+7 (701) 759 90 19
-6 °С : نۇر-سۇلتان
-2 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

عارىشقا ۇشۋدى ۇيعارعان ميللياردەر بيزنەسىنەن باس تارتتى

14 قىركۇيەك 15:43
:ءبولىسۋ
عارىشقا ۇشۋدى ۇيعارعان ميللياردەر بيزنەسىنەن باس تارتتى

نۇر- سۇلتان. قازاقپارات - جاپونيالىق ميللياردەر يۋساكۋ ماەدزاۆا Zozo كيىم- كەشەك، اياقكيىم جانە اكسەسسۋارلار ونلاين- رەتەيلەرىنىڭ اكسيالارىن ساتاتىن بولدى. ساتىپ الۋشى كومپانيا «Yahoo Japan».

ەكى جاقتاما كەلىسىم بويىنشا Zozo نىڭ قۇنى 3,7 ميلليارد دوللارعا باعالانعان. ماەدزاۆا ءوز ۇلەسىنىڭ 30,4 پايىزىن ساتادى. وسى ۋاقىتقا دەيىن وعان 36,8 پايىز تيەسىلى بولاتىن. بۇدان بولەك، كەلىسىم بويىنشا، ول كومپانيا ديرەكتورى لاۋازىمىنان دا كەتەدى. مانسابىن ديسك ساتۋدان باستاعان ميللياردەر يۋساكۋ ماەدزاۆا 1975 -جىلى جاپونيانىڭ كاماگايا قالاشىعىنداعى ەسەپشى جانۇياسىندا ومىرگە كەلگەن. 1991 -جىلى مەكتەپتە ءجۇرىپ- اق Switch Style روك توبىن قۇرىپ، ءوزى سول توپتا بارابانشى بولعان. وقۋدى ءتامامداعاسىن، ا ق ش- قا بارعان. ول جەردە تانىمال انشىلەردىڭ CD- ديسكتەرىن كوللەكسيا ەتىپ جيناعان. 1995 -جىلى يۋساكۋ وتانىنا بيزنەس باستاۋ يدەياسىمەن قايتىپ كەلگەن. وسىلاي مۋزىكالىق ديسكتەردى پوشتامەن جەتكىزىپ بەرەتىن كومپانيانىڭ نەگىزىن قالايدى. 1998 -جىلى 22 جاستاعى بولاشاق ميللياردەر Start Today فيرماسىن اشقان. فيرما ينتەرنەت تاپسىرىستار نەگىزىندە تانىمال انشىلەردىڭ كومپاكت- ديسكتەرىن ساتۋمەن اينالىسادى. بىرنەشە جىلدان سوڭ جاس كاسىپكەر Zozotown دەپ اتالاتىن كيىم- كەشەك ساتاتىن ينتەرنەت- دۇكەننىڭ نەگىزىن قالايدى.

العاشىندا كومپانيادا 4 ادام جۇمىس ىستەسە، بۇگىندە ولاردىڭ سانى - 900. Zozotown - جاپونياداعى ەڭ تانىمال كيىم- كەشەك ساۋداسىمەن شۇعىلداناتىن كومپانيانىڭ ءبىرى. Forbes مالىمەتتەرىنە قاراعاندا ماەدزاۆانىڭ جالپى بايلىعى 3 ميلليارد دوللار بولىپ، جاپونياداعى باي ادامدار تىزىمىندە 18-ورىندى يەلەنگەن. جان- ميشەل باسكيانىڭ «اتاۋى جوق» كارتيناسى مەن يۋساكۋ ماەدزاۆا ونەر جانكۇيەرى ماەدزاۆا وتانىندا قايىرىمدىلىق شارالارىن وتكىزۋمەن تانىلعان ادام. ول 2003 -جىلى فۋتبولكا ساتۋدان تۇسكەن بارلىق اقشانى قايىرىمدىلىق قورىنا وتكىزگەن. سونىمەن بىرگە، ءوزى تۋىپ وسكەن تيبا پرەفەكتۋراسىنا ستاديوندى جوندەۋدەن وتكىزۋ ءۇشىن 1 ميلليون دوللار بولگەن. ءبىر ەرەكشەلىگى ونىڭ كومپانياسىنداعى قىزمەتكەرلەر كۇنىنە 6 ساعات جۇمىس ىستەيدى. كاسىپكەردىڭ ايتۋىنشا، بۇل قىزمەتكەرلەردىڭ جانۇياسىنا كوبىرەك ۋاقىت بولۋىنە مۇمكىندىك بەرەدى ەكەن. ماەدزاۆا ونەردى قاتتى جاقسى كورەدى. ول 2012 -جىلى زاماناۋي ونەر قورىن قۇرعان. يۋساكۋ ءار جىلى 20 جاستان 35 جاسقا دەيىنگى تالانتتى جاستاردى ىنتالاندىرۋ ءۇشىن 15 مىڭ دوللار ءبولىپ وتىرادى. ميللياردەر جاس سۋرەتشى مەن مۋزىكانتتارعا ارناپ گرانتتار تاعايىندايدى. تۋعان جەرىندە مۇراجاي اشۋدى دا جوسپارلاپ وتىر.

ك س ر و عارىشكەرلەرى ايعا نەگە ۇشپادى؟

ول 2016 -جىلى جان- ميشەل باسكيا مەن پابلو پيكاسسو كارتينالارىن ساتىپ الۋ ءۇشىن 80 ميلليون دوللارىن سارپ ەتكەن. 2017 -جىلى بولسا جان- ميشەل باسكيانىڭ «اتاۋى جوق» كارتيناسىن 110,5 ميلليون دوللارعا ساتىپ الىپ، ايدى اسپانعا ءبىر- اق شىعاردى.

العاشقى عارىش ساياحاتشىسى



عارىشقا ساياحات ماەدزاۆانىڭ پىكىرىنشە، كوڭىل كوتەرۋ ەمەس، كەرىسىنشە ارت- جوبا. بۇل ونەر ادامدارىن شابىتتاندىرادى دەپ وتىر. ميللياردەر Big Falcon زىمىرانىندا وزىمەن بىرگە ۇشاتىن سۋرەتشى، فوتوگراف، رەجيسسەر، مودەلەر جانە ارحيتەكتورلار ءۇشىن سەگىز ورىن الىپ قويعان. ماەدزاۆا جەرگە ورالعاننان سوڭ ونەر ادامدارى ساياحات اسەرىنەن ءتۇرلى تۋىندى تۋدىراتىنىنا سەنەدى. ول ساياحات ءۇشىن قانشا تولەگەنى تۋرالى اشىپ ايتقان جوق. بۇدان بۇرىن بيلەت قۇنى 35 ميلليون دوللار بولاتىنى بولجانعان ەدى. ايتا كەتەيىك، 18 قىركۇيەك كۇنى يلون ماسك SpaceX كومپانياسى تاراپىنان جوبالانىپ جاتقان BFR زىمىرانىندا ايعا ساياحاتتايتىن العاشقى تۋريست جاپون ميللياردەرى يۋساكۋ ماەدزاۆا بولعانى تۋرالى جازعان ەدىك.

Massaget.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات