+7 (701) 759 90 19 Лента
29 °С : نۇر-سۇلتان
30 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

باۋىرجان بايبەك ەلباسىنا حات جازعان ستۋدەنتكە پارتيا بيلەتىن تاپسىردى

13 قىركۇيەك 13:26
:ءبولىسۋ
باۋىرجان بايبەك ەلباسىنا حات جازعان ستۋدەنتكە پارتيا بيلەتىن تاپسىردى

نۇر-سۇلتان. قازاقپارات - «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك قازاق مەملەكەتتىك زاڭ ۋنيۆەرسيتەتىنىڭ جاڭا كوۆوركينگ ورتالىعىن ارالاپ كوردى.

سونداي-اق ول «Adal bilim» جوباسى اياسىندا سىبايلاس جەمقورلىققا قارسى ءىس-قيمىل اگەنتتىگىنىڭ قولداۋىمەن جۇزەگە اسىرىلىپ جاتقان جوبالارىمەن تانىستى، دەپ حابارلايدى قازاقپارات ءتىلشىسى.

وقۋ ورنىنىڭ رەكتورى تالعات نارىكبايەۆتىڭ ايتۋىنشا، بۇگىندە سىبايلاس جەمقورلىق تاۋەكەلدەرىن تومەندەتۋ ماقساتىندا ۋنيۆەرسيتەتتىڭ بارلىق قىزمەتتەرى ونلاين تۇردە قولجەتىمدى.

«2014-جىلى ءبىز ستۋدەنتتەر «ءبىر تەرەزە» قاعيداتىمەن قىزمەت الا الاتىن ورتالىق اشقان ەدىك. قازىرگى ۋاقىتتا ءبىز ودان ارى دا ىلگەرىلەپ، قىزمەتتەردى ەلەكتروندى فورماتتا كورسەتەمىز. سوعان وراي اكىمشىلىك شىعىستار دا قىسقارىپ، جاڭا الاڭدار بوسادى. ول جەردە زاماناۋي كوۆوركينگ ورتالىعىن جاسادىق. ءموبيلدى قوسىمشا دا ازىرلەدىك. ونىڭ كومەگىمەن ستۋدەنت جاتاقحاناعا ءوتىنىم بەرىپ، وقۋ قۇنىن ەسەپتەپ شىعارا الادى جانە ەدۆايزەرگە كەڭەس الۋعا جازىلادى»، - دەدى وقۋ ورنىنىڭ باسشىسى.

باۋىرجان بايبەك جاستارمەن كەزدەسۋ بارىسىندا «Nur Otan» پارتياسىنىڭ كوشباسشىسى - ەلباسى نۇرسۇلتان نازاربايەۆتىڭ باستاماسىمەن پارتيانى جۇيەلى جاڭعىرتۋ بويىنشا جۇرگىزىلىپ جاتقان جۇمىستار مەن سىبايلاس جەمقورلىققا قارسى ءىس-قيمىل باعدارلاماسىنىڭ جۇزەگە اسىرىلۋ بارىسى جايىندا ايتىپ بەردى. سونىمەن قاتار زاڭ ۋنيۆەرسيتەتىنىڭ ستۋدەنتتەرىمەن مەملەكەت باسشىسى قاسىم-جومارت توقايەۆتىڭ قازاقستان حالقىنا جولداۋىنداعى سوت جانە قۇقىق قورعاۋ جۇيەسىن رەفورمالاۋ، جەمقورلىقپەن جۇيەلى كۇرەس، ازاماتتاردىڭ قۇقىقتارىن قورعاۋ جانە وزگە دە ۇسىنىستارى تالقىلاندى.

«سيفرلاندىرۋ - بۇل جەمقورلىققا قارسى ءىس-قيمىل مەن ونى ءتۇپ-تامىرىمەن قۇرتۋدىڭ، ۇسىنىلاتىن قىزمەتتەردىڭ اشىقتىعى مەنساپاسىن ارتتىراتىن ماڭىزدى تەتىكتەردىڭ ءبىرى. ۋنيۆەرسيتەتتە ستۋدەنتتەرگە وقىتۋشىنى تاڭداۋعا، جاسىرىن تۇردە وعان باعا بەرۋگە بارلىق جاعداي جاسالعان. بۇل وتە ماڭىزدى. سەبەبى جاستار بەلگىلى ءبىر شەشىمدەر ءۇشىن جاۋاپكەرشىلىكتى ءتۇسىنۋى ءتيىس. ءبىز اسىرەسە جوعارى وقۋ ورىندارىنداعى جەمقورلىققا قارسى ءىس-قيمىلعا باسا ءمان بەرىپ وتىرمىز. ويتكەنى، ەگەر ادام جاس كەزىنەن ادىلەتسىزدىكپەن بەتپە-بەت كەلسە، وندا ونىڭ ومىرگە دەگەن تەرىس كوزقاراسى قالىپتاسادى»، - دەدى باۋىرجان بايبەك.

كەزدەسۋ سوڭىندا «Nur Otan» ءتوراعاسىنىڭ ءبىرىنشى ورىنباسارى ۋنيۆەرسيتەت رەكتورى تالعات نارىكبايەۆ پەن پارتيا قاتارىنا قوسىلعىسى كەلەتىندىگىن ايتىپ، ەلباسى نۇرسۇلتان نازاربايەۆقا حات جازعان اتالعان ج و و- نىڭ تۇلەگى ەرلان تولەگەنوۆكە پارتيالىق بيلەت تابىس ەتتى.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات