+7 (701) 759 90 19
10 °С : نۇر-سۇلتان
14 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

قازاق بالۋاندارى قاشان التىن الادى؟

14 قىركۇيەك 13:40
:ءبولىسۋ
قازاق بالۋاندارى قاشان التىن الادى؟

نۇر- سۇلتان. قازاقپارات - كۇرەس تۇرلەرىنەن، اتاپ ايتساق، گرەك- ريم، ەركىن جانە ايەلدەر كۇرەسىنەن الەم چەمپيوناتى تۇڭعىش رەت قازاقستان استاناسىندا وتكەلى وتىر.

وتكەن جىلى بىرىككەن كۇرەس الەمىنىڭ پرەزيدەنتى نەناد لالوۆيچ ەلىمىزدىڭ باس قالاسىنا 2019 -جىلعى كۇرەس تۇرلەرىنەن الەم چەمپيوناتىن ۇيىمداستىرۋدى سەنىپ تاپسىرعان بولاتىن. بۇل ءباسى بيىك دودانى وتكىزۋگە ەلىمىزدىڭ استاناسىمەنمەن بىرگە الماتى جانە تۇركيانىڭ ىستانبۇل قالالارى دا نيەت تانىتقان- تۇعىن. الايدا، تاڭداۋ ەلورداعا ءتۇستى. وسىلايشا، كۇرەس تۇرلەرىنەن الەم چەمپيوناتىنىڭ الاۋى قازاق ەلىنىڭ تورىندە العاش رەت جەلبىرەگەلى تۇر.

الەم چەمپيوناتىنىڭ ەڭ باستى ەرەكشەلىگى

ەلوردامىزدا وسىعان دەيىن قانشاما جارىستاردىڭ كورىگى قىزىپ، كورەرمەندەرگە قۋانىش سىيلادى. الايدا، بۇگىنگى كۇرەس تۇرلەرىنەن وتكەلى وتىرعان الەم چەمپيوناتىنىڭ ورنى ەرەكشە. ولاي دەيتىنىمىز، كۇرەس تۇرلەرىنەن كەلەسى جىلى تورتكۇل دۇنيە كوز تىگەتىن وليمپيادا ويىندارىنىڭ العاشقى جولدامالارى قازاقستاندا ساراپقا سالىنادى.

استاناعا بۇل كۇندەرى الەمنىڭ 100 دەن استام ەلىنەن مىڭنان استام بالۋان كەلىپ ۇلگەردى. ولار (14-22 - كىركۇيەك ارالىعىندا) توعىز كۇن بويى 2020 -جىلى توكيودا وتەتىن وليمپيادا ويىندارىنىڭ جولداماسى ءۇشىن تالاسادى. ناقتىراق ايتساق، نۇر- سۇلتاندا وليمپيادالىق سالماق دارەجەلەرىندە 1 - ورىننان 6 - ورىنعا دەيىن قول جەتكىزگەن ءار بالۋانعا توكيو تورىندە باق سىناۋعا ۇلكەن مۇمكىندىك تۋادى. الايدا، جولداماعا قول جەتكىزە الماعان بالۋاندار الەم چەمپيوناتىنان كەيىن دە ليسەنزيالىق جارىستارعا قاتىسا الادى.

قازاق بالۋاندارىنا «التىن» قاشان بۇيىرادى؟

كۇرەس تۇرلەرىنەن قازاق بالۋاندارى «التىن» مەدال الماعالى بيىل تۋرا 20 جىل بولدى. مىنە، ەلوردامىزدا كۇرەس تۇرلەرىنەن العاش رەت وتكەلى وتىرعان الەم بىرىنشىلىگى سول ولقىلىقتىڭ ورنىن تولتىرۋعا تاپتىرماس مۇمكىندىك ەكەنى داۋسىز. مىنە، ءوز بوزكىلەمىندە بالۋاندارىمىز جەرگىلىكتى جانكۇيەرلەرىن جەرگە قاراتپايدى دەپ سەنەيىك.

تاريح بەتتەرىنە ءۇڭىلىپ قاراساق، كۇرەس تۇرلەرىنەن الەم چەمپيوناتىندا 1999 -جىلدان كەيىن قازاقتىڭ ءانۇرانى بىردە- ءبىر شىرقالعان ەمەس. سوڭعى رەت 1999 -جىلى گرەكيانىڭ استاناسى افينىدا وتكەن الەم چەمپيوناتىندا گرەك- ريم كۇرەسىنەن 63 كەلى سالماقتا مكحيتار مانۋكيان چەمپيون اتاندى. سودان بەرى «ساپ» التىندى جانكۇيەرلەر سارىلىپ كۇتۋدە.. .

قازاقستان قورجىنىندا الەم چەمپيوناتىنىڭ قانشا مەدالى بار؟

قازاق بالۋاندارى كۇرەس تۇرلەرىنەن الەم چەمپيوناتتارىنا تاۋەلسىز ەل رەتىندە 1993 -جىلدان باستاپ قاتىسا باستادى. وسى جىلى گرەك- ريم كۇرەسىنەن قازاقتىڭ داڭقتى بالۋانى داۋلەت تۇرلىحانوۆ ەل قورجىنىنا كۇمىس مەدال سالدى. سودان قازىرگە دەيىن قازاقستاندىق بالۋاندار الەم چەمپيوناتىنان 5 التىن، 14 كۇمىس، 25 قولا (بارلىعى - 44) مەدال جەڭىپ الدى.

تارقاتىپ كورەيىك:

1993 -جىل

گرەك- ريم كۇرەسى - 1 كۇمىس.

1994 -جىل

گرەك- ريم كۇرەسى - 1 التىن.

1995 -جىل ەركىن كۇرەس - 1 كۇمىس.

گرەك- ريم كۇرەسى - 2 كۇمىس.

1997 -جىل

ەركىن كۇرەس - 1 قولا.

گرەك- ريم كۇرەسى - 1 التىن.

1998 -جىل

گرەك- ريم كۇرەسى - 2 التىن.

1999 -جىل

گرەك- ريم كۇرەسى - 1 التىن، 1 كۇمىس.

2003 -جىل

ەركىن كۇرەس- 1 قولا.

گرەك- ريم كۇرەسى -1 قولا.

2005 -جىل

ەركىن كۇرەس - 1 قولا .

گرەك- ريم كۇرەسى - 1 قولا.

2007 -جىل

ايەلدەر كۇرەسى - 1 كۇمىس، 2 قولا.

2008 -جىل

ايەلدەر كۇرەسى - 1 كۇمىس.

2009 -جىل

گرەك- ريم كۇرەسى - 1 - قولا.

ەركىن كۇرەس - 1 قولا.

ايەلدەر كۇرەسى - 1 قولا.

2010 -جىل

ەركىن كۇرەس - 1 قولا.

گرەك- ريم كۇرەسى - 2 قولا.

ايەلدەر كۇرەسى - 1 كۇمىس.

2011 -جىل

ەركىن كۇرەس - 2 قولا.

گرەك- ريم كۇرەسى - 1 كۇمىس، 1 قولا.

ايەلدەر كۇرەسى - 1 قولا.

2012 -جىل

ايەلدەر كۇرەسى - 1 كۇمىس.

2013 -جىل

گرەك- ريم كۇرەسى - 1 قولا.

ايەلدەر كۇرەسى - 1 قولا.

2015 -جىل

گرەك- ريم كۇرەسى - 2 قولا.

2016 -جىل

ەركىن كۇرەس - 1 كۇمىس.

ايەلدەر كۇرەسى - 1 قولا.

2017 -جىل

ەركىن كۇرەس - 1 قولا.

گرەك- ريم كۇرەسى - 2 كۇمىس مەدال.

ال، سوڭعى 2018 -جىلعى بۋداپەشت قالاسىندا وتكەن الەم چەمپيوناتىندا سپورتشىلارىمىز 1 كۇمىس 2 قولا مەدال ەنشىلەدى.

بيىلعى الەم چەمپيوناتىنا قانداي بالۋاندار كەلدى؟

كۇرەس تۇرلەرىنەن استانادا وتەتىن الەم چەمپيوناتىنا بۇگىندە 1000 نان استام بالۋان كەلدى. ونىڭ ىشىندە 60 تان استام وليمپيادا چەمپيونى مەن جۇلدەگەرى بار. ۇيىمداستىرۋ كوميتەتىنىڭ اقپاراتىنا سۇيەنسەك، مەدال مەن توكيو وليمپياداسىنىڭ جولداماسىنا تالاساتىن ەسىمى بۇكىل الەمگە تانىس بالۋانداردان بولەك، ەلورداعا قوناق رەتىندە ارنايى شاقىرىلعان ارداگەر بالۋانداردا ارنايى كەلگەن. اتاپ ايتساق، قازاقستاندىقتارعا ەتەنە تانىس بولىپ كەتكەن الەكساندر كارەلين، جاس امەريكالىق جۇلدىز كايل سنايدەر، ءتورت دۇركىن الەم چەمپيونى، وليمپيادا چەمپيونى دجوردان بارروۋز، جاپونيالىق ايگىلى چەمپيون كاوري يتە، ارتۋر الەكسانيان، لوپەس نۋنەس، قازاقستاننىڭ تۋماسى ۆالەريي ريازانتسيەۆ، بەلارۋس سپورتشىسى كاماندار مادجيدوۆ، يراننان ايگىلى راسۋ حادەم باستاعان مىقتىلار بار.

قازاق ەلى الەم چەمپيوناتىندا كىمدەرگە ءۇمىت ارتىپ وتىر؟

كۇرەس تۇرلەرىنەن نۇر- سۇلتاندا وتەتىن الەم چەمپيوناتىندا كۇرەستىڭ ءار تۇرىنەن 10 سالماق دارەجەسىندە بالۋاندار باق سىنايدى. قازاقستان قۇراماسىندا كۇرەستىڭ ءۇش تۇرىنەن 30 بالۋان بار. باپكەرلەر مىنا بالۋاندارعا سەنىم ارتىپ وتىر.

گرەك- ريم كۇرەسى:

55 كەلى: قورلان جاقانشا

60 كەلى: مەيرامبەك ايناعۇلوۆ

63 كەلى: المات كەبىسپايەۆ

67 كەلى: مەيىرجان شەرماحانبەت

72 كەلى: دەمەۋ جادىرايەۆ

77 كەلى: اسحات دىلمۇحامەدوۆ

82 كەلى: ماقسات ەرەجەپوۆ

87 كەلى: ازامات كۇستىبايەۆ

97 كەلى: ەرۇلان ىسقاقوۆ

130 كەلى: دامير كۇزەمبايەۆ

ەركىن كۇرەس:

57 كەلى: نۇريسلام سانايەۆ

61 كەلى: راسۋل قاليەۆ

65 كەلى: داۋلەت نيازبەكوۆ

70 كەلى: نۇرعوجا قايپانوۆ

74 كەلى: دانيار قايسانوۆ

79 كەلى: عالىمجان وسەربايەۆ

86 كەلى: ادىلەت داۋلەمبايەۆ

92 كەلى: نۇرعالي نۇرعايىپ ۇلى

97 كەلى: الىشەر ەرعالي

125 كەلى: ولەگ بولتين

ايەلدەر كۇرەسى:

50 كەلى: ۆالەنتينا يسلاموۆا

53 كەلى: تاتيانا احمەتوۆا

55 كەلى: مارينا سەدنيەۆا

57 كەلى: ەمما تيسينا

59 كەلى: ءمادينا باقبەرگەنوۆا

62 كەلى: اياۋلىم قاسىموۆا

65 كەلى: اينا تەمىرتاسوۆا

68 كەلى: يرينا كازيۋلينا

72 كەلى: ءجاميلا باقبەرگەنوۆا

76 كەلى: ەلميرا سىزدىقوۆا.


اۆتور: كۇنسۇلتان وتارباي



باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات