+7 (701) 759 90 19
11 °С : نۇر-سۇلتان
12 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

ءبىرىنشى راۋندتاعى نوكاۋتتان كەيىن ەلەۋسىنوۆ رەيتينگتە جوعارىلادى

16 قىركۇيەك 07:36
:ءبولىسۋ
ءبىرىنشى راۋندتاعى نوكاۋتتان كەيىن ەلەۋسىنوۆ رەيتينگتە جوعارىلادى

نۇر-سۇلتان. قازاقپارات - پروفي-بوكسشى دانيار ەلەۋسىنوۆ (8-0، 4 ك و) BoxRec.com بەلدى سايتى ۇسىناتىن الەمدىك رەيتينگتە پوزيتسياسىن جاقسارتتى، دەپ حابارلايدى قازاقپارات.

ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىندا جازىلعانداي، كاسىپقوي رينگتەگى 8-جەڭىسىنەن كەيىن ەلەۋسىنوۆ توعىز ساتىعا جوعارىلاپ، 161-دەن 152-ورىنعا ورنالاستى. BoxRec جارتىلاي ورتا سالماقتاعى رەيتينگتە بارلىعى 2092 بوكسشى كورسەتىلگەن. مۇنداعى كوشباسشى - WBO چەمپيونى، امەريكالىق تەرەنس كروۋفورد (35-0، 26 ك و).

ودان كەيىنگى ورىنداردا IBF چەمپيونى، ا ق ش وكىلى ەررول سپەنس (25-0، 21 ك و) جانە WBA (Super) تيتۋلىنىڭ يەگەرى، فيليپپيندىك مەنني پاكياو (62-7-2، 39 ك و) تۇر. قازاقستاندىق بوكسشىلار اراسىندا ەلەۋسىنوۆ ازىرگە ءۇشىنشى كەلەدى. 65- ورىندا WBA Inter- Continental, WBO Oriental جانە IBF Australasian ەكىنشى دارەجەلى بەلدىكتەرىنىڭ يەگەرى نۇرسۇلتان جانابايەۆ (8-0, 5 ك و) ورنالاسقان، 116-ىنشى ورىندا - بوبىرجان مومىنوۆ (10-0، 8 ك و).

ەسكە سالايىق، وليمپيادا چەمپيونى د. ەلەۋسىنوۆ 14-قىركۇيەك كۇنى وتكەن كەزەكتى جەكپە-جەگىندە جەڭىسكە جەتتى. نيۋ-يوركتەگى بوكس كەشىندە ونىڭ قارسىلاسى جەڭىلىپ كورمەگەن امەريكالىق رەشارد حيكس (12-1-1، 6 ك و) بولدى.

ول دانيار ءۇشىن ەڭ قاۋىپتى وپپونەنت سانالدى. دەگەنمەن، دانيار حيكستى ءبىرىنشى راۋندتا-اق نوكداۋنعا جىبەرىپ، ارتىنان نوكاۋتقا ءتۇسىردى.

DAZN Twitter-دەگى پاراقشاسىندا «قازاقتار جايىنداي جاپىردى، ۆاۋ!» دەپ تاڭ قالىستى. ال ا ق ش-تا ونى اتى اڭىزعا اينالعان مايك تايسونمەن سالىستىردى. الداعى جەكپە-جەكتەردە دانيار چەمپيوندىق اتاققا تالاسادى دەپ كۇتىلۋدە.

اۋدارما: ميرا تولەندى قىزى


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات