+7 (701) 759 90 19
-6 °С : نۇر-سۇلتان
-1 °С : الماتى
USD 389.34 EUR 428.78
RUB 6.05 CNY 55.45
جاڭالىقتار

ەلىمىزدىڭ بەلگىلى تۇلعاسى «حاباردا» توك-شوۋ جۇرگىزەدى

13 قىركۇيەك 03:32
:ءبولىسۋ
ەلىمىزدىڭ بەلگىلى تۇلعاسى «حاباردا» توك-شوۋ جۇرگىزەدى

نۇر-سۇلتان. قازاقپارات - ەلوردادا «حابار» اگەنتتىگىنىڭ جاڭا تەلەماۋسىمى تانىستىرىلدى، دەپ حابارلايدى قازاقپارات ءتىلشىسى.

«جاڭا ماۋسىمدا اگەنتتىك 11 جاڭا سەريال ۇسىنادى. ونىڭ ۇشەۋى - «قالامگەر»، «بەكزات» جانە «باتىرلار جولى» تولىقمەتارجدى فيلم رەتىندە ەل كينوتەاترلارىنان كورسەتىلەدى. وسى جەكسەنبىدە نازارلارىڭىزعا «Central Asia`s Got Talent» اۋقىمدى حالىقارالىق شوۋى كورسەتىلەدى. وندا قازاقستان، قىرعىزستان، وزبەكستان جانە تاجىكستان وكىلدەرى ونەر كورسەتەدى. سونىمەن بىرگە، كوپشىلىكتىڭ كوڭىلىنەن شىققان «توپجارعان» شوۋىنىڭ ەكىنشى ماۋسىمىن باستايمىز»، - دەدى «حابار اگەنتتىگى» ا ق باسقارما ءتوراعاسى ەرلان بەكحوجين «قازمەديا» ورتالىعىندا وتكەن تۇساۋكەسەردە.

ونىڭ ايتۋىنشا، جاڭا ماۋسىمدا «حابار» جاڭالىقتار بەرۋ ءتاسىلىن وزگەرتەدى جانە وتكىر تاقىرىپتاردى كوتەرەدى.

«جاڭا ماۋسىمدا جاڭالىقتار بەرۋ ءتاسىلى وتكىرلەپ، ساراپتامالار تەرەڭدەي تۇسەدى. ءبىز قالا، اۋدان، وبلىس تۇرعىندارىنا ءوز اكىمدەرىن باعالاۋ مۇمكىندىگىن بەرەمىز. مۇنداي باعدارلامالار كوپ بولادى. ەلىمىزدىڭ بەلگىلى تۇلعاسى ەرمۇحامبەت ەرتىسبايەۆ جۇرگىزەتىن جاڭا ساياسي توك-شوۋ دا قىزىعۋشىلىق تۋدىرادى. اگەنتتىك ەۋروپالىق حابار تاراتۋ وداعىنىڭ مۇشەسى بولعاندىقتان، قازاقستان بالالار Eurovision بايقاۋىنىڭ قاتىسۋشىسى اتاندى. ەلىمىزدىڭ نامىسىن بيىل ەرجان ماكسيم قورعايدى»، - دەدى اگەنتتىك ءتوراعاسى.

سونداي-اق، «حابار» جاڭا تەلەجۇرگىزۋشىلەردى تابۋ ماقساتىندا Live فورماتىندا جالپىرەسپۋليكالىق كاستينگ جۇرگىزەدى. تىلەك بىلدىرۋشىلەر الەۋمەتتىك جەلىدە وزدەرىن كورسەتۋى ءتيىس.

ەسكە سالا كەتسەك، ق ر پرەزيدەنتى تەلەراديو كەشەنىنىڭ باس ديرەكتورى بولعان ەرلان بەكحوجين تامىز ايىندا «حابار» اگەنتتىگى» ا ق باسقارما ءتوراعاسى بولىپ تاعايىندالعان ەدى. «حابار» اگەنتتىگى قۇرامىندا رەسپۋبليكالىق «حابار» مەن «حابار 24»، «Kazakh TV» جانە «EL ARNA « تەلەارنالارى بار.

اۆتور: ايجان سەرىكجان قىزى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات