+7 (701) 759 90 19 Лента
18 °С : نۇر-سۇلتان
22 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

سولتۇستىك قازاقستاندا شەتەل ازاماتى شەكارانى زاڭسىز جاياۋ كەسىپ وتكەن

13 قىركۇيەك 13:04
:ءبولىسۋ
سولتۇستىك قازاقستاندا شەتەل ازاماتى شەكارانى زاڭسىز جاياۋ كەسىپ وتكەن

پەتروپاۆل. قازاقپارات - سولتۇستىك قازاقستان وبلىسىندا ەلگە زاڭسىز كىرگەن شەتەلدىك ازامات قىلمىستىق جاۋاپكەرشىلىككە تارتىلادى، دەپ حابارلايدى «قازاقپارات» ح ا ا ءتىلشىسى.

پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 33 جاستاعى تاجىكستان ازاماتى سوتتىڭ شەشىمىمەن زاڭناما ءتارتىبىن بىرنەشە مارتە بۇزعانى ءۇشىن قازاقستاننان شىعارىلعان.

الايدا ءبىراز ۋاقىتتان كەيىن شەتەلدىك شەكارانى جاياۋ كەسىپ ءوتىپ، قازاقستانعا قايتىپ كەلگەن. ەندى ول مەملەكەتتىك شەكارانى زاڭسىز وتكەنى ءۇشىن قىلمىستىق جاۋاپكەرشىلىككە تارتىلۋى مۇمكىن.

ميگراتسيالىق زاڭناما تارتىپتەرىنىڭ بۇزىلعانى ءۇشىن ءوڭىر تۇرعىندارى دا جاۋاپتى. زاڭبۇزۋشىلىقتاردىڭ باسىم كوپشىلىگى شەتەلدىك قوناقتاردىڭ ۋاقىتىندا تىركەلمەۋىمەن بايلانىستى. شەتەلدىك جۇمىس كۇشىن زاڭسىز پايدالانۋ دەرەكتەرى دە كەزدەسەدى.

«تاجىكستان رەسپۋبليكاسىنىڭ ءتورت ازاماتىن زاڭسىز تۇردە جۇمىسقا تارتقانى ءۇشىن شال اقىن اۋدانىنىڭ 31 جاستاعى ازاماتى اكىمشىلىك جاۋاپكەرشىلىككە تارتىلدى. شەتەلدىكتەر جۇمىسقا ورنالاسۋ رۇقساتىنسىز ەڭبەك ەتىپ، وڭىردە تىركەۋسىز تۇرىپ جاتقان. زاڭسىز جۇرگەندەر دە، ولاردىڭ جۇمىس بەرۋشىلەرى دە جازالاندى»، - دەدى باسپا ءسوز قىزمەتىندە.

جىل باسىنان بەرى وبلىستا قر اۋماعىنا كىرۋ ءتارتىبىن بۇزعان 1863 ادام اكىمشىلىك جاۋاپكەرشىلىككە تارتىلدى. شەتەلدىك جۇمىس كۇشىن زاڭسىز ەڭبەككە ارالاستىرعانى ءۇشىن 78 جۇمىس بەرۋشى جاۋاپ بەردى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات