلارى اۆتوماتتى تۇردە ىسكە قوسىلدى. دىبىستىق سيگنال قوسىلدى، ءوتۋ باعدارشامدارىنىڭ قىزىل شىراعى جاندى. شلاگباۋم وتكەلدە تۇرعان اۆتوكولىكتىڭ سالدارىنان سوڭىنا دەيىن تۇسپەگەن»، - دەپ حابارلادى ۇلتتىق كومپانيانىڭ باسپا ءسوز قىزمەتى.

ق ت ج-دا اتاپ وتكەندەي، وتكەل كەزەكشىسى جولاۋشىلار پويىزىن توقتاتۋ ءۇشىن توسقاۋىل باعدارشامىن ىسكە قوسۋ بويىنشا شارالار قابىلداعان.

«№43 جولاۋشىلار پويىزىنىڭ ماشينيسى شۇعىل تەجەۋدى قولداندى، ءبىراق از قاشىقتىقتان سوقتىعىسۋدىڭ الدىن الا المادى. سوقتىعىسۋ كەزىندە اۆتوبۋس جول جيەگىنە شىعىپ كەتتى. ءبىراق، KZ4AC-0010 ەلەكتروۆوزى رەلستەن شىعىپ كەتپەي، بۇلىنگەن. زارداپ شەككەندەر بار، سانى ناقتىلانۋدا. №43 پويىز ەلەكتروۆوزدى اۋىستىرعاننان كەيىن 01 ساعات 38 مينۋتقا كەشىگىپ جولعا شىقتى، پويىز جولاۋشىلارى اراسىندا زارداپ شەككەندەر جوق»، - دەپ اتاپ ءوتتى ق ت ج. بۇل جاعدايدى تەكسەرۋ ءۇشىن» ق ت ج «ۇ ك» ا ق-دا ارنايى كوميسسياسى قۇرىلدى.

ەستەرىڭىزگە سالا كەتەيىك، بۇگىن شامالعان ستانسياسىندا پويىز بەن اۆتوبۋس سوقتىعىستى. الدىن الا بولجام بويىنشا، اۆتوبۋس تەمىر جولدىڭ رەلسىنە شىعىپ كەتكەن. وقيعا ورنىندا اۆتوبۋس جۇرگىزۋشىسى مەرت بولىپ، تاعى 3 ادام قاراساي اۋداندىق اۋرۋحاناسىنىڭ جانساقتاۋ بولىمىندە جاتىر. ونىڭ ەكەۋى بالا.

قازىر اتالعان فاكتى بويىنشا ق ر ق ك 345-بابىنىڭ 3-تارماعى بويىنشا ءىس قوزعالىپ، تەرگەۋ ءجۇرىپ جاتىر. ءىستىڭ تەرگەلۋىن باس كولىكتىك پروكۋراتۋرا ءوز باقىلاۋىنا الدى. ق ر پرەزيدەنتى قاسىم-جومارت توقايەۆ اقسەڭگىر-شامالعان تەمىرجول وتكەلىندە پويىز بەن اۆتوبۋس سوقتىعىسىنان جاپا شەككەندەردىڭ تۋعان- تۋىستارىنا كوڭىل ايتتى.

اۆتور: سامال قابىشەۆا


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات