+7 (701) 759 90 19
-5 °С : نۇر-سۇلتان
0 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

بەيجىڭدە «قىتاي مەن يرانداعى شىتىرمان وقيعالار» جارىق كوردى - شەتەلدەگى قازاق ءتىلدى ب ا ق- قا شولۋ

14 قىركۇيەك 12:32
:ءبولىسۋ
بەيجىڭدە «قىتاي مەن يرانداعى شىتىرمان وقيعالار» جارىق كوردى - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قىتايدا ۇلتتىق سپورتتان از ۇلتتاردىڭ چەمپيوناتى وتۋدە - «تيانشاننەت»



قىتايداعى از ساندى ۇلتتاردىڭ ۇلتتىق سپورت تۇرلەرىنەن مەملەكەتتىك XI چەمپيوناتى 8 - قىركۇيەكتە جىڭجوۋ قالاسىندا باستالدى. اتالمىش چەمپيونات 16- شىلدەگە دەيىن جالعاسادى.

بۇل تۋرالى وسى اپتادا «تيانشاننەت» اقپاراتتىق پورتالى حابارلادى.



«شىنجاڭ ۋاكىلدەر ۇيىرمەسىندەگى 13 ۇلتتان قۇرالعان 119 سپورتشى بۇقارالىق نەگىزگە يە 8 ءتۇرلى جارىستا باقتارىن سىناماق. مۇنداعى 5 جارىس ءتۇرى: سايىسكەرلىك، التىباقان، جاياۋ تارتىس، ۇلتتىق كۇرەستەر، ۇلتتىق دەنە شىنىقتىرۋ گيمناستيكاسى. ال، 3 ويىن كورسەتۋ ءتۇرى: داۋاز(ارقاننىڭ ۇستىنەن جۇرەتىن اۋە اكروباتيكاسى) ، سارعايدي (كەڭىستىكتەگى اينالمالى شىعىرىق) ، ماررا دوبى. وسى كەزەكتى ۇلتتىق سپورت جارىسىنا 34 ۋاكىلدەر ۇيىرمەسى جۇلدەگە تالاسادى. قىتايداعى 56 ۇلتتان شامامەن 7000 سپورتشى 17 جارىس تۇرىنە، 194 ى ويىن كورسەتۋ تۇرىنە قاتىناسادى. بۇل جولعى چەمپيوناتتىڭ ات ۇستىندەگى سپورت تۇرلەرىنىڭ جارىسى 2019 -جىلى 7-12 - شىلدە ارالىعىندا ىشكى موڭعول اۆتونوميالى ولكەسىنىڭ حوححوت قالاسىندا وتكىزىلگەن بولاتىن» دەپ جازادى قىتايلىق ب ا ق.


ۇيلەرى باسپالداق ءتارىزدى سالىنعان اۋىل - «فارس» اقپارات اگەنتتىگى





يراندا باسقا الەمنىڭ ەشبىر ەلىنەن كەزدەسپەيتىن عاجايىپتار كوپ. سولاردىڭ ءبىرى كۋحرانگ قالاسى چاحورماحال باحتياري وبلىسىنىڭ ورتالىعى شاھركۇرد قالاسىنان 85 كم جەردە ورنالاسقان. بۇل قالادا زاياندەرۋد جۋنە قارۋن وزەڭدەرى اعادى. كۋحرانگ ايماعىندا «ماسۋلە- زاگروس» اتاۋىمەن تانىمال بولعان ادەمى جانە تۋريستەردى قىزىقتىراتىن ساراقاسيد اۋىلى بار. بۇل اۋىلدىڭ ۇيلەرى باسپالداق ءتارىزدى سالىنعان. جىلدىڭ ءارتۇرلى كەزەڭدەرىندە بۇل اۋىلدا كوپتەگەن تۋريستەر كەلەدى. اتالعان اۋىلدان جاز مەرزىمىندەگى اپتاپ ىستىقتا، قىستان قالعان قاسات قاردى دا كورۋگە بولادى ەكەن.

بۇل تۋرالى وسى اپتادا parstoday اقپاراتتىق پورتالىندا حابارلانعان بولاتىن.





شىنجاڭدا قازاق مالشىلارى كۇزەۋلىككە كوشتى - «جەنمين جيباو» (People Daily)



شىنجاڭدا قازاق مالشىلارى ەن جايلاۋدى جايلاپ بولعان سوڭ، كۇزەۋلىككە قونىس اۋدارادى. مىڭعىرعان مالىن ايداپ كوشكەن باقتاشىلاردىڭ كورىنىسىن قىتايلىق باسىلىمدار جىل سايىن نازاردان تىس قالدىرمايدى. سول ءداستۇردى بۇل جولى People Daily اقپاراتتىق پورتالى جالعاستىرىپتى.



«قوڭىر سالقىن كۇز بەلگى بەرە باستاسىمەن، شىنجاڭنىڭ قۇلجا اۋدانى تۋراسۋ جايلاۋىنداعى قازاق مالشىلار اسەم جايلاۋعا قوش ايتىپ، كۇزەۋلىككە بەت تۇزەدى. ءسويتىپ، وزدەرىنىڭ تاعى ءبىر قۇتتى قونىستارىنا كەلىپ قونباق. عاسىرلاردىڭ كۋاسى بولعان كوش جولىنداعى ءۇيىر- ءۇيىر جىلقى، قورا- قورا قوي مەن سيىرلار مالشىلاردىڭ كوشىندەگى اسەم دە ايبىندى سۋرەتتەرىن قالىپتاستىردى» دەپ جازادى جەنمين جيباو باسىلىمى.

قولتىراۋىنداردى ەكسپورتتايتىن فەرما - «فارس» اقپارات اگەنتتىگى



يراننىڭ باتىسىنداعى قولتىراۋىن فەرماسى حامەدان قالاسىنان 70 شاقىرىم جەردەگى مالايەردە ەكونوميكالىق جانە تۋريستەردى تارتۋ ماقساتپەن اشىلعان بولاتىن. Parstoday اقپارات اگەنتتىگىنىڭ مالىمەتىنشە، بۇل فەرما 600 قولتىراۋىندى باعىپ ءوسىرۋ مۇمكىندىگىنە يە. وسى كەزدە فەرمادا اۋستراليالىق 53 قولتىراۋىندى كورۋگە بولادى. مالايەر فەرماسىنىڭ قولتىراۋىندارى شىعىس ازيا، وڭتۇستىك امەريكا جانە ەۋروپا ەلدەرىنە ەكسپورتتالادى.

بەيجىڭدە «قىتاي مەن يرانداعى شىتىرمان وقيعالار» جارىق كوردى - ca-irnews



وتكەن بەيسەنبى كۇنى بەيجىڭدە «قىتاي مەن يرانداعى شىتىرمان وقيعالار» اتتى كىتاپتىڭ تۇساۋكەسەر ءراسىمى ءوتتى. بۇل تۋرالى « ca-irnews» اقپارات اگەنتتىگى حابارلايدى.

كىتاپتا 29 يران مەن قىتاي ازاماتتارىنىڭ جۇمىسى، ءومىرى، تاجىريبەلەرى مەن وقۋلارى تۋرالى جازىلعان ماقالالارى مەن ەستەلىكتەرىنىڭ جيىنتىعى قامتىلعان. بۇل كىتاپتىڭ تۇساۋكەسەر راسىمىنە يران يسلام رەسپۋبليكاسىنىڭ قىتايداعى ەلشىسى موحامماد كەشاۆارز- زادە، يرانداعى قىتايدىڭ بۇرىنعى ەلشىلەرى جانە يران يسلام رەسپۋبليكاسىنىڭ بەيجىڭدەگى قۇرلىقارالىق باسىلىمداردىڭ جەتەكشىسى قاتىسقان. قىتايداعى يران يسلام رەسپۋبليكاسىنىڭ مادەني كەڭەسشىسى ابباس ءالي ۆافاي اتالعان كىتاپتىڭ تۇساۋكەسەرىندە، ەكى ەلدىڭ قازىرگى بەلسەندى قارىم- قاتىناسى تۋرالى پىكىرىن بىلدىرگەن. «وسىدان 10-20 جىل بۇرىن قىتاي ءتىلىن جەتىك بىلەتىن جانە اۋدارما جاساي الاتىن يراندىقتى تابۋ قيىن بولدى، ءبىراق بۇگىندە ەكى ەلدىڭ مادەني كۇش- جىگەرىنىڭ ناتيجەسىندە قىتاي ءتىلىن ۇيرەنەتىن يراندىقتاردىڭ سانى ارتىپ كەلەدى» ، - دەدى مادەني كەڭەسشى.

يراندىق باسىلىمنىڭ مالىمەتىنشە، قازىرگى تاڭدا قىتايدىڭ 7 ۋنيۆەرسيتەتىندە پارسى ءتىلى وقىتىلۋدا ەكەن.

قازاقستان مەن وزبەكستان اراسىنداعى اۆتوبۋس باعىتتارىنىڭ سانى تاعىدا ارتتى - «ءو ز ا» اقپاراتتىق اگەنتتىگى



وزبەكستاننىڭ ترانسپورت مينيسترلىگىنىڭ قاسىنداعى «Uzavtotrans Servicە» كومپانياسى قازاقستاننىڭ ءتۇرلى وبلىستارىنا ساپارعا شىعاتىن تاشكەنت وبلىسى اۋداندارىنىڭ تۇرعىندارىنا قولايلىق جاراتۋ ماقساتىندا 13- قىركۇيەكتەن باستاپ «انگرەن- الماتى» «شىرشىق- الماتى» ، «شىرشىق- شىمكەنت» باعىتتارىنا تۇراقتى رەيستى قاتىناۋدى جولعا قويادى، دەپ حابارلايدى uza.uz اقپاراتتىق پورتالى.

اتالعان اقپارات كوزىنىنىڭ مالىمەتىنە سۇيەنسەك، جول قاشىقتىعى 918 شاقىرىم بولعان «انگرەن- الماتى» باعىتىنىڭ بەلەت باعاسى 120 مىڭ سۋم بولىپ بەلگىلەنىپ، اۆتوبۋستار انگرەننەن 16:00, 17:00, 18:00 دە ءجۇرۋدى باستايدى. «شىرشىق- الماتى» باعىتىنىڭ بەلەت باعاسى 100 مىڭ سۋم بولىپ بەلگىلەنگەن. وسى جول باعىتىنىڭ قاشىقتىعى 818 شاقىرىمدى قۇرايدى. اۆتوبۋستار قاتىناۋى 17:00 مەن 18:00 دە باستالادى. ال «شىرشىق- شىمكەنت» باعىتتارىنا اۆتوبۋستار قاتىناۋى كۇندەلىكتى 09:00, 11:00, 13:00, 15:00,17:00 ارالىعىندا بولادى. جول اقىسى 35 مىڭ سۋم. وسىعان دەيىن، تاشكەنتتەن قازاقستاننىڭ تۇركىستان، قىزىلودا، الماتى، نۇر- سۇلتان قالالارىنا تۇراقتى تۇردە اۆتوبۋستار قاتناۋى جولعا قويىلعان ەدى.

وزبەكستاندا جاڭا اگەنتتىك قۇرىلدى - « ءو ز ا» اقپاراتتىق اگەنتتىگى


وزبەكستان رەسپۋبليكاسى پرەزيدەنتىنىڭ 2019 -جىل 9 - قىركۇيەكتەگى «وزبەكستان رەسپۋبليكاسى مينيسترلەر مەكەمەسىنىڭ جانىنداعى پرەزيدەنت، شىعارماشىلىق جانە ارنايى مامانداندىرىلعان مەكتەپتەردى وركەندەتۋ اگەنتتىگىن قۇرۋ تۋرالى» 5815, ساندى جارلىعى جاريالاندى، دەپ حابارلايدى uza.uz اقپاراتتىق پورتالى.

«مەملەكەت باسشىسىنىڭ جارلىعىنا ساي جاڭادان قۇرىلعان، «پرەزيدەنت، شىعارماشىلىق جانە ارنايى مامانداندىرىلعان مەكتەپتەردى وركەندەتۋ اگەنتتىگىنىڭ» نەگىزگى مىندەتتەرى جايلى پرەزيدەنت جارلىعىندا، شىعارماشىلىق جانە مامانداندىرىلعان ارنايى مەكتەپتەردە تالانتتى جاستاردى انىقتاۋ، ولاردى ىرىكتەۋ. سونداي- اق، وقىتۋ جانە تاربيەلەۋ سالاسىنداعى ءبىرىڭعاي مەملەكەتتىك ساياساتتى جۇزەگە اسىرۋ جانە مەملەكەتتىك ءبىلىم ستاندارتتارىن بەكىتۋ بولىپ تابىلاتىنى جايلى ايتىلعان.. .

وزبەكستان رەسپۋبليكاسى پرەزيدەنتى ش. ميرزيايەۆتىڭ ارنايى بۇيرىعىمەن، جوعارىداعى جارلىقتىڭ ورىندالۋ ءتارتىبىن قاداعالاۋدى وزبەكستاننىڭ پرەمەر- مينيسترىنە، وزبەكستان پرەزيدەنتىنىڭ كەڭەسشىسىنە جانە وزبەكستان رەسپۋبليكاسى پرەمەر- ءمينيسترىنىڭ ورىنباسارىنا جۇكتەتىلگەنىن ايتادى وزبەكستاندىق ب ا ق.

اۆتور: بەيسەن سۇلتان



باستى سوزدەر: قوعام, شەتەل قازاقتارى ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات