12:55, 12 - قىركۇيەك 2019 | GMT +6
قاسىم-جومارت توقايەۆ قىتايدىڭ حاڭجوۋ قالاسىنا ۇشىپ كەلدى
حاڭجوۋ. قازاقپارات - قاسىم-جومارت توقايەۆ قىتايدىڭ حانجوۋ قالاسىنا ۇشىپ كەلدى، دەپ حابارلايدى قازاقپارات پرەزيدەنتتىڭ باسپا ءسوز حاتشىسى بەرىك ۋاليگە سىلتەمە جاساپ.
«قازاقستان پرەزيدەنتى قاسىم-جومارت توقايەۆتىڭ قىتاي حالىق رەسپۋبليكاسىنا جاساعان ەكى كۇندىك مەملەكەتتىك ساپارىنىڭ اياسىندا حانجوۋ قالاسىنا ۇشىپ كەلدى. مۇندا يننوۆاتسيالىق ونىمدەردى الەمدىك نارىققا شىعارۋ بويىنشا كوشباسشى «Hikvision» كومپانياسىنىڭ جۇمىسىمەن تانىسادى»، - دەپ جازدى بەرىك ءۋالي Facebook پاراقشاسىندا.
سونىمەن قاتار، پرەزيدەنت باعدارلاما بويىنشا «Alibaba» كومپانياسىنىڭ كەڭسەسىنە بارىپ، دجەك مامەن كەزدەسەدى. قىتايدىڭ ۇلتتىق ءشاي مۇراجايى مەن لەيفەن پاگوداسىن ارالايدى دەپ جوسپارلانعان.