ەلەكتروندى تەمەكى زيانسىز با - مامان جاۋابى

None
None
نۇر-سۇلتان. قازاقپارات - ەلەكتروندى تەمەكىنىڭ زيانى قاراپايىم تەمەكىمەن بىردەي. بۇل جايىندا استانادا مەديتسينا ۋنيۆەرسيتەتىنىڭ رەكتورى، «قازاقستاندىق مەديتسينالىق كەڭەس» مەديتسينالىق ءبىلىم جانە عىلىم ۇيىمدارى قاۋىمداستىعىنىڭ پرەزيدەنتى داينيۋس پاۆالكيس ايتتى، دەپ حابارلايدى قازاقپارات ءتىلشىسى.

«ەلەكتروندى تەمەكىنىڭ زيانى قاراپايىم تەمەكىمەن بىردەي. ە- تەمەكىلەرگە دۇنيەجۇزىلىك دەنساۋلىق ساقتاۋ ۇيىمىنا (د د ۇ) مۇشە 195 مەملەكەتتىڭ 30 ىندا تىيىم سالىنعان. ال 65 مەملەكەت ونى رەتتەۋ بويىنشا زاڭنامالىق شارالار ەنگىزگەن. د د ۇ سوڭعى زەرتتەۋلەرىنە سايكەس، ولاردىڭ قۇرامىندا فورمالدەگيد، اتسەتالدەگيد سياقتى ۋىتتى تولتىرعىشتار بار. وكىنىشكە وراي، جاڭا ديەۆايستارعا قاتىستى زەرتتەۋ جۇرگىزۋ ءۇشىن كوپ ۋاقىت پەن رەسۋرستار قاجەت. ويتكەنى، قازىرگى زاماندا تەمەكى ونەركاسىبى ءبىر ورىندا تۇرمايدى جانە جاستاردى جاڭىلىستىراتىن كوپتەگەن ءتۇرلى ماركەتينگتىك جاڭالىقتاردى ەنگىزۋدە. ءبىراق ولاردىڭ «تومەندەتىلگەن» زياندىلىعى وسى ۋاقىتقا دەيىن ءالى راستالعان جوق»، - دەدى ول.

ونىڭ ايتۋىنشا، قازاقستاندا ەلەكتروندى تەمەكىگە قارسى شارالار قابىلدانىپ جاتىر. ماسەلەن، ەلىمىزدىڭ دەنساۋلىق ساقتاۋ مينيسترلىگى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» جاڭا كودەكس جوباسىن ازىرلەگەن. اتالعان جوبادا ەلەكتروندى تەمەكىگە دە قاراپايىم تەمەكىگە قويىلاتىن تالاپ سياقتى دۇكەندەردە جايىپ ساتۋعا تىيىم كوزدەلگەن. بۇل دۇنيەجۇزىلىك دەنساۋلىق ساقتاۋ ۇيىمىنىڭ ۇسىسىنىنا تولىقتاي ساي كەلەدى.

«د د ۇ ەلەكتروندى تەمەكىلەرگە باسقا تەمەكى ونىمدەرىنە قويىلاتىنداي رەتتەۋ شارالارىن قابىلداۋ بويىنشا ۇسىنىستار بەرەدى»، - دەدى داينيۋس پاۆالكيس.


سوڭعى جاڭالىقتار