+7 (701) 759 90 19
-22 °С : نۇر-سۇلتان
4 °С : الماتى
USD 387.16 EUR 428.47
RUB 6.08 CNY 55.13
جاڭالىقتار

توقايەۆ قىتاي باسشىسىن قازاقستانعا رەسمي ساپارمەن كەلۋگە شاقىردى

13 قىركۇيەك 18:28
:ءبولىسۋ
توقايەۆ قىتاي باسشىسىن قازاقستانعا رەسمي ساپارمەن كەلۋگە شاقىردى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ ق ح ر ءتوراعاسى شي جينپيندى قازاقستانعا رەسمي ساپارمەن كەلۋگە شاقىردى.

بۇل تۋرالى ق ر پرەزيدەنتىنىڭ كومەكشىسى مۇرات نۇرتىلەۋوۆ ورتالىق كوممۋنيكاتسيالار قىزمەتىندەگى بريفينگتە ايتتى، دەپ حابارلايدى قازاقپارات ءتىلشىسى.

«كەلىسسوزدەر بارسىندا قاسىم- جومارت كەمەل ۇلى قىتاي ءتوراعاسىن قازاقستانعا رەسمي ساپارمەن شاقىردى. ونىڭ ناقتى مەرزىمدەرىن سىرتقى ىستەر مينيسترلىگى ديپلوماتيالىق ارنالارمەن پىسىقتايتىن بولادى. سونىمەن قاتار ءبىرقاتار قىتاي كومپانياسى قازاقستانعا ساپار شەگۋدى جوسپارلاپ وتىر. ولارمەن ءبىز جاڭا باعىتتاردا جاقسى جۇمىس ىستەۋگە ءسوز بايلاستىق» ، - دەدى پرەزيدەنت كومەكشىسى.

سونىمەن قاتار ول قازاقستان پرەزيدەنتىنىڭ قىتايعا ەكى كۇندىك مەملەكەتتىك ساپارى جەمىستى وتكەندىگىن ايتتى.

«جالپى، بەيجىڭدە، حاڭجوۋدا بولعان باعدارلاما الدىن الا پرەزيدەنت اكىمشىلىگى، سىرتقى ىستەر مينيسترلىگى جانە باسقا دا مەملەكەتتىك ورگانداردىڭ قاتىسۋىمەن دايىندالعان تۇجىرىمدارعا تولىق سايكەس بولدى دەپ ايتا الامىز. قوس مەملەكەت باسشىلارى جىلى جانە دوستىق رايدا كەلىسسوزدەر جۇرگىزدى. ونىڭ بارىسىندا ديپلوماتيالىق قاتىناستار ورناتىلعان 27 جىلدىڭ ىشىندە قازاقستان مەن قىتاي اراسىندا ءارتۇرلى سالادا قول جەتكىزىلگەن ەلەۋلى ناتيجەلەر جوعارى باعالاندى» ، - دەدى م. نۇرتىلەۋوۆ.


باستى سوزدەر: سئرتقئ ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات