+7 (701) 759 90 19
-6 °С : نۇر-سۇلتان
-1 °С : الماتى
USD 389.34 EUR 428.78
RUB 6.05 CNY 55.45
جاڭالىقتار

ەلوردادا دەمالىس كۇندەرى قايدا بارۋعا بولادى؟

13 قىركۇيەك 10:30
:ءبولىسۋ
ەلوردادا دەمالىس كۇندەرى قايدا بارۋعا بولادى؟

نۇر-سۇلتان. قازاقپارات - الداعى دەمالىس كۇندەر ەلوردادا مۋزىكا مەن سپورتتىق شارالارعا باي بولادى. استانالىقتار دەمالىس كۇندەرىن قىزىقتى ءارى پايدالى وتكىزۋ ءۇشىن قايدا بارۋعا بولاتىنى تومەندە كورسەتىلگەن.

قالا اكىمدىگى سايتىنىڭ حابارلاۋىنشا، 11- جانە 14- قىركۇيەك كۇندەرى «استانا وپەرا» مەملەكەتتىك وپەرا جانە بالەت تەاترى ءوز قوناقتارىن ا. اداننىڭ «جيزەل» بالەتىن تاماشالاۋعا شاقىرادى. الەمدىك تۋىندىنىڭ پرەمەراسى 1841-جىلى پاريجدىڭ گراند وپەراسىندا وتكەن بولاتىن. سودان بەرى «جيزەل» الەمنىڭ ءتۇرلى بالەت تەاترىندا قويىلسا دا، وسى ۋاقىتقا دەيىن وزەكتىلىگى مەن اتاعىن جوعالتقان جوق. قويىلىم 18.00 دە تەاتردىڭ ۇلكەن زالىندا وتەدى. بيلەت قۇنى 500 تەڭگەدەن باستالادى.

15- قىركۇيەكتە ەلوردادا «Phanerozoic I: Palaeozoic» تۋرىنىڭ اياسىندا اتاقتى «The Ocean» توبى كونسەرتىن قويادى. توپ رەسەي، بەلارۋس، ارمەنيا، گرۋزيا، قازاقستان، جاپونيا قالالارىنا گاسترولمەن بارادى. نۇر-سۇلتان قالاسىنداعى توپتىڭ كونسەرتى 15- قىركۇيەك كۇنى ساعات 20.00 دە باستالادى. وتەتىن ورنى: قورعالجىن تاس جولى 3, The Bus. كونسەرت بيلەتتەرىنىڭ قۇنى 5000 تەڭگەدەن باستالادى.

وسى دەمالىستا ەلوردادا بىرنەشە سپورتتىق شارالار دا وتەدى.

13- قىركۇيەكتە حوككەي جانكۇيەرلەرى «نوماد» جانە «سوكول» كلۋبتارى اراسىنداعى ماتچتى تاماشالاي الادى. ويىن «قازاقستان» سپورت سارايىندا 19.00 دە وتەدى، بيلەتتەر قۇنى 200 تەڭگەدەن باستالادى.

سونداي-اق، 14- قىركۇيەكتە «بارىس ارەنا» الاڭىندا گرەك-ريم، ەركىن جانە ايەلدەر كۇرەسىنەن الەم چەمپيوناتىنىڭ اشىلۋى بولادى. وعان الەمنىڭ 100 گە جۋىق ەلىنەن 900 سپورتشى قاتىسادى. جارىسقا شامامەن 10000 جانكۇيەر كەلەدى دەپ جوسپارلانۋدا. قازاقستان اۋماعىندا چەمپيوناتتى Kazsport تەلەارناسى تاراتادى. ال، تىكەلەي كورسەتىلىمدى United World Wrestling U WW رەسمي سايتىنان قاراي الاسىز. چەمپيونات 22- قىركۇيەككە دەيىن جالعاسادى، كورەرمەندەرگە كىرۋ قۇنى 1000 تەڭگەدەن باستالادى.

12- جانە 13- قىركۇيەك كۇندەرى نۇر-سۇلتان قالاسىندا Synergy Global Forum وتەدى. حەدلاينەر رەتىندە جەكە تۇلعانىڭ ءوسۋى تاقىرىبىندا الەمدىك ساراپشى بولىپ ەسەپتەلەتىن ايگىلى نيك ۆۋيچيچ پەن يتسحاك پينتوسيەۆيچ ءوز ويلارىمەن بولىسەدى. نيك ۆۋيچيچ «شەكاراسىز ءومىر» تاقىرىبىندا، ال يتسحاك پينتوسيەۆيچ «جالقاۋلىق جەڭىمپازى. شەكاراسىز ءومىر» تاقىرىپتارىندا شەبەرلىك- ساباقتارىن وتكىزەدى. ۇيىمداستىرۋشىلار تاجىريبە، ءبىلىم، ناقتى ارەكەتتەر مەن قۇرالداردى ۇيرەتەتىن 8 ساعاتقا سوزىلاتىن ترەنينگ 10 ەسە تيىمدىرەك بولعىسى كەلەتىن جاندارعا ارنالعان دەگەن پىكىردە.

ترەنينگ ساعات 19.00 دە «سارىارقا» ۆەلوترەگىندە قوناقتار الاڭىندا باستالادى. كىرۋ قۇنى 11200 تەڭگەدەن 72800 تەڭگەگە دەيىن.


باستى سوزدەر: قوعام, استانا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات