+7 (701) 759 90 19 Лента
17 °С : نۇر-سۇلتان
27 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

قازاقستان پرەزيدەنتى لي جانشۋمەن كەزدەستى

12 قىركۇيەك 12:15
:ءبولىسۋ
قازاقستان پرەزيدەنتى لي جانشۋمەن كەزدەستى

بەيجىڭ. قازاقپارات - مەملەكەت باسشىسى ق ح ر بۇكىل قىتايلىق حالىق وكىلدەرى جيىنى تۇراقتى كوميتەتىنىڭ ءتوراعاسى لي جانشۋمەن كەزدەستى، دەپ حابارلايدى اقوردانىڭ باسپا ءسوز قىزمەتى.

كەزدەسۋ بارىسىندا قازاقستان مەن قىتايدىڭ پارلامەنتارالىق ىنتىماقتاستىعى جايى تالقىلاندى. ەكى تاراپتا اتالمىش قارىم-قاتىناستىڭ جۇمىسىن وڭ باعالادى.

قاسىم-جومارت توقايەۆ لي جانشۋدى ق ح ر- دىڭ 70 جىلدىق مەرەكەسىمەن قۇتتىقتاپ، قىتايعا مەملەكەتتىك ساپارى بارىسىندا جاسالعان ءوزارا ءتيىمدى ۋاعدالاستىقتار جونىندە ايتتى.

- كەشەگى كەلىسسوزدەر ءساتتى ءوتتى. قىتاي قازاقستاننىڭ ۇلكەن كورشىسى. سوندىقتان ءبىز ەكى ەل اراسىنداعى جان-جاقتى ىنتىماقتاستىعىمىزدى ەسكەرە وتىرىپ، ءتوراعا شي جينپيڭمەن بىرلەسكەن مالىمدەمەگە قول قويدىق. وندا ءبىزدىڭ ارىپتەستىگىمىز ستراتەگيالىق جانە ۇزاق مەرزىمدى مانگە يە ەكەنى كورسەتىلگەن. بۇل ساپارىمنىڭ قورىتىندىلارىنا قاناعاتتانۋعا بارلىق نەگىز بار، - دەدى پرەزيدەنت.


مەملەكەت باسشىسى ەكى ەلدىڭ پارلامەنتارالىق قارىم-قاتىناستارىن ودان ءارى نىعايتۋ پەرسپەكتيۆالارى تۋرالى ايتا كەلىپ، وسى جىلدىڭ قىركۇيەگىندە نۇر-سۇلتان قالاسىندا وتەتىن ەۋرازيا پارلامەنتتەرى سپيكەرلەرى IV كەڭەسىنىڭ ماڭىزدىلىعىن دا اتاپ ءوتتى.

- ءسىزدىڭ قازاقستانعا ءۇش رەت كەلگەنىڭىزدى بىلەمىن. جاقىن ارادا ءسىز قازاقستانعا قايتا باراسىز. ءبىراق بۇل ساپارىڭىز بۇكىلقىتايلىق حالىق وكىلدەرى جيىنى تۇراقتى كوميتەتىنىڭ ءتوراعاسى رەتىندە بولاتىندىقتان، ونىڭ ءجونى دە بولەك بولماق. ءبىز ءسىزدىڭ ساپارىڭىزدى زور ىقىلاسپەن كۇتەمىز، - دەدى قاسىم-جومارت توقايەۆ.

لي جانشۋ قاسىم-جومارت توقايەۆتىڭ قازاقستان-قىتاي قارىم-قاتىناستارىن دامىتۋعا قوسقان ەلەۋلى ۇلەسىن اتاپ ءوتىپ، ونىڭ شي جينپيڭمەن كەلىسسوزدەرىنىڭ ناتيجەلى وتكەنىنە توقتالدى.

- كەشە ءسىز بەن ءتوراعا شي جينپيڭنىڭ اراسىندا سەنىمدى ءارى جەمىستى كەلىسسوزدەر بولدى. كەڭ اۋقىمدى ماسەلەلەر بويىنشا پىكىر الماسۋلار ءوتتى. سونىڭ ناتيجەسىندە بىرلەسكەن مالىمدەمەگە قول قويىلدى. وندا ەكى كوشباسشى دا تاراپتار ستراتەگيالىق ارىپتەستىكتى دامىتادى دەپ مالىمدەدى. وسىلايشا، ءسىزدىڭ قىتايعا ساپارىڭىز ۇلكەن جەتىستىكپەن اياقتالدى. ال قازاقستان-قىتاي قارىم-قاتىناسى جاڭا تاريحي كەزەڭگە ءوتتى، - دەدى لي جانشۋ.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات