+7 (701) 759 90 19 Лента
6 °С : نۇر-سۇلتان
22 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

مەملەكەت باسشىسى شي جينپيڭمەن كەلىسسوزدەر جۇرگىزدى

12 قىركۇيەك 07:07
:ءبولىسۋ
مەملەكەت باسشىسى شي جينپيڭمەن كەلىسسوزدەر جۇرگىزدى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ ق ح ر ءتوراعاسى شي جينپيڭمەن كەلىسسوزدەر جۇرگىزدى، دەپ حابارلايدى اقوردا.



قاسىم-جومارت توقايەۆ پەن شي جينپيڭ رەسمي كەزدەسۋىنىڭ سالتاناتتى شاراسى بارىسىندا قازاقستان رەسپۋبليكاسى مەن قىتاي حالىق رەسپۋبليكاسىنىڭ مەملەكەتتىك ءانۇراندارى ورىندالدى. قۇرمەتتى قاراۋىل باستىعى راپورت بەردى. مەملەكەتتەر باسشىلارى قۇرمەتتى قاراۋىلدىڭ قاتارىن ارالاپ شىقتى. سودان كەيىن قۇرمەت قاراۋىلىنىڭ روتاسى قازاقستان پرەزيدەنتى مەن قىتاي ءتوراعاسىنىڭ الدىنان ساپ تۇزەپ ءوتتى. زەڭبىرەكتەردەن دۇركىن-دۇركىن وق اتىلىپ، مەملەكەتتەر باسشىلارىنا قۇرمەت كورسەتىلدى.


سالتاناتتى شارا اياقتالعان سوڭ قاسىم-جومارت توقايەۆ پەن شي جينپيڭ كەلىسسوز زالىنا ءوتتى.

قازاقستان پرەزيدەنتى قىتاي كوشباسشىسىمەن بىشكەكتە وتكەن شاڭحاي ىنتىماقتاستىق ۇيىمىنىڭ سامميتىنەن كەيىن اراعا بىرنەشە اي سالىپ، قايتا جولىققانىنا وتە قۋانىشتى ەكەنىن ايتتى. قاسىم-جومارت توقايەۆ ق ح ر ءتوراعاسىنا قوناقجايلىق كورسەتكەنى ءۇشىن ريزاشىلىق ءبىلدىرىپ، قىتاي كوشباسشىسىنىڭ دوسى، قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ سالەمى مەن ىستىق ىقىلاسىن جەتكىزدى.


- ءبىزدىڭ كەزدەسۋىمىز ق ح ر- نىڭ 70 جىلدىق مەرەيتويى قارساڭىندا ءوتىپ وتىر. وسى ءساتتى پايدالانىپ، ءسىزدى جانە تۇتاس قىتاي حالقىن ايتۋلى داتامەن قۇتتىقتاعىم كەلەدى. قىتاي بۇل مەرەيتويعا الەۋمەتتىك-ەكونوميكالىق جانە ساياسي دامۋ تۇرعىسىنان زور جەتىستىكپەن جەتىپ وتىر. وسى وقيعا تەك قىتاي حالىق رەسپۋبليكاسى ءۇشىن عانا ەمەس، كۇللى الەم ءۇشىن تاريحي مانگە يە دەپ ويلايمىن. ءسىزدىڭ مەملەكەتتىڭ دامۋى دۇنيەجۇزىنىڭ ءجىتى نازارىندا، - دەپ اتاپ ءوتتى مەملەكەت باسشىسى.


مەملەكەت باسشىسىنىڭ ايتۋىنشا، وسى جەتپىس جىلدىق جول قىتاي ءۇشىن وتە اۋىر بولدى. ءبىراق 1970-جىلداردىڭ سوڭىندا دىڭ شياۋپيڭنىڭ باسشىلىعىمەن قولعا الىنعان رەفورمالاردىڭ ارقاسىندا قىتاي حالقى ءوز دامۋىندا وراسان زور جەتىستىككە جەتتى.

- قىتايدىڭ تابىستارى مەملەكەتتەرىمىز اراسىنداعى ىنتىماقتاستىقتى دامىتۋ ءۇشىن بەرىك نەگىز بولادى دەپ سانايمىز. بۇگىن ءبىز بىرلەسكەن مالىمدەمەگە قول قويامىز. بۇل قۇجات بويىنشا قازاقستان مەن قىتاي ۇزاقمەرزىمدى، ستراتەگيالىق جانە جان-جاقتى سەرىكتەستىكتى دامىتۋعا بەيىلدى ەكەنىن كورسەتەدى. جوعارى دەڭگەيدە قول جەتكىزگەن ۋاعدالاستىق ەكى ەل اراسىنداعى ىنتىماقتاستىقتى ودان ءارى دامىتۋ ءۇشىن سالماقتى قۇقىقتىق جانە ساياسي بازا بولىپ تابىلادى، - دەدى قازاقستان پرەزيدەنتى.

ق ح ر ءتوراعاسى شي جينپيڭءوز سوزىندە قازاقستاننىڭ ورتالىق ازياداعى ءىرى ەل سانالاتىنىن جانە ورتالىق ەۋرازيادا ۇلكەن ىقپالى بار ەكەنىن ايتتى.


- قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ باسشىلىعىمەن ەلدەرىڭىز زور تابىسقا قول جەتكىزدى، ۇلتتىق ەرەكشەلىككە نەگىزدەلگەن دامۋ ۇلگىسىن قۇردى. ءسىز پرەزيدەنت بولعاننان كەيىن ءوزىڭىزدىڭ ساباقتاستىق، ادىلەتتىلىك جانە ىلگەرىلەۋ جونىندەگى ءۇش ۇستانىمىڭىزدى جاريالادىڭىز. ەكونوميكانى دامىتۋدى، جۇمىس ورىندارىن اشۋدى، سىبايلاس جەمقورلىقپەن كۇرەسۋدى، الەۋمەتتىك قورعاۋ دەڭگەيىن كوتەرۋدى الدىڭىزعا ماقسات ەتىپ قويدىڭىز. بۇل - قازاقستان حالقىنىڭ ءۇمىتىن اقتايدى. ءسىزدىڭ بارلىق باستامالارىڭىز وسىعان باعىتتالعان. دوستاس قازاقستان حالقىنا باق-بەرەكە جانە تابىس تىلەيمىن، - دەدى قىتاي كوشباسشىسى.


قازاقستان پرەزيدەنتى قاسىم-جومارت توقايەۆ پەن قىتاي حالىق رەسپۋبليكاسىنىڭ ءتوراعاسى جۇرگىزگەن كەلىسسوزدەر قورىتىندىسى بويىنشا مىناداي قۇجاتتارعا قول قويىلدى:

مەملەكەتتەر باسشىلارىنىڭ بىرلەسكەن مالىمدەمەسى؛

قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسى ۇكىمەتىنىڭ اراسىنداعى اۆياتسيالىق ىزدەۋ جانە ازاماتتىق اۋە كەمەلەرىن قۇتقارۋ سالاسىنداعى ىنتىماقتاستىق تۋرالى كەلىسىم؛

قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسى ۇكىمەتىنىڭ اراسىنداعى «نۇرلى جول» جاڭا ەكونوميكالىق ساياساتى (ن ج ج ە س) مەن «جىبەك جولىنىڭ ەكونوميكالىق بەلدەۋى» (ج ج ە ب) قۇرىلىسىن ۇشتاستىرۋ جونىندەگى ىنتىماقتاستىق جوسپارىن جۇزەگە اسىرۋعا بايلانىستى ءوزارا كومەك تۋرالى مەموراندۋم؛

قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسى ۇكىمەتىنىڭ اراسىنداعى ق ح ر ۇكىمەتىنىڭ قازاقستان تاراپىنا سۋپەركومپيۋتەر بەرۋ جوباسى جونىندەگى ىنتىماقتاستىق تۋرالى كەلىسىم؛

قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى مەن قىتاي حالىق رەسپۋبليكاسىنىڭ كوممەرتسيا مينيسترلىگى اراسىنداعى ءوزارا تۇسىنىستىك تۋرالى مەموراندۋم؛

قازاقستان رەسپۋبليكاسىنىڭ اۋىل شارۋاشىلىعى مينيسترلىگى مەن قىتاي حالىق رەسپۋبليكاسىنىڭ باس كەدەن باسقارماسى اراسىنداعى قىتاي حالىق رەسپۋبليكاسىنا قازاقستان رەسپۋبليكاسىنان ەكسپورتتالاتىن ءسۇت ونىمدەرىنە قويىلاتىن ينسپەكتسيالىق، كارانتيندىك جانە ۆەتەرينارلىق-سانيتارلىق تالاپتار جونىندەگى حاتتاما؛

قازاقستان رەسپۋبليكاسىنىڭ اۋىل شارۋاشىلىعى مينيسترلىگى مەن قىتاي حالىق رەسپۋبليكاسىنىڭ باس كەدەن باسقارماسى اراسىنداعى قىتاي حالىق رەسپۋبليكاسىنا قازاقستان رەسپۋبليكاسىنان ەكسپورتتالاتىن ءجۇن شيكىزاتىنا قويىلاتىن ينسپەكتسيالىق، كارانتيندىك جانە ۆەتەرينارلىق-سانيتارلىق تالاپتار جونىندەگى حاتتاما؛

قازاقستان رەسپۋبليكاسىنىڭ قارجى مينيسترلىگى مەن قىتاي حالىق رەسپۋبليكاسىنىڭ باس كەدەن باسقارماسى اراسىنداعى زياتكەرلىك مەنشىك قۇقىعىن شەكارا ماڭى قورعاۋ سالاسىنداعى ىنتىماقتاستىقتى نىعايتۋ جونىندەگى مەموراندۋم؛

قازاقستان رەسپۋبليكاسىنىڭ اۋىل شارۋاشىلىعى مينيسترلىگى مەن قىتاي حالىق رەسپۋبليكاسىنىڭ باس كەدەن باسقارماسى اراسىنداعى قىتاي حالىق رەسپۋبليكاسىنا قازاقستان رەسپۋبليكاسىنان ەكسپورتتالاتىن زىعىرعا قويىلاتىن ينسپەكتسيالىق، كارانتيندىك جانە ۆەتەرينارلىق-سانيتارلىق تالاپتار جونىندەگى حاتتاما؛

قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى كەدەن شەكاراسى ارقىلى تاۋارلار مەن كولىك قۇرالدارىن الىپ ءوتۋ تۋرالى الدىن الا اقپارات الماسۋ جونىندەگى تەحنيكالىق سپەتسيفيكاتسيا.

ەسكە سالساق، قازاقستان پرەزيدەنتى قىتاي حالىق رەسپۋبليكاسىنا مەملەكەتتىك ساپارىمەن بارعان بولاتىن.





باستى سوزدەر: ئقپالداستئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات