+7 (701) 759 90 19
-6 °С : نۇر-سۇلتان
-1 °С : الماتى
USD 389.34 EUR 428.78
RUB 6.05 CNY 55.45
جاڭالىقتار

قازاقستاننان «رەال مادريدكە» باراتىن جاس فۋتبولشىلار بەلگىلى بولدى

13 قىركۇيەك 14:14
:ءبولىسۋ
قازاقستاننان «رەال مادريدكە» باراتىن جاس فۋتبولشىلار بەلگىلى بولدى

الماتى. قازاقپارات - الماتىدا «رەال مادريد» كلۋبىنا بارۋعا ۇمىتكەر جاس فۋتبولشىلار اراسىنداعى جارىس اياقتالدى. باس جۇلدەنى تارازدىق «تۇلپار» كومانداسى ۇتىپ الدى، دەپ حابارلايدى قازاقپارات ءتىلشىسى.

باس جۇلدەگەر كوماندا - بالالار ۇيلەرىنىڭ ويىنشىلارىنان جاساقتالعان 12 كوماندانىڭ اراسىنان انىقتالادى. ءۇش كۇنگە سوزىلعان تارتىستى دودادا تارازدىق «تۇلپار» كومانداسى وزىق شىقتى. فينالدا ولار رۋدنىي قالاسىنىڭ «بەركۋت» كومانداسىمەن ويناپ، 1:0 ەسەبىمەن جەڭدى.

«ءبىز قاتتى قۋانىپ تۇرمىز. بۇل جەڭىستى ءبىز كوپ ارماندادىق، كوماندامىزبەن بار كۇشىمىزدى سالدىق. ءبىز بارلىق بالا ارماندايتىن «رەال مادريد» فۋتبول كلۋبى مەن اتاقتى «سانتياگو بارنابەو» ستاديونىن كورەمىز. الماتىعا قازاقستاننىڭ تۇكپىر-تۇكپىرىنەن كەلگەن فۋتبولشىلارعا ساتتىلىك تىلەيمىن. بارلىق كوماندا مىقتى بولدى»، - دەيدى «تۇلپار» كومانداسىنىڭ ويىنشىسى تەمىرلان دونيلكو.

قازاقستانداعى بالالار ءۇيىنىڭ جەتكىنشەكتەرى اراسىنداعى «ارمانىڭا جاقىندا» اتتى فۋتبول ويىنى «BAURZHAN» قايىرىمدىلىق قورى، قازاقستان فۋتبول فەدەراتسياسى، ق ر ب ع م بالالاردىڭ قۇقىقتارىن قورعاۋ كوميتەتىنىڭ ۇيىمداستىرۋىمەن ءوتتى.


«تۋرنير وتكىزىلگەن جەتى جىلدىڭ ىشىندە بالالار ءۇيىنىڭ 60 شاقتى بالاسى يسپاندىق «بارسەلونا»، يتاليالىق «ميلان»، نەمىستىڭ «باۆارياسى» مەن فرانسۋزدىڭ «پاري سەن-جەرمەنى» سەكىلدى ازۋلى فۋتبول كلۋبتارىندا بولىپتى. بيىلعى جارىستىڭ جەڭىمپازدارى ايگىلى «رەال مادريدكە» بارىپ، جاتتىعۋىن كورمەك»، - دەپ اتاپ ءوتتى BAURZHAN» قايىرىمدىلىق قورىنىڭ جوبا جەتەكشىسى بالجان تۇرسىن.

جوبانىڭ باس دەمەۋشىسى «Samruk Kazyna Trust» الەۋمەتتىك جوبالاردى دامىتۋ قورى. جەڭىمپاز كوماندانى يسپانيا ەلىنە اپارىپ، الىپ كەلۋدى وسى قور ءوز موينىنا الدى.

«ءبىز مۇنداي جوبالاردى ۇنەمى قولداپ وتىرامىز. بۇل جوبانىڭ ەرەكشەلىگى — مۇندا بالالاردىڭ ارمانىن ورىنداۋ، ولاردى قۋانتۋ، سپورتقا دەگەن قىزىعۋشىلىقتارىن ارتتىرۋ. ءدال وسى بالالاردىڭ اراسىنان ەرتەڭ، مىقتى سپورتشى شىعۋى مۇمكىن. سوندىقتان ءبىزدىڭ قور قۋانا-قۋانا بارلىق شىعىندى كوتەرىپ الادى. مەن جەڭىمپاز كوماندانى شىن جۇرەكتەن قۇتتىقتايمىن. بۇل سپورت، مۇندا ءبىر-اق جەڭىمپاز بولۋى كەرەك. دەسەكتە، بارلىق كومانداعا ارنايى سىيلىعىمىز بار»، - دەدى «Samruk Kazyna Trust» الەۋمەتتىك جوبالاردى دامىتۋ قورىنىڭ باس مەنەدجەرى.

قازان ايىنىڭ سوڭىندا، جەڭىمپاز كوماندا يسپانياعا اتتانىپ، ارمانىمەن قاۋىشادى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات