+7 (701) 759 90 19 Лента
29 °С : نۇر-سۇلتان
30 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

ابايەۆ: ۇلتتىق كەڭەستىڭ جۇمىسى كۇمانشىلدەردىڭ بارلىق جورامالىن جوققا شىعاردى

13 قىركۇيەك 08:56
:ءبولىسۋ

نۇر-سۇلتان. قازاقپارات - اقپارات جانە قوعامدىق دامۋ ءمينيسترى داۋرەن ابايەۆ ۇلتتىق قوعامدىق سەنىم كەڭەسىنىڭ كەيبىر مۇشەلەرىنە مورالدىق قىسىم كورسەتىلىپ جاتقانىن ءمالىم ەتتى، دەپ حابارلايدى قازاقپارات ءتىلشىسى.

«ۇلتتىق كەڭەستىڭ كەيبىر مۇشەلەرىنە مورالدىق قىسىم كورسەتىلىپ جاتقانىن بايقاپ وتىرمىن. سىناۋشىلارعا قالايدا ماسەلەنىڭ شەشىلگەنىنەن گورى سىناعان ارتىق بولىپ تۇر. پرەزيدەنت كەڭەستىڭ قۇرىلاتىنىن جاريالاعان كەزدى ەسكە تۇسىرسەڭىز، بۇنىڭ قۇرعاق ۋادە ەكەنىن ايتقان كۇمانشىلدەر پايدا بولعان ەدى. الايدا، كەڭەس اقىرى قۇرىلعانى انىقتالعاننان كەيىن، الگىلەر «وعان تەك بيلىككە ىڭعايلى ادامدار ەنەدى» دەستى. ايتسە دە، ۇلتتىق كەڭەس مۇشەلەرى ءتىزىمى جاريالانعاننان سوڭ سكەپتيكتەر جاڭا ارگۋمەنتتەردى ىزدەستىرە باستادى. ولار وتىرىسقا توقايەۆ قاتىسپايدى، بارلىق سپيكەرلەر تەك كەلىسىلگەن باياندامانى وقيدى، ەشكىم وتكىر ماسەلەلەردى كوتەرمەيدى دەپ ءسوز تاراتتى. ال بولعان شارا - كۇمانشىلدەردىڭ بارلىق جورامالىن جوققا شىعاردى»، - دەدى داۋرەن ابايەۆ «حابار» تەلەارناسىنداعى «اشىق ديالوگ» باعدارلاماسىندا.

ءمينيستردىڭ سوزىنشە، ەندى اتالعان تۇلعالار كوتەرىلگەن باستامالار كۇشىنە ەنبەيتىندىگى تۋرالى ايتا باستادى.

«ءبىراق، قازىردىڭ وزىندە مەملەكەتتىك ورگاندار ايتىلعان بارلىق ۇسىنىستاردى تالداۋ ۇستىندە»، - دەدى د. ابايەۆ.

ەسكە سالا كەتسەك، 6- قىركۇيەكتە ەلوردادا ۇلتتىق قوعامدىق سەنىم كەڭەسىنىڭ العاشقى وتىرىسى ءوتتى.

وتىرىسقا قازاقستان پرەزيدەنتى قاسىم-جومارت توقايەۆ قاتىستى. ۇلتتىق كەڭەستىڭ قۇرامى بەلگىلى مەملەكەت جانە قوعام قايراتكەرلەرىنىڭ، ساياسي پارتيالار، ۇكىمەتتىك ەمەس سەكتور وكىلدەرىنىڭ قاتارىنان قالىپتاسادى. قازاقستان رەسپۋبليكاسى پرەزيدەنتى اكىمشىلىگىنىڭ باسشىسى، قازاقستان رەسپۋبليكاسىنداعى ادام قۇقىقتارى جونىندەگى ۋاكىل، قازاقستان رەسپۋبليكاسىنداعى بالا قۇقىقتارى جونىندەگى ۋاكىل، قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل ءوز لاۋازىمدارىنا سايكەس ۇلتتىق كەڭەستىڭ قۇرامىنا كىرەدى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات