بەيسەنبى ەلىمىزدە اۋا رايى قۇبىلمالى بولادى

نۇر-سۇلتان. قازاقپارات - بەيسەنبى ەلىمىزدىڭ سولتۇستىك مەن شىعىسىندا قۇبىلمالى اۋا رايى ساقتالادى. كەي جەرلەردە جاڭبىر جاۋادى، شىعىسىندا تۇندە كەي جەرلەردە قاتتى جاڭبىرمەن بىرگە نايزاعاي كۇتىلەدى، دەپ حابارلايدى قازاقپارات قازگيدرومەتكە سىلتەمە جاساپ.

«12- قىركۇيەكتە قازاقستاننىڭ باسىم بولىگىندە انتيتسيكلوننىڭ ورنالاسۋىنا بايلانىستا جاۋىن-شاشىنسىز اۋا رايى كۇتىلەدى. تەك رەسپۋبليكانىڭ سولتۇستىك جانە شىعىسىندا قۇبىلمالى اۋا رايى ساقتالادى - كەي جەرلەردە جاڭبىر جاۋادى، شىعىسىندا تۇندە كەي جەرلەردە قاتتى جاڭبىرمەن بىرگە نايزاعاي كۇتىلەدى. كەي جەرلەردە تۇمان، جەل كۇشەيەدى، وڭتۇستىكتە شاڭدى داۋىلمەن، شىعىسىندا بۇرشاق جاۋۋى مۇمكىن»، دەلىنگەن بولجامدا.

اقمولا، قوستاناي، سولتۇستىك قازاقستان، پاۆلودار، قاراعاندى وبلىستارىنىڭ كەي جەرلەرىندە تۇمان كۇتىلەدى، سولتۇستىك قازاقستان، جامبىل وبلىستارىنىڭ كەي جەرلەرىندە كۇندىز جەل 15-20 م/س كۇشەيەدى.

شىعىس قازاقستان، كۇندىز تۇركىستان، قىزىلوردا وبلىستارىنىڭ كەي جەرلەرىندە جەل 15-20 م/س كۇشەيەدى، قىزىلوردا وبلىسىندا شاڭدى داۋىلمەن، شىعىس قازاقستان وبلىسىنىڭ كەيجەرلەرىندە بۇرشاق جاۋۋى مۇمكىن.

اقمولا، سولتۇستىك قازاقستان، پاۆلودار، قاراعاندى وبلىستارىنىڭ كەي جەرلەرىندە توپىراق بەتىندە ۇسىك 1-3 گرادۋس كۇتىلەدى.

اتىراۋ، قىزىلوردا وبلىستارىندا، تۇركىستان، جامبىل وبلىستارىنىڭ باسىم بولىگىندە، كاراعاندى وبلىسىنىڭ كەي جەرلەرىندە، باتىس قازاقستان، اقتوبە وبلىستارىنىڭ وڭتۇستىگىندە، الماتى وبلىسىنىڭ وڭتۇستىك - باتىسىندا وتە جوعارى ءورت قاۋىپى ساقتالادى.