+7 (701) 759 90 19 Лента
17 °С : نۇر-سۇلتان
15 °С : الماتى
USD 387.34 EUR 428.44
RUB 6.04 CNY 54.58
جاڭالىقتار

عالامشارلاردىڭ بىرىنەن سۋ تابىلدى

12 قىركۇيەك 11:33
:ءبولىسۋ
عالامشارلاردىڭ بىرىنەن سۋ تابىلدى

نۇر-سۇلتان. قازاقپارات - العاش رەت استرونومدار كۇن جۇيەسىنەن تىس ورنالاسقان ەكزوپلانەتانى انىقتاپ، ونىڭ اتموسفەراسىن زەرتتەدى.

ناتيجەسىندە بۇل جاڭا عالامشاردان سۋ «بۋ كۇيىندە» تابىلىپ وتىر، دەپ حابارلايدى CNN.

ەكزوپلانەتانىڭ اتاۋى - K2-18b، ول جەر عالامشارىنان 8 ەسە اۋىر. جەر مەن نەپتۋن سالماعىنىڭ ورتا قوسىندىسىن قۇرايتىن، سۋپەر جەر نەمەسە ەكزو عالامشار دەپ اتالادى. ەڭ العاش رەت 2015-جىلى NASA Kepler عارىش اپپاراتىنىڭ كومەگىمەن انىقتالعان. 2016-جىلدان بەرى زەرتتەۋ جۇرگىزگەن عالىمدار بۇل عالامشاردىڭ اتموسفەراسىنان سۋ تاپقان. ولار سونداي-اق سۋدىڭ سيگناتۋراسى مەن اتموسفەراداعى گەليدى باقىلاپ، بۇل ەكەۋىنىڭ عالامداعى ەڭ كوپ تاراعان ەلەمەنت ەكەنىن ايتتى.

ەكزوپلانەتا اتموسفەراسىنان سۋدى بۋ كۇيىندە انىقتاۋ جانە بۇل عالامشاردىڭ جۇلدىزداردى اينالۋدا تىرشىلىككە قولايلى ەكەندىگىن دالەلدەۋ ارقىلى عالىمدار سۇيىق سۋدىڭ دا پايدا بولاتىنىنا كامىل سەنىمدى. ياعني، اتالعان عالامشاردا تىرشىلىكتىڭ پايدا بولۋى نەمەسە ادام ومىرىنە قولايلى جاعداي جاساۋ ابدەن مۇمكىن.

عالىمداردىڭ زەرتتەۋى Nature Astronomy جۋرنالىندا جارىق كوردى. «K2-18b ەكىنشى جەر عالامشارى ەمەس، ويتكەنى، ونىڭ ماسساسى تىم اۋىر جانە اتموسفەرا قۇرامى ءار ءتۇرلى. الايدا، بۇل ءبارىمىزدى تولعاندىرعان سۇراققا جاۋاپ ىزدەۋگە تۇرتكى بولىپ وتىر: جەر عالامشارى ءمىنسىز بە؟ زەرتتەۋ جالعاسا بەرەدى» دەدى لوندون ۋنيۆەرسيتەتى جانىنداعى كوللەدج، عارىش ەكزوحيميا ورتالىعىنىڭ عىلىمي قىزمەتكەرى انگەلوس تسياراس.

ءبىر قىزىعى، ەكزوپلانەتا ءوز جۇلدىزىن ءار 33 كۇن سايىن اينالادى جانە جەردىڭ كۇنگە قاشىقتىعىمەن سالىستىرعاندا، بۇل عالامشار ءوز جۇلدىزىنا الدەقايدا جاقىن ورنالاسقان. ءبىراق ونىڭ جۇلدىزى كۇنمەن سالىستىرعاندا، سۋىق. سوندىقتان جەردەگى تەمپەراتۋرا مەن بۇل ەكزوپلانەتاداعى اۋا تەمپەراتۋراسى ۇقساس. عالىمدار الداعى ونجىلدىقتا عىلىمدا بۇرىن سوڭدى بولماعان جاڭالىق اشامىز دەپ وتىر، سەبەبى، ەكزوعالامشارداعى ادام ومىرىنە ارنالعان جاعداي جەردەن دە قولايلى بولۋى مۇمكىن.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات