07:16, 16 - قىركۇيەك 2019 | GMT +6
پويىز بەن اۆتوبۋستىڭ سوقتىعىسۋى: پرەزيدەنت جاپا شەككەندەردىڭ تۋعان- تۋىستارىنا كوڭىل ايتتى
نۇر-سۇلتان. قازاقپارات - قاسىم-جومارت توقايەۆ اقسەڭگىر-شامالعان تەمىرجول وتكەلىندە پويىز بەن اۆتوبۋس سوقتىعىسىنان جاپا شەككەندەردىڭ تۋعان-تۋىستارىنا كوڭىل ايتتى، دەپ حابارلايدى قازاقپارات ق ر پرەزيدەنتىنىڭ Twitter-دەگى پاراقشاسىنا سىلتەمەم جاساپ.
«الماتى وبل. اقسەڭگىر- شامالعان تەمىرجول وتكەلىندە پوەزد اۆتوبۋسقا سوقتىعىستى. اۆتوبۋستا 67 ادام بولعان. ءبىر ادام كوز جۇمدى، جاراقات العاندار بار. تۋعان- تۋىستارىنا كوڭىل ايتامىن. تەرگەۋ جۇمىسى باستالدى» دەلىنگەن حابارلامادا.
ەسكە سالا كەتەيىك، بۇعان دەيىن الماتى وبلىسىندا جولاۋشىلار پويىزى مەن اۆتوبۋس سوقتىعىسقانىن حابارلاعان بولاتىنبىز. قازىرگى ساتتە وقيعا ورنىندا تۇسىرىلگەن ۆيدەو الەۋمەتتىك جەلىلەردە تاراپ جاتىر.