ق ر پرەزيدەنتى: ماشينا جاساۋ - قازاقستاننىڭ وندىرىستىك دامۋىنىڭ جارقىن مىسالى
مەملەكەت باسشىسىنىڭ حاتىن ەلورداداعى فورۋم بارىسىندا كومەكشىسى ماۋلەن اشىمبايەۆ وقىپ بەردى، دەپ حابارلايدى قازاقپارات ءتىلشىسى.
«قازىرگى ۋاقىتتا ماشينا جاساۋ سالاسى، قوسالقى بولشەكتەر مەن قۇراۋشىلار وندىرىسىنەن باستاپ، ءونىمنىڭ تۇپكى تۇرلەرىن جاساۋعا كوشتى: زاماناۋي تەپلوۆوزدار، ەلەكتروۆوزدار، جولاۋشىلار جانە جۇك ۆاگوندارى، استىق جيناۋشى كومبايندار، اۆتوبۋستار، جۇك جانە جەڭىل اۆتوكولىكتەر، ترانفورماتورلار مەن باسقا دا كۇردەلى جابدىقتار. بۇل سالا الەمدىك ەكونوميكالىق احۋالعا ءساتتى بەيىمدەلگەن جانە قازاقستاننىڭ وندىرىستىك دامۋىنىڭ جارقىن مىسالى. ХХІ عاسىر ءتورتىنشى ونەركاسىپتىك ريەۆوليۋتسيانىڭ باستاۋىمەن ەرەكشەلەنەدى. ماشينا جاساۋ قازاقستاننىڭ جەتەكشى سالالارىنىڭ ءبىرى رەتىندە جاھاندىق ۇدەرىستەرىمەن ۇزەڭگىلەس جۇرەتىنىنە مەنىڭ سەنىمىم مول»، - دەدى پرەزيدەنتتىڭ قۇتتىقتاۋ ءسوزىن وقىپ بەرگەن ماۋلەن اشىمبايەۆ.
ءوزىنىڭ قۇتتىقتاۋ حاتىندا پرەزيدەنت ماشينا جاساۋشىلار مەن مەملەكەتتىڭ بىرلەسكەن ۇمتىلىسى وسى سالانىڭ ەكونوميكانى جاڭعىرتۋدىڭ درايۆەرى بولۋىنا مۇمكىندىك بەرەتىنىن اتاپ ءوتتى.
«قازاقستان ماشينا جاساۋشىلارىنىڭ VII فورۋمىنىڭ قاتىسۋشىلارىنا جەمىستى ەڭبەك جانە العا قويعان ماقساتتارىنا قول جەتكىزۋدە جەتىستىكتەر تىلەيمىن»، - دەلىنگەن مەملەكەت باسشىسىنىڭ قۇتتىقتاۋ حاتىندا.
ەسكە سالا كەتسەك، نۇر-سۇلتاندا قازاقستان ماشينا جاساۋشىلارىنىڭ VII فورۋمى ءوتىپ جاتىر. فورۋمدى ق ر يندۋستريا جانە ينفراقۇرىلىمدىق دامۋ مينيسترلىگى مەن قازاقستان ماشينا جاساۋشىلار وداعى، «سامۇرىق-قازىنا» ۇ ءا ق» ا ق ۇيىمداستىرعان. بيىل فورۋم «ماشينا جاساۋ - قازاقستاندى يندۋستريالاندىرۋ درايۆەرى» ۇرانىمەن وتەدى.
جىل سايىن فورۋمعا گەرمانيا، ا ق ش، جاپونيا، يتاليا، چەحيا، رەسەي، قىتاي سەكىلدى ءىرى 20 مەملەكەتتىڭ دەلەگاتتارى قاتىسادى. وسىلايشا، وتاندىق كاسىپورىندار ەلدەن شىقپاي-اق شەتەلدىك ارىپتەستەرىمەن كەزدەسۋ وتكىزۋگە مۇمكىندىك الادى.
ايتا كەتەيىك، نۇر-سۇلتاندا قازاقستان ماشينا جاساۋشىلارىنىڭ VII فورۋمى ءوتىپ جاتىر.