+7 (701) 759 90 19 Лента
18 °С : نۇر-سۇلتان
22 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

ەش جاماندىق كورىپ تۇرعان جوقپىن - ابايەۆ وقۋشىلاردىڭ ەدەن جۋۋى جايلى

13 قىركۇيەك 09:12
:ءبولىسۋ
ەش جاماندىق كورىپ تۇرعان جوقپىن - ابايەۆ وقۋشىلاردىڭ ەدەن جۋۋى جايلى

نۇر-سۇلتان. قازاقپارات - وقۋشىلاردى ەدەن جۋۋعا ەشكىم كۇشتەمەيدى. اقپارات جانە قوعامدىق دامۋ ءمينيسترى داۋرەن ابايەۆتىڭ ەسەپتەۋىنشە، بۇل بۇل ماسەلە بارلىق تاراپتىڭ كەلىسىمىمەن بولۋى كەرەك، دەپ حابارلايدى قازاقپارات ءتىلشىسى.

«بالالاردى ەڭبەككە تارتۋ باستاماسىنان ەشقانداي جاماندىق كورىپ تۇرعان جوقپىن. ارينە، ءبىرقاتار ماڭىزدى نيۋانس بار. بىرىنشىدەن، باستىسى - بۇل وقۋعا كەدەرگى كەلتىرمەۋى كەرەك. ءبارىمىز دە بالالاردا وقۋ كوپ ەكەنىن، ساباقتان كەيىن ۇيىرمەلەرگە باراتىنىن بىلەمىز. ەكىنشىدەن، بۇل باستاما ەرىكتى بولۋى ءتيىس. بۇگىن وسى ەرىكتىلىك ۇسىنىلىپ تا وتىر. ياعني، مەكتەپ اتا-انالارمەن، بالالارمەن اقىلداسىپ، ورتاق شەشىمگە كەلۋى كەرەك. ەگەر بىرەۋ ءۇشىن ەدەن جۋۋ قاعيدات رەتىندە شەگەلەنىپ قالسا، ەگەر بىرەۋگە قولعا شۇبەرەك ۇستاپ، ەدەن جۋۋ قورلىق رەتىندە كورىنسە - ونداي وقۋشىنى ەشكىم دە كۇشتەمەيدى»، - دەدى داۋرەن ابايەۆ «حابار» ارناسىنداعى «اشىق ديالوگ» باعدارلاماسىندا.

ءمينيستردىڭ ايتۋىنشا، وسى باستاماعا بايلانىستى تازالىق قىزمەتكەرلەرىن جۇمىستان شىعارۋ جوسپارلانىپ وتىرعان جوق.

«مەكتەپ جاسىندا كەزەكشىلىككە تۇرىپ، تازالىق جۇمىستارىن جۇرگىزگەنىمىز ەسىمدە. ءبىز ماساق تەرۋگە شىعاتىنبىز. وعان قوسا، وقۋشىلار - ءبارىمىز سپورتپەن دە اينالىسىپ، ۇيىرمەلەرگە، ءبي كەشتەرىنە بارىپ تا ۇلگەرەتىنبىز. بۇگىنگى وقۋشىلاردىڭ اتا-انالارىنىڭ كوپشىلىگى بۇل جولدى باسىپ وتكەن. قىسقاشا ايتقاندا، وقۋشىلاردى قاجەتسىز شارالارعا شاپقىلاتۋمەن كۇرەسۋىمىز كەرەك. ءبىراق، بالالاردى ەڭبەككە تارتۋ، ءوز جۇمىس ورنىڭدا تازالىققا باۋلۋ - بۇدان مەن ەش جاماندىق كورىپ تۇرعان جوقپىن»، - دەدى داۋرەن ابايەۆ.

ەسكە سالا كەتسەك، بۇعان دەيىن ق ر ءبىلىم جانە عىلىم ءمينيسترى اسحات ايماعامبەتوۆ وقۋشىلاردىڭ سىنىپتا ەدەن جۋۋى باستاماسىنا پىكىر بىلدىرگەن بولاتىن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات