قازاقستان ەلشىسى قىرعىز پرەزيدەنتىنە سەنىم گراموتاسىن تاپسىردى
بۇل تۋرالى ق ر سىرتقى ىستەر مينيسترلىگىنەن ءمالىم ەتتى، دەپ حابارلايدى قازاقپارات.
«ءراسىم بارىسىندا قىرعىزستان پرەزيدەنتى ەلشىنى ديپلوماتيالىق قىزمەتىنىڭ باستالۋىمەن قۇتتىقتاي وتىرىپ، اتالعان مارتەبە ەلدەرىمىز اراسىنداعى باۋىرلاستىق، تاتۋ كورشىلىك جانە ءوزارا ءتيىمدى قارىم-قاتىناستاردى ودان ءارى دامىتۋعا ىقپال ەتەتىنىنە سەنىم ءبىلدىردى. قىرعىزستان باسشىسى قازاقستان تۇڭعىش پرەزيدەنتى - ەلباسى نۇرسۇلتان نازاربايەۆ ەلدەرىمىز اراسىنداعى باۋىرلاستىق جانە وداقتاستىق قاتىناستاردى ءارقاشان قولدايتىنىن اتاپ ءوتتى. ەلباسىنىڭ ءارتۇرلى حالىقارالىق ءىس-شارالار شەڭبەرىندە وتكەن جەكە كەزدەسۋلەردەگى لەبىزدەرى وسىنىڭ كۋاسى ەكەنىن جەتكىزدى. ول سونداي-اق قازاقستاننىڭ پرەزيدەنتى قاسىم-جومارت توقايەۆتىڭ ەلباسى ۇستانعان باعىتتى جالعاستىرعانى ءۇشىن قاناعاتتانۋشىلىق پەن ريزاشىلىق ءبىلدىردى»، - دەلىنگەن س ءى م حابارلاماسىندا.
سونىمەن قاتار تاراپتار ەكى ەل اراسىنداعى ساياسي، ەكونوميكالىق جانە مادەني- گۋمانيتارلىق سالالارداعى ەكىجاقتى دوستىق بايلانىستاردى ودان ءارى نىعايتۋ قاجەتتىگىن اتاپ ءوتىپ، الدا بولاتىن جوعارى دەڭگەيدەگى ساپارعا دايىندىق ماسەلەلەرىن تالقىلادى.
ءوز كەزەگىندە ق. نۇرپەيىسوۆ جىلى قابىلداعانى ءۇشىن العىس بىلدىرە وتىرىپ، قازاقستانداعى جاڭعىرۋ باعدارلامالارى شەڭبەرىندە بولىپ جاتقان ەكونوميكالىق جانە ساياسي وزگەرىستەر تۋرالى اقپارات بەردى، مەملەكەت باسشىسىنىڭ «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىنىڭ نەگىزگى ەرەجەلەرى تۋرالى ايتتى.
«كەزدەسۋ سوڭىندا پرەزيدەنت س. جەەنبەكوۆ ق ر تۇڭعىش پرەزيدەنتى - ەلباسى ن. نازاربايەۆقا جانە قازاقستان پرەزيدەنتى ق. توقايەۆقا ىزگى لەبىزدەرىن جەتكىزۋدى سۇرادى، وعان قوسا جاڭا ەلشىگە قازاقستاندىق-قىرعىز قارىم-قاتىناستارىن ودان ءارى نىعايتۋ جولىندا زور تابىستار تىلەدى»، - دەدى سىرتقى ساياسات ۆەدومستۆوسىنان.