+7 (701) 759 90 19 Лента
18 °С : نۇر-سۇلتان
22 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

احمەت بايتۇرسىن ۇلى اتىنداعى بايقاۋ ەلدىڭ ۇزدىك ۇستازدارىن انىقتادى

13 قىركۇيەك 10:15
:ءبولىسۋ
احمەت بايتۇرسىن ۇلى اتىنداعى بايقاۋ ەلدىڭ ۇزدىك ۇستازدارىن انىقتادى

نۇر-سۇلتان. قازاقپارات - بۇگىن ەلوردادا پەداگوگتار اراسىندا احمەت بايتۇرسىن ۇلى اتىنداعى رەسپۋبليكالىق بايقاۋى ءوتتى، دەپ حابارلايدى قازاقپارات.

بايقاۋ ۇيىمداستىرۋشىسى – ق ر مادەنيەت جانە سپورت مينيسترلىگى ءتىل ساياساتى كوميتەتى شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى. شارا ماقساتى - احمەت بايتۇرسىن ۇلىنىڭ عىلىمي-پەداگوگيكالىق مۇرالارىنىنىڭ ساباقتاستىعىن جالعاستىرۋ. ۇلى تۇلعانىڭ ادىستەمەلىك يدەيالارىن، قازاق ءتىلىنىڭ مەملەكەتتىك ءتىل رەتىندەگى مارتەبەسىن ۇلىقتاۋ جانە قولدانىلۋ اياسىن كەڭەيتۋدەگى وقىتۋشىلار ءىسىن دارىپتەۋ.

بيىل بايقاۋعا اقمولا، قاراعاندى، باتىس قازاقستان، قىزىلوردا، پاۆلودار، اتىراۋ، تۇركىستان، شىعىس قازاقستان، اقتوبە، جامبىل، سولتۇستىك قازاقستان، قوستاناي وبلىستارى مەن نۇر-سۇلتان، الماتى، شىمكەنت قالالارىنان 15 ۇستاز قاتىستى.

«بۇل بايقاۋدان كۇتىپ وتىرعان ناتيجەمىز - قازاق ءتىلىن وقىتۋدىڭ يننوۆاتسيالىق ءادىس-تاسىلدەرىن انىقتاۋ جانە تاراتۋ، وقىتۋشىلاردىڭ كاسىبي بىلىكتىلىگىن ارتتىرۋ جانە ءوزارا تاجىريبە الماسۋى، ەرەسەكتەرگە قازاق تىلىنەن ساباق بەرۋدىڭ ساپاسىن ارتتىرۋ» - دەدى اشىلۋ سالتاناتىندا شايسۇلتان شاياحمەتوۆ اتىنداعى «ءتىل- قازىنا» ۇلتتىق عىلىمي-پراكتيكالىق ورتالىعىنىڭ باس ديرەكتورى الىبەك اسقار.


سونداي-اق ق ر پارلامەنتى ءماجىلىسىنىڭ دەپۋتاتى اباي تاسبولاتوۆ، سەنات دەپۋتاتى نۇرتورە ءجۇسىپ بايقاۋ قاتىناسۋشىلارىنا تىلەگىن ءبىلدىردى.

بايقاۋ تورىنە ءبىرىنشى بولىپ اقتوبەلىك التىنگۇل تاڭىربەرگەنوۆا، قىزىلوردالىق اسەل باقىتوۆا، ەلوردالىق ەركەبۇلان ەربولات ۇلى، پاۆلودارلىق قازىنا قاداس، قاراعاندىلىق مۋنيرا اعىمبايەۆا، باتىس قازاقستاندىق ينديرا بايمولدينا، اتىراۋلىق ايگەرىم قويتانوۆالار كوتەرىلىپ، وزدەرىنىڭ ەلەكتروندىق پورتفوليوسىن تانىستىردى. پەداگوگيكالىق- پسيحولوگيالىق جاعداياتتارعا ارنالعان تاپسىرمالارى مەن وزىق ساباق ۇلگىلەرىن كورسەتىپ، ءادىس-تاسىلدەرىن ۇسىندى.

ال فيلولوگيا عىلىمىنىڭ دوكتورى، پروفەسسور، ق ر ۇ ع ا كوررەسپوندەنت-مۇشەسى شەرۋباي قۇرمانباي ۇلى باستاعان ءادىل قازىلار القاسى جەڭىمپازدار مەن جۇلدەگەرلەردى انىقتادى.


باس جۇلدەنى قوستاناي وبلىسىنان جانات دوسىبايەۆا جەڭىپ الدى. ءبىرىنشى ورىن نۇر-سۇلتان قالاسىنان ەركەبۇلان ەربولات ۇلىنا، ەكىنشى ورىن قاراعاندى وبلىسىنان مۋنيرا اعىمبايەۆاعا، ءۇشىنشى ورىن ش ق و ۇستازى اسەم مامىرانوۆاعا بۇيىردى.

ىنتالاندىرۋ سىيلىعىن قىزىلوردالىق مۇعالىم اسەل باقىتوۆا، جامبىلدىق اقبوتا تۇسىنبەكوۆا جانە شىمكەنتتىك پەداگوگ ايسۇلۋ وسپانوۆا الدى.

«ەندىگى مىندەت - ۇلتتىق پەداگوگيكامىزدىڭ تاريحي، مادەني ءارى رۋحاني اسپەكتىلەرىن جانە ءبىلىم بەرۋدىڭ زاماناۋي جەتىستىكتەرىن ۇشتاستىرا وتىرىپ، ەلىمىزدىڭ ءبىلىم بەرۋ سالاسىن دامىتۋعا ۇلەس قوسۋ. وسى ورايدا، رەسپۋبليكا كولەمىندە وقىتۋشىلاردىڭ كاسىبي بىلىكتىلىگىن ارتىرۋدى ۇلت زيالىلارىنىڭ پەداگوگيكالىق تاجىربيەسىنە نەگىزدەپ جۇرگىزۋ كەزەك كۇتتىرمەس ءىس»، - دەدى شايسۇلتان شاياحمەتوۆ اتىنداعى «ءتىل- قازىنا» ۇلتتىق عىلىمي-پراكتيكالىق ورتالىعىنان.


باستى سوزدەر: ءبىلىم جانە عىلىم, قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات