ەندى قىمبات مەديتسينالىق زەرتتەۋلەر تەگىن جۇرگىزىلەتىن بولادى
كەلەر جىلدىڭ 1 - قاڭتارىنان باستاپ مىندەتتى الەۋمەتتىك مەديتسينالىق ساقتاندىرۋ جۇيەسىنىڭ ەنگىزىلۋىمەن بۇل كورسەتكىشتەر ارتا تۇسپەك. ويتكەنى جاڭا باعدارلامانىڭ جۇزەگە اسىرىلۋى حالىققا ەم- دوم كورسەتۋدىڭ ساپاسى مەن قولجەتىمدىلىگىن جاقسارتۋعا باعىتتالىپ وتىر. مەديتسينالىق قىزمەتتىڭ ەڭ قىمبات ءتۇرى - جۇرەك حيرۋرگياسى. ءبىر ناۋقاستىڭ وپەراتسياسىنا مەملەكەتتەن 7 ميلليون تەڭگە قارجى بولىنەدى. ال ناقتى دياگنوز قويىلىپ، پىشاققا تۇسكەنگە دەيىنگى زەرتتەۋلەردى ناۋقاس ءوز قالتاسىنان تولەۋى ءتيىس ەدى. ەندى ول تەگىن جۇرگىزىلەدى. بۇل ماقساتقا الداعى ءۇش جىل ىشىندە 2,8 تريلليون تەڭگەدەن استام قاراجات باعىتتالادى.
بەرىك داۋىتبايەۆ، ومو كارديوحيرۋرگيا بولىمشەسىنىڭ مەڭگەرۋشىسى:
- مەن زەرتتەپ قاراسام، بۇكىل دامىعان مەملەكەتتەردە وسىنداي ساقتاندىرۋ بار ەكەن. مەديتسينا سالاسىنا قاراجات كوبەيەدى. بۇرىن مىسالى وسى ۋاقىتقا دەيىن شىنى كەرەك، قىمبات زەرتتەۋلەر كت، مرت كوپ جاعدايدا اقىلى بولاتىن. وسى باعدارلامادا تەگىن بولادى. ەمحانا جولداما بەرسە، زەرتتەۋلەر تەگىن تۇسىرىلەدى.