نۇرتاس وڭداسىنوۆ تۋرالى فيلم كوپشىلىككە جول تارتتى

None
None
نۇر-سۇلتان. قازاقپارات - Youtube جەلىسىندە نۇرتاس وڭداسىنوۆ تۋرالى «بيلىكتەن بيىك تۇلعا» دەرەكتى فيلمى پايدا بولدى، دەپ حابارلايدى قازاقپارات.

«الىپتار» سەرياسىمەن ءتۇسىرىلىپ جاتقان دەرەكتى فيلمدەر توپتاماسىنىڭ بۇل جولعى سانى نۇرتاس وڭداسىنوۆقا ارنالىپتى. فيلمنىڭ اۆتورى - نازگۇل ءابۋتۇراپوۆا. 2015-جىلى ءتۇسىرىلىپ باستاعان تۋىندىنىڭ كوپشىلىك نازارىنا جول تابۋىنا دۇنيەجۇزى قازاقتارى قاۋىمداستىعى اتسالىسقان. دۇنيەجۇزى قازاقتارىنىڭ قاۋىمداستىعى ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ «بيلىكتەن بيىك تۇلعا» فيلمىنىڭ يدەياسىن ۇسىنىپ، تۇسىرىلىمگە قولداۋ كورسەتكەن.


«ⅩⅩ عاسىر الىپتارىنىڭ ىشىندە نۇرتاس وڭداسىنوۆتىڭ ءوز ورنى بار. فيلمدە تاريحي تۇلعانىڭ قىزمەت جولى مەن ەلدىك جولىنداعى كۇرەسى ەرەكشە تولعانىسپەن باياندالادى»، - دەيدى قاۋىمداستىقتىڭ باسپا ءسوز حاتشىسى سىرىمبەك تولەۋ ۇلى.

ونىڭ ايتۋىنشا، «الىپتار» توپتاماسىنا «كىسەندەۋلى جولبارىس» اتانعان جۇمابەك تاشەنوۆ، قانىش ساتبايەۆ، شاحماردان ەسەنوۆ، سونداي-اق وسپان باتىر ءسىلام ۇلى سياقتى تۇلعالار تۋرالى فيلمدەر ەنگەن.

سونىمەن قاتار، نەبارى 29 جاسىندا ۆ. لەنينگە دەيىن بارىپ، 5,5 ميلليون قازاق تۇرىپ جاتقان جەر اۋماعىن بەكىتتىرگەن ءالىمحان ەرمەكوۆ پەن الاش كوسەمدەرى تۋرالى فيلم تۇسىرىلمەك.

سوڭعى جاڭالىقتار