+7 (701) 759 90 19 Лента
12 °С : نۇر-سۇلتان
21 °С : الماتى
USD 387.34 EUR 428.44
RUB 6.04 CNY 54.58
جاڭالىقتار

ىس تيۋدەن ساقتايتىن داتچيكتەردى قايدان جانە قانشاعا ساتىپ الۋعا بولادى

13 قىركۇيەك 20:52
:ءبولىسۋ
ىس تيۋدەن ساقتايتىن داتچيكتەردى قايدان جانە قانشاعا ساتىپ الۋعا بولادى

نۇر-سۇلتان. قازاقپارات - ىستى گاز تۋرالى ەسكەرتەتىن داتچيكتەردى قايدان جانە قانشاعا ساتىپ الۋعا بولادى؟

بۇل سۇراققا ەلوردادا وتكەن باسپا ءسوز ءماسليحاتىندا ق ر ءى ءى م توتەنشە جاعدايلار كوميتەتىنىڭ ءتوراعاسى ۆلاديمير بەككەر جاۋاپ بەردى، دەپ حابارلايدى قازاقپارات ءتىلشىسى.

«داتچيكتەردى بازارلاردان، دۇكەندەردەن تاۋىپ الۋعا بولادى. ناقتى قايدا ساتاتىنى تۋرالى مالىمەتتى جەرگىلىكتى دەپارتامەنتتەر مەن باسقارمالاردان ءبىلىپ الۋ كەرەك. وندىرۋشىلەرىنە قاراي داتچيكتەردىڭ باعاسى 4-10 مىڭ تەڭگە ارالىعىندا»، - دەدى ۆلاديمير بەككەر.

كوميتەت ءتوراعاسىنىڭ ايتۋىنا قاراعاندا، وسى ۋاقىتقا دەيىن ۇيلەرگە ورناتىلعان داتچيكتەردىڭ قىزمەتتەرىنە تەكسەرۋ جۇرگىزىلگەن. ناتيجەسىندە، وسى قۇرىلعى بەلگى بەرىپ، ءۇي يەلەرىن قاۋىپتەن ساقتاپ قالۋدىڭ ونداعان جاعدايى الماتى، شىعىس قازاقستان وبلىستارىندا تىركەلگەن.

«ياعني، مۇنداي قۇرىلعىلاردىڭ ناقتى پايداسى بارشىلىق. ءبىراق، كەيدە قىزىق جاعدايلاردى كەزدەستىرىپ جاتامىز. ۇيلەرگە داتچيكتەردى ورناتىپ كەتسەك، قاۋىپتەن ەسكەرتكەن الگى قۇرىلعىنىڭ داۋىسىنان ادامداردىڭ مازاسى قاشىپ، ونى ءوشىرىپ تاستاعان كورىنەدى. ايتسە دە، داتچيكتەر ءسىزدى تولىقتاي قاۋىپتەن ساقتايدى دەگەن اڭگىمە جوق. بارلىق قاۋىپسىزدىك ەرەجەلەرىن ۇستانۋ كەرەك»، - دەدى ول.

اۆتور: ايان بەكەن ۇلى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات