+7 (701) 759 90 19 Лента
17 °С : نۇر-سۇلتان
15 °С : الماتى
USD 387.34 EUR 428.44
RUB 6.04 CNY 54.58
جاڭالىقتار

سىرعا تولى قىلىشباي اۋليە بەيىتى

12 قىركۇيەك 18:11
:ءبولىسۋ

نۇر- سۇلتان. قازاقپارات - تەرىساققان اۋىلىنان 18 شاقىرىم جەردە تەرىساققان وزەنىنىڭ وڭ جاق جاعالاۋىندا زامانىندا اۋليە اتانعان، ات تۇياعى جەتەر جەردەگى جالپاق جۇرت جاقسىلىعىن كوپ كورگەندىكتەن ءارى تابيعات سىيلاعان ايرىقشا قابىلەتىنە وراي كوزى تىرىسىندە اۋليە اتاپ كەتكەن قىلىشباي اۋليە نۇقى بالاسىنىڭ بەيىتى بار.

قازىرگى كەزدە جەرگىلىكتى جۇرت بۇل جەردى اۋليە بەيىتى دەپ اتايدى.

بىردەن بىرگە كوشكەن كونە كومبەنىڭ قاقپاسىن اشساڭىز، قىلىشباي اۋليە زامانىندا اۋىرىپ- سىرقاعانعا، جەتىم بالالار مەن ەگدە تارتقان ادامدارعا قامقور قولىن سوزعان كەڭپەيىلدى، مەيىربان ادام بولعان دەگەن دەرەككە كەزدەسەر ەدىڭىز. اسا ءدىندار بولعان اۋليە مىناۋ جارىق دۇنيەدەگى الما- كەزەك استاسىپ جاتاتىن جاقسىلىق پەن جاماندىقتىڭ، ادىلدىك پەن ادىلەتسىزدىكتىڭ اراجىگىن تاپ باسىپ اجىراتىپ، جازىقسىز جاپا شەككەندەردى قورعاعان. تاعدىردىڭ تالكەگىنە ءتۇسىپ، تىرشىلىكتەن باز كەشكەندەردىڭ جان دۇنيەسىن جىلى سوزىمەن ەمدەپ، قايراتىن جانىعان، ومىرگە دەگەن قۇشتارلىعىن ارتتىرعان.

كونەكوز قاريالاردىڭ ايتۋىنا قاراعاندا، ءبىر زاماندا ءبىر عانا تەرىساققان اۋىلىندا وتىز مولدا بولسا كەرەك. وسى ءدىندارلاردىڭ ىشىندە ءبىلىمى دە كوپ، بىلىگى دە مول، كىسىلىگى كەنەن، ادامگەرشىلىگى اجارلى قىلىشباي اۋليە بولعانعا ۇقسايدى. تىرشىلىگىندەگى ەل قامىن جەگەن يگىلىكتى شارۋاسى ءوز الدىنا، ومىردەن وتكەننەن كەيىن دە قادىرى مەن قاسيەتىن ۇقتىرىپ جاتتى دەيدى. ماسەلەن، كەشەگى كەڭەس زامانىندا جوسپار قۋالاۋدىڭ سالدارىنان توقىمداي جەردى بوس قالدىرماعان تىڭ يگەرۋشىلەر قىلىشباي اۋليە بەيىتىنىڭ ماڭىنا جولاي الماپتى. جاناپ وتە بەرگەندە جاڭا عانا دۇپ- دۇرىس ىستەپ تۇرعان تەحنيكالارى سىنىپ قالا بەرەتىن بولعان. سەبەبىن تابا الماي دال بولىپ جەرگىلىكتى تۇرعىنداردان بۇل جەردىڭ قانداي قاسيەتى بار دەپ سۇراستىرماي ما؟ اۋليە جايىن بىلەتىن جەرگىلىكتى جۇرت ءمان- جايدى ءتۇسىندىرىپ ايتادى. سودان قايتىپ بۇل جەردە تەحنيكانىڭ تابانى تيمەسە كەرەك. تۋعان جەرىن قورعاپ جاتقان قانداي عاجاپ قاسيەت دەسەڭىزشى؟ !

قازىرگى كەزدە اۋليە بەيىتى قاسيەتتى جەر سانالادى. كوپتەگەن ادامدار كەلىپ اۋليەگە قۇران باعىشتاپ، ءمىناجات ەتەدى.

اقمولا وبلىسى، جاقسى اۋدانى

«ەگەمەن قازاقستان»


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات