+7 (701) 759 90 19 Лента
29 °С : نۇر-سۇلتان
30 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

قىتاي قازاقستانعا ستراتەگيالىق ارىپتەس رەتىندە قارايدى - بەرىك ءۋالي

13 قىركۇيەك 21:05
:ءبولىسۋ
قىتاي قازاقستانعا ستراتەگيالىق ارىپتەس رەتىندە قارايدى - بەرىك ءۋالي

نۇر-سۇلتان. قازاقپارات - قىتاي قازاقستانعا ستراتەگيالىق ارىپتەس رەتىندە قارايدى.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي ايتتى، دەپ حابارلايدى قازاقپارات ءتىلشىسى.

«جالپى، قىتاي جوعارى تەحنولوگيا ونىمدەرىن ءوندىرۋ بويىنشا جاھاندىق دەڭگەيدە كوشباسشى سانالادى. ونى مويىنداۋىمىز كەرەك. كەشەگى ساپارى بارىسىندا وعان ءوزىمىز دە كوز جەتكىزدىك. ونىڭ ۇستىنە الەمدەگى ەكونوميكاسى دامىعان ەكىنشى ەل سانالادى. وسىنداي الەۋەتى مىقتى كورشىمەن ارالاسپاي، شەكارانى جاۋىپ وتىرۋ مۇمكىن دە ەمەس. مۇنى بارلىعىڭىز جاقسى بىلەسىزدەر. سول سەبەپتى مىنانى ءتۇسىنۋىمىز كەرەك دەپ ويلايمىن، قىتاي بىزگە ءوزىنىڭ يدەولوگيالىق ساياساتىن جۇرگىزىپ، تاڭىپ، قانداي دا ءبىر باسقاشا قۇيتىرقى ويىن جاساپ وتىرعان جوق»، - دەدى ول.

ق ر پرەزيدەنتى باسپا ءسوز حاتشىسىنىڭ ايتۋىنشا، قايتا ءبىز ولاردىڭ جاڭا تەحنولوگيالارىن كۇندەلىكتى ومىردە پايدالانۋعا، يننوۆاتسيالىق جاڭالىقتارىن ءوندىرىس ورىندارىنا ەنگىزۋگە مۇددەلىمىز.

«سونىمەن قاتار پرەزيدەنتىمىز قاسىم-جومارت توقايەۆتىڭ سيفرلىق ەكونوميكاعا كوشۋ تاپسىرماسىنا سايكەس قىتاي تاجىريبەسىنە سۇيەنۋ دە ماڭىزدى مىندەت دەپ ەسەپتەيمىز. قىتاي قازاقستاننىڭ جەرىنە ەشقاشان دا كوز الارتىپ قارامايدى. ءبىزدىڭ تەرريتوريالىق تۇتاستىعىمىزدى تولىق مويىنداپ وتىر. قازاقستانعا تەك ستراتەگيالىق ارىپتەس رەتىندە قارايدى. ونىڭ نەگىزگى ماقساتى - ساۋدا جاساۋ. ساۋدا ارقىلى پايدا تابۋ. الەمنىڭ قاي تۇكپىرىندە جۇرمەسىن، بۇل - ولاردىڭ باستى مۇراتى، ماقساتى»، - دەدى بەرىك ءۋالي.

اۆتور: مارلان جيەمباي


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات