+7 (701) 759 90 19
5 °С : نۇر-سۇلتان
7 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

وتباسى كۇنى: ەلوردادا مەكتەپتە جانۇيالىق فلەشموب جانە سپورتتىق جارىستار وتكىزىلدى

15 قىركۇيەك 14:45
:ءبولىسۋ
وتباسى كۇنى: ەلوردادا مەكتەپتە جانۇيالىق فلەشموب جانە سپورتتىق جارىستار وتكىزىلدى

نۇر- سۇلتان. قازاقپارات - ەلوردادا وتباسى كۇنى مەرەكەسىنە وراي قالالىق №64 مەكتەپ- ليسەيىندە اتا- انالاردىڭ قاتىسۋىمەن سپورتتىق شارا ءوتتى، دەپ حابارلايدى قازاقپارات ءتىلشىسى.



وتباسى قۇندىلىقتارىن ناسيحاتتاۋ ماقساتىندا ۇيىمداستىرىلعان شارا اياسىندا «ءبىز بىرگەمىز» اتتى وتباسىلىق فلەشموب جانە كوماندالار اراسىندا سپورتتىق ەستافەتالىق جارىستار وتكىزىلدى. سونىمەن بىرگە وقۋشىلار ءوز ونەرلەرىن ورتاعا سالىپ، شىعارماشىلىق تالانتتارىن كورسەتتى. جارىس جەڭىمپازدارى ارنايى ديپلومدارمەن ماراپاتتالدى.



«وزدەرىڭىزگە بەلگىلى، ەلباسى ن.ءا. نازاربايەۆ «وتباسى كۇنىن» بەلگىلەپ، وتباسى قۇندىلىعىنا ەرەكشە كوڭىل ءبولىپ وتىر. ارينە، بۇل مەرەكەلى كۇننىڭ ماڭىزى وتە جوعارى. «وتان وتباسىنان باستالادى» دەيدى حالقىمىز. ءار شاڭىراقتىڭ بەرەكە- بىرلىگى بالاعا ەرەكشە اسەر ەتەدى. جىلى جانۇيادان قوعامعا بەرەرى مول مەيىرىمدى ازاماتتار ءوسىپ شىعادى. ءبىز بالا تاربيەسىندە ءاردايىم اتا- انالارمەن بىرلەسىپ جۇمىس ىستەۋدى باستى نازاردا ۇستايمىز. بۇگىنگى ءىس- شارامىز دا سونىڭ ءبىر كورىنىسى. بالالاردىڭ كوماندامەن جۇمىس ىستەۋگە بەيىمدەلۋى، ءوز وتباسىن قادىرلەۋى وسىدان باستالادى. سالاۋاتتى ءومىر سالتىن ۇستانىپ، ۇرپاققا ۇلگى بولاتىن اتا- انالارىمىز كوپ بولسىن!» - دەيدى مەكتەپ ديرەكتورى بانۋ بايمۋراتوۆا.



ايتا كەتەيىك، 2013 -جىلى قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ «قازاقستان رەسپۋبليكاسىنداعى كاسىپتىك جانە وزگە دە مەرەكەلەر تۋرالى» زاڭىنا وزگەرتۋلەر ەنگىزۋ جونىندەگى جارلىعىنا سايكەس، قىركۇيەك ايىنىڭ ەكىنشى جەكسەنبىسى - وتباسى كۇنى بولىپ بەكىتىلگەن بولاتىن.



اۆتور: ريزابەك نۇسىپبەك ۇلى



باستى سوزدەر: قوعام, استانا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات