+7 (701) 759 90 19 Лента
12 °С : نۇر-سۇلتان
21 °С : الماتى
USD 387.34 EUR 428.44
RUB 6.04 CNY 54.58
جاڭالىقتار

وزبەكستان تۇركى كەڭەسىنىڭ قۇرامىنا كىرەتىن بولدى

13 قىركۇيەك 10:58
:ءبولىسۋ
وزبەكستان تۇركى كەڭەسىنىڭ قۇرامىنا كىرەتىن بولدى

انكارا. قازاقپارات- انودولۋ - وزبەكستان تۇركىتىلدەس مەملەكەتتەردىڭ ىنتىماقتاستىق كەڭەسىنە مۇشەلىككە ءوتۋ جونىندە شەشىم قابىلدادى.

تۇركيا س ءى م باسشىسى ميەۆليۋت چاۆۋشوگلۋ وسىلاي مالىمدەدى، دەپ حابارلايدى قازاقپارات انادولۋ اگەنتتىگىنە سىلتەمە جاساپ.

ونىڭ ايتۋىنشا، تۇركىتىلدەس مەملەكەتتەردىڭ ىنتىماقتاستىق كەڭەسى بىرتىندەپ كەڭەيىپ كەلەدى، حالىقارالىق ۇيىمنىڭ كەزەكتى سامميتى 16- قازاندا وتكىزىلەدى.

«وزبەكستان تۇركىتىلدەس مەملەكەتتەردىڭ ىنتىماقتاستىق كەڭەسىنە مۇشەلىككە ءوتۋ جونىندە شەشىم قابىلدادى. وزبەك تاراپىنىڭ رەسمي ءوتىنىشى تۇركى كەڭەسىنىڭ حاتشىلىعىنا كەلىپ ءتۇستى دەدى»، - دەدى ميەۆليۋت چاۆۋشوگلۋ.

تۇركيا سىرتقى ىستەر ءمينيسترىنىڭ ايتۋىنشا، مۇشەلىككە وتۋگە قاجەتتى قۇجاتتار تاشكەنتكە بەرىلگەن. رەسمي مۇشەلىككە ءوتۋ ۇدەرىسى تاياۋ ارادا اياقتالادى.

«اشعابات كەڭەسكە باقىلاۋشى مەملەكەت رەتىندە قاتىسۋعا ءازىر ەكەنىن جەتكىزدى. ءبىزدىڭ تاراپقا تۇرىكمەنستان ەكى مارتە وڭ نيەت تانىتتى»، - دەدى چاۆۋشوگلۋ.

ءمينيستردىڭ اتاپ وتۋىنشە، تۇركىتىلدەس مەملەكەتتەردىڭ ىنتىماقتاستىق كەڭەسىنىڭ باس حاتشىسى باعدات امىرەيەۆ كومەكشىسىمەن بىرگە اشعابات اتتانباقشى.

جاقىندا تۇركىتىلدەس مەملەكەتتەردىڭ ىنتىماقتاستىق كەڭەسى ماڭىزدى ايماقتىق ويىنشىعا اينالادى، دەيدى چاۆۋشوگلۋ.

بىلتىرعى ىستىقكولدە وتكەن سامميت كەزىندە ماجارستان كەڭەسكە باقىلاۋشى مەملەكەت رەتىندە قوسىلعانىن مينيستر ەسكە سالدى. 19- قىركۇيەكتە بۋداپەشتتە تۇركىتىلدەس مەملەكەتتەردىڭ ىنتىماقتاستىق كەڭەسىنىڭ ەۋروپالىق كەڭەسى اشىلادى، وعان ۇيىمعا مۇشە ەلدەردىڭ س ءى م باسشىلارى قاتىسادى، دەدى چاۆۋشوگلۋ.

ەسكە سالا كەتسەك، 2009-جىلى قازان ايىندا ناحچىۆاندا (ازەربايجان) وتكەن سامميتتە جاڭا ۇيىم قۇرىلعانى جاريا ەتىلدى، ونىڭ تۇجىرىمدارى 2010-جىلى 16- قىركۇيەكتەگى ىستانبۇل دەكلاراتسياسىندا كورسەتىلگەن.

العاشقى كەزەڭدە تۇركى كەڭەسىنە تۇركيا، ازەربايجان، قازاقستان مەن قىرعىزستان كىردى.

ۇيىم قۇرىلعالى بەرى تۇركى كەڭەسىنە مۇشە مەملەكەتتەردىڭ باسشىلارىنىڭ التى كەزدەسۋى وتكىزىلدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات