+7 (701) 759 90 19 Лента
12 °С : نۇر-سۇلتان
21 °С : الماتى
USD 387.34 EUR 428.44
RUB 6.04 CNY 54.58
جاڭالىقتار

داۋرەن ابايەۆ: پرەزيدەنتتىڭ قىتايعا ساپارىنىڭ باعدارلاماسى وتە مازمۇندى بولدى

13 قىركۇيەك 08:33
:ءبولىسۋ
داۋرەن ابايەۆ: پرەزيدەنتتىڭ قىتايعا ساپارىنىڭ باعدارلاماسى وتە مازمۇندى بولدى

نۇر-سۇلتان. قازاقپارات – ق ر اقپارات جانە قوعامدىق دامۋ ءمينيسترى داۋرەن ابايەۆ مەملەكەت باسشىسى قاسىم-جومارت توقايەۆتىڭ قىتايعا مەملەكەتتىك ساپارىنا قاتىستى پىكىرىن ءبىلدىردى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ قىتايعا ساپارىنىڭ باعدارلاماسى وتە مازمۇندى بولدى. ىسكەرلىك ورتامەن كەلىسسوزدەر جۇرگىزىلىپ، ءارتۇرلى الاڭدا ءسوز سويلەندى، ەڭ جوعارعى دەڭگەيدەگى ەكىجاقتى ماڭىزدى كەزدەسۋلەر ءوتتى. بۇل ساپاردىڭ ناتيجەسى - ەڭ باتىل بولجامداردان اسىپ ءتۇستى»، - دەدى داۋرەن ابايەۆ «حابار» ارناسىنداعى «اشىق ديالوگ» باعدارلاماسىندا.

ءمينيستردىڭ ايتۋىنشا، كەلىسسوزدەر كەزىندە قوس تاراپ «ەلباسى نەگىزىن قالاپ كەتكەن قارىم-قاتىناستى ساقتاۋعا» ماڭىز بەرىلدى.

«جۇرگىزىلگەن كەلىسسوزدەر بارىسىندا مەنىڭ بىلۋىمشە، كوپتەگەن كەلىسىمدەرگە قول جەتكىزىلدى. ىنتىماقتاستىقتىڭ بارلىق ماڭىزدى سالالارى - كولىك، لوگيستيكا، اۋىل شارۋاشىلىعى ءبارى قامتىلدى. قاسىم- جومارت كەمەل ۇلىنىڭ قىتاي ءتوراعاسى شي جينپيڭمەن كەزدەسۋى جىلى ءارى دوستىق سيپاتتا ءوتتى»، - دەدى ول.

باعدارلاما جۇرگىزۋشىسى الەۋمەتتىك جەلىدە پرەزيدەنتتىڭ قازاق تىلىمەن بىرگە قىتاي تىلىندە سويلەۋىنە قاتىستى ايتىلىپ جاتقانىن تىلگە تيەك ەتتى. بۇعان كەلگەندە داۋرەن ابايەۆ قازاقستان پرەزيدەنتىنىڭ قىتاي ءتىلىن بىلگەنىنە ماقتانۋىمىز كەرەك دەگەن پىكىر ءبىلدىردى.

«كەز كەلگەن ءتىلدى، اسىرەسە قىتاي ءتىلىن ءبىلۋ - كوپ جىلدار بويعى تاباندى ەڭبەكتىڭ ناتيجەسى. پرەزيدەنتتىڭ ترامپپەن، پۋتينمەن، ماكرونمەن، شي جينپيڭمەن اۋدارماشىسىز سويلەيتىنىن قازاقستاندىقتار وتە جىلى قابىلدايتىنىن انىق بىلەمىن. بۇل ءسوزسىز، قوسىمشا ديپلوماتيالىق سالماق بەرىپ، ءبىزدىڭ ساياساتتىڭ ينتەللەكتۋالدىق، پروگرەسسيۆتى جاعىن كورسەتەدى»، - دەدى داۋرەن ابايەۆ.

ەسكە سالايىق، قازاقستان پرەزيدەنتى قاسىم-جومارت توقايەۆ قىتاي حالىق رەسپۋبليكاسىندا 2 كۇندىك مەملەكەتتىك ساپارمەن ءجۇر.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات