+7 (701) 759 90 19
0 °С : نۇر-سۇلتان
16 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

كۇرەس تۇرلەرىنەن ءاچ: بۇگىن ءۇش بالۋانىمىز شيرەك فينالعا جەتپەي ءسۇرىندى

15 قىركۇيەك 16:37
:ءبولىسۋ
كۇرەس تۇرلەرىنەن ءاچ: بۇگىن ءۇش بالۋانىمىز شيرەك فينالعا جەتپەي ءسۇرىندى

نۇر- سۇلتان. قازاقپارات - كۇرەس تۇرلەرىنەن ەلوردادا ءوتىپ جاتقان الەم چەمپيوناتىنىڭ ەكىنشى كۇنى بەلدەسۋگە شىققان ءۇش بالۋانىمىز دا شيرەك فينالعا شىقپاي ءسۇرىندى، دەپ حابارلايدى قازاقپارات ءتىلشىسى.

وسىعان دەيىن حابارلاعانىمىزداي 67 كەلىدە بەلدەسكەن مەيرىجان شەرماحانبەت العاشقى اينالىمدا امەريكالىق ەلليس كوۋلماننان ايلاسىن اسىرا العان جوق. ول قارسىلاسىنا 2:10 ەسەبىمەن جول بەردى. بىرىنشىلىك باستالماي تۇرىپ، باپكەرلەر وسى مەيىرجاننان مەدال كۇتەتىنى تۋرالى ايتقان بولاتىن. ەندى ول امەريكالىق ەلليس كوۋلمان فينالعا شىقسا عانا جۇبانىش بەلدەسۋىنە قاتىسىپ، قولا مەدالعا تالاسۋ مۇمكىندىگى بار. 87 كەلىدە سىنعا تۇسكەن ازامات كۇستىبايەۆ ءبىرىنشى بەلدەسۋىن جەڭىسپەن باستاعان ەدى. ەكىنشى بەلدەسۋىندە دە فرانسيالىق حاليس گيلماندى 7:1 ەسەبىمەن ۇتىپ، جانكۇيەرلەرىن ءبىر جەلپىندىرىپ تاستادى. الايدا، شيرەك فينال جولداماسىنا تالاستا كۇستىبايەۆ كۋبالىق دەنيەل گريگوريچكە ەسە جىبەردى. بەلدەسۋ 1:1 ەسەبىمەن تەڭ اياقتالسا دا، سوڭعى ۇپايدى يەلەنگەن دەنيەل جارىستى ارى قاراي جالعاستىرۋ مۇمكىندىگىنە يە بولدى. ال 97 كەلىدە سىنعا تۇسكەن ەرۇلان ىسقاقوۆ ءبىرىنشى بەلدەسۋىندە ءازىربايجاندىق ورحان نۋريەۆتى 2:1 ەسەبىمەن جەڭگەنىمەن، ەكىنشى بەلدەسۋىندە گرۋزيالىق گەورگي مەليدەن ۇتىلىپ قالدى.

ايتا كەتەيىك، الداعى ساعاتتاردا 55, 63, 72, 82 كەلى سالماق دارەجەسىندەگى جەڭىمپازدار مەن جۇلدەگەرلەر انىقتالادى. وندا 55 كەلى سالماقتا ەل نامىسىن قورعاپ جاتقان بالۋانىمىز قورلان جاقانشا التىن مەدال ءۇشىن سىنعا تۇسەدى.

فوتو: olympic.kz


اۆتور: كۇنسۇلتان وتارباي



باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات