+7 (701) 759 90 19 Лента
12 °С : نۇر-سۇلتان
21 °С : الماتى
USD 387.34 EUR 428.44
RUB 6.04 CNY 54.58
جاڭالىقتار

ق ر پرەزيدەنتى اباي ەستافەتاسىنا ءۇن قوسقان دجەك ماعا ريزاشىلىعىن ءبىلدىردى

13 قىركۇيەك 07:55
:ءبولىسۋ
ق ر پرەزيدەنتى اباي ەستافەتاسىنا ءۇن قوسقان دجەك ماعا ريزاشىلىعىن ءبىلدىردى

حانچجوۋ. قازاقپارات - قازاقستان پرەزيدەنتى قاسىم-جومارت توقايەۆ اباي جىرىنىڭ ەستافەتاسىنا ءۇن قوسقان «Alibaba» كومپانياسىنىڭ نەگىزىن قالاۋشى دجەك ماعا ريزاشىلىعىن ءبىلدىردى، دەپ حابارلايدى «قازاقپارات» ح ا ا ءتىلشىسى.

ەسكە سالا كەتسەك، ق ر پرەزيدەنتى Alibaba كومپانياسىنىڭ نەگىزىن قالاۋشى دجەك مامەن كەزدەسكەنى تۋرالى بۇدان بۇرىن حابارلانعان بولاتىن.

مەملەكەت باسشىسى دجەك مانى قىتاي حالىق رەسپۋبليكاسىنىڭ 70 جىلدىق مەرەكەسىمەن جانە «Alibaba Group» كومپانياسىنىڭ قۇرىلعانىنا 20 جىل تولۋىمەن قۇتتىقتاپ، ەكى ەل اراسىنداعى ستراتەگيالىق ارىپتەستىكتە زاماناۋي تەحنولوگيا سالاسى ماڭىزدى ءرول اتقاراتىنىن ايتتى.

«مەن ءسىزدىڭ قازاقستانعا قولداۋ كورسەتەم دەگەن نيەتىڭىزدى جوعارى باعالايمىن. ءبىز قازاقستان مەن قىتايدىڭ اراسىنداعى سيفرلىق ەكونوميكانى دامىتۋعا قاتىستى ستراتەگيالىق كەلىسىم جاسادىق. وسى ىسكە ءسىزدىڭ دە اتسالىسقانىڭىزدى قالايمىز»، - دەدى قاسىم-جومارت توقايەۆ.

كەيىن قازاقستان پرەزيدەنتى اتالمىش كەزدەسۋ جايلى Twitter- پاراقشاسىندا جازدى.

«Alibaba» كومپانياسىنىڭ نەگىزىن قالاۋشى، بيزنەس جۇرگىزۋدىڭ حاس شەبەرى اتانعان دجەك مامەن كەزدەستىم. اباي شىعارمالارىن وقۋ ەستافەتاسىنا قاتىسقانى ءۇشىن ريزاشىلىعىمدى ءبىلدىردىم. سيفرلىق ەكونوميكانى دامىتۋ، يننوۆاتسيا جانە IT- سالالارىنداعى ىنتىماقتاستىق مۇمكىندىكتەرىن تالقىلادىق»، - دەپ جازدى ول.

ايتا كەتسەك، بۇعان دەيىن دجەك ما قازاقتىڭ ۇلى اقىنى ابايدىڭ ولەڭىن قىتايشا وقىپ، ەستافەتانى كاسىپقوي بوكسشى گەننادي گولوۆكينگە جولداعان بولاتىن. چەللەندجدىڭ جاپپاي قولداۋعا يە بولۋىنا پرەزيدەنت قاسىم- جومارت توقايەۆ ۇلەس قوسقان ەدى. ول 9 جاستاعى مەكتەپ وقۋشىسىنىڭ ەستافەتاسىن قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكە جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولدادى. كەيىننەن ەستافەتاعا ەلىمىز وڭىرلەرىنىڭ باسشىلارى، قوعام جانە مەملەكەت قايراتكەرلەرى، ديپلوماتيالىق قىزمەتكەرلەر، وتاندىق جانە شەتەلدىك ب ا ق وكىلدەرى قوسىلدى.

ەستەرىڭىزگە سالا كەتسەك، قازاقستان پرەزيدەنتى قاسىم-جومارت توقايەۆ قىتاي حالىق رەسپۋبليكاسىندا 2 كۇندىك مەملەكەتتىك ساپارمەن ءجۇر.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات