+7 (701) 759 90 19 Лента
18 °С : نۇر-سۇلتان
22 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

باسقا وڭىرگە تىركەلىپ، اتاۋلى الەۋمەتتىك كومەكتى بىرنەشە جەردەن الىپ وتىرعاندار بولدى -  ابايەۆ

13 قىركۇيەك 09:34
:ءبولىسۋ
باسقا وڭىرگە تىركەلىپ، اتاۋلى الەۋمەتتىك كومەكتى بىرنەشە جەردەن الىپ وتىرعاندار بولدى -  ابايەۆ

نۇر-سۇلتان. قازاقپارات - اتاۋلى الەۋمەتتىك كومەك الىپ وتىرعان كەيبىر وتباسىلاردىڭ كوتتەدجدەرى مەن قىمبات كولىكتەرى بولعان.

تابىسىن جاسىرعان وتباسىلار تۋرالى «حابار» ارناسىنداعى «اشىق ديالوگ» باعدارلاماسىندا اقپارات جانە قوعامدىق دامۋ ءمينيسترى داۋرەن ابايەۆ ايتىپ بەردى، دەپ حابارلايدى قازاقپارات ءتىلشىسى.

«كوپتەگەن وتباسى ءۇشىن اتاۋلى الەۋمەتتىك كومەك - ومىرلىك وتە قيىن جاعدايلاردان شىعار جول بولدى. ايتسە دە، كەيبىر ادامداردىڭ زاڭ مەن ەرەجەلەردى اتتاپ ءوتىپ، جاعدايدى پايدالانعىسى كەلەتىنى وكىنىشتى. ونداي ادامدار مەملەكەتتى عانا ەمەس، ءوز-وزدەرىن دە، باسقا ازاماتتاردى، كورشىلەرىن، دوستارى مەن تۋىستارىن الداپ جاتىر. سەبەبى، بۇل اقشاعا شىنىندا دا، قاجەتتى نىسانداردى سالۋعا بولار ەدى. اتاۋلى الەۋمەتتىك كومەك الۋشى 21 مىڭ وتباسى وزدەرىنىڭ شىنايى تابىسىن جاسىرعان. ءاۋ باستا كەيبىرەۋلەرى ادەيى تابىسىن جاسىرىپ، ايىرىلىسىپ جاتسا، قازىر باسقا وڭىرگە تىركەلىپ، بىرنەشە جەردەن الۋ ءۇردىسى بايقالۋدا. مۇنداي فاكتىلەردى انىقتاۋدا ەڭبەك جانە حالىقتى الەۋمەتتىك قورعاۋ مينيسترلىگى اكىمدىكتەرمەن بىرگە وراسان ەڭبەكتى اتقارىپ كەلەدى»، - دەدى داۋرەن ابايەۆ.

ءمينيستردىڭ ايتۋىنشا، ماماندار ءۇيدى ارالاۋ كەزىندە وتە جاقسى تۇراتىن ازاماتتاردىڭ ا ا ك الىپ وتىرعانىن انىقتاعان.

«كوتتەدجدەرى مەن قىمبات كولىكتەرى بار بولعان. وسى سوزگە دالەل بولا الاتىنداي ۆيدەولار مەن فوتوسۋرەتتەردى ەڭبەك جانە حالىقتى الەۋمەتتىك قورعاۋ مينيسترلىگى بىزگە جولدادى»، - دەدى ول.

ەسكە سالا كەتسەك، ق ر ەڭبەك جانە حالىقتى الەۋمەتتىك قورعاۋ مينيسترلىگى بۇعان دەيىن ا ا ك الۋشى 21 مىڭنان استام وتباسى ناقتى تابىسىن جاسىرعانىن حابارلاعان بولاتىن.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات