ەلوردادا العاش رەت قالالىق تۋريزم ماسەلەلەرى بويىنشا سامميت وتەدى

نۇر-سۇلتان. قازاقپارات -  9-11- قازان ارالىعىندا تاۋەلسىزدىك سارايىندا VIII «اقىلدى قالالار-اقىلدى دەستيناتسيالار» اتتى جاھاندىق قالالىق تۋريزم ماسەلەلەرى بويىنشا سامميتى وتەدى، دەپ حابارلايدى قازاقپارات ەلوردا اكىمدىگىنە سىلتەمە جاساپ.

نۇر-سۇلتان قالاسى اكىمدىگى مەن ب ۇ ۇ- UNWTO دۇنيەجۇزىلىك تۋريستىك ۇيىمى ۇيىمداستىرىپ جاتقان شارادا قالانى باسقارۋ، جاڭا يننوۆاتسيالار مەن تەحنولوگيالار، سونداي-اق تۋريزم سالاسىن تۇراقتى ءارى ينكليۋزيۆتى قالالاردى دامىتۋعا سەپتىگىن تيگىزە الاتىن قۇرال رەتىندە قالا ومىرىنە كەڭىنەن ەنگىزۋ جولدارى قاراستىرىلادى.

سامميت بارىسىندا ۇيىمداستىرىلاتىن پانەلدىك سەسسيالار، «دوڭگەلەك ۇستەل» كەزىندە تۋريستىك اعىننىڭ بىركەلكى تارالماۋى، بىلىكتى مامانداردىڭ تاپشىلىعى، ميگراتسيا، جۇمىسسىزدىق پەن قاۋىپسىزدىك سىندى وزەكتى ماسەلەلەر تالقىلانادى.

شاراعا الەمنىڭ 30 ەلىنەن 700 دەلەگات كەلەدى دەپ جوسپارلانىپ وتىر.