+7 (701) 759 90 19 Лента
17 °С : نۇر-سۇلتان
15 °С : الماتى
USD 387.34 EUR 428.44
RUB 6.04 CNY 54.58
جاڭالىقتار

مەملەكەت باسشىسى قىتاي كومپارتياسىنىڭ جىجياڭ پروۆينسياسىنداعى حاتشىسىمەن كەزدەستى

12 قىركۇيەك 20:40
:ءبولىسۋ
مەملەكەت باسشىسى قىتاي كومپارتياسىنىڭ جىجياڭ پروۆينسياسىنداعى حاتشىسىمەن كەزدەستى

حاڭجوۋ. قازاقپارات - مەملەكەت باسشىسى قاسىم-جومارت توقايەۆ قىتاي كومپارتياسىنىڭ جىجياڭ پروۆينسياسىنداعى حاتشىسى چى جيۋنمەن كەزدەستى، دەپ حابارلايدى قازاقپارات اقورداعا سىلتەمە جاساپ.

قاسىم-جومارت توقايەۆ قوناقجايلىق كورسەتكەنى ءۇشىن جىجياڭ پروۆينسياسىنىڭ باسشىسىنا ريزاشىلىق ءبىلدىرىپ، قىتاي حالىق رەسپۋبليكاسىنىڭ قارقىندى دامىپ كەلە جاتقانىن ايتتى.




قازاقستان پرەزيدەنتى ەكى ەل اراسىنداعى قاتىناستار ستراتەگيالىق سەرىكتەستىكتىڭ جاڭا دەڭگەيىنە كوتەرىلگەنىن اتاپ ءوتىپ، وسى مەملەكەتتىك ساپار بارىسىندا قول جەتكىزىلگەن ۋاعدالاستىقتار ءوزارا ارىپتەستىككە تىڭ سەرپىن بەرەتىنىن ايتتى.

«ماڭگىلىك ستراتەگيالىق سەرىكتەستىگىمىز، شىن مانىندە، ءوزارا ىنتىماقتاستىقتىڭ كوپتەگەن سالالارىن قامتيدى. تۇڭعىش پرەزيدەنتىمىز نۇرسۇلتان نازاربايەۆ پەن قىتاي باسشىلارى نەگىزىن قالاعان ءىستى جالعاستىرامىز. ءبىز ەكونوميكا، ساياسات جانە وڭىرلىك قاۋىپسىزدىك، سونداي-اق مادەني-گۋمانيتارلىق سالالاردا ىنتىماقتاستىق ورناتامىز»، - دەدى قاسىم-جومارت توقايەۆ.



مەملەكەت باسشىسى قىتايدىڭ سيفرلىق ەكونوميكانى دامىتۋ سالاسىندا وراسان زور جەتىستىككە جەتكەنىنە توقتالىپ، وسى سالاداعى ماسەلەلەردى تالقىلاۋ ءۇشىن جىجياڭ پروۆينسياسىنا ارنايى ات باسىن بۇرعانىن ايتتى.

«حاڭجوۋ - قىتاي مادەنيەتىنىڭ بەسىگى. بۇل قالا الەمدەگى جوعارى تەحنولوگيالار ورتالىعى بولىپ تابىلادى. مۇندا وسى سالا بويىنشا ءىرى كومپانيالار جۇمىس ىستەيدى. سونىمەن قاتار بۇل قالادا كەزىندە قىتاي ءتوراعاسى شي جينپيڭ جۇمىس ىستەپ، ءوزىنىڭ ەڭ تابىستى يدەيالارىن جۇزەگە اسىرعان. قالا كورىكتى جانە تابىستى ءارى قارقىندى دامۋدا»، - دەدى مەملەكەت باسشىسى.

چى جيۋن قاسىم-جومارت توقايەۆقا ەكونوميكانىڭ ءتۇرلى سالالارى بويىنشا قازاقستانمەن تىعىز ىنتىماقتاستىق جانە مادەني ىقپالداستىق ورناتۋعا دايىن ەكەنىن ايتتى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات