الەم مەكتەپتەرىندەگى قىزىقتى تىيىمدار

None
None
نۇر-سۇلتان. قازاقپارات - ءبىر ءۇيدىڭ وتباسىلىق ءداستۇرى نە ەرەجەسى ەكىنشى جانۇياعا تاجىريبە سىندى. سول سەكىلدى وزگە ەلدىڭ ءومىر سالتى ءبىز ءۇشىن ساباق الارلىقتاي ۇلگى بولا السا، تاجىريبەدە سىناپ كورۋگە نەگە بولماسقا؟!

قىزىل سيا

ۇلىبريتانيانىڭ كەي مەكتەپتەرىندە مۇعالىمدەرگى وقۋشى داپتەرىنە قىزىل سيامەن ەسكەرتۋ جازۋعا تىيىم سالىنعان. مۇنىڭ استارىندا بۇل بوياۋ وقۋشىنىڭ كوڭىل كۇيىنە كەرى اسەر ەتىپ، وقۋعا دەگەن ىنتاسىن جويادى جانە قىزىل ءتۇستى جەك كورىپ كەتۋى مۇمكىن دەگەن پايىم بار. مۇعالىمدەر قازىر تەك قارا نە قويۋ كوك «ەموتسيونالدى بەيتاراپ» ءتۇستى سيامەن باعالايتىن بولعان.

تۇسكى اس

ادەتتە امەريكالىق مەكتەپتەردە ۇيدەن الا كەلگەن تۇسكى اسقا تۇسىنىستىكپەن قارايدى. 2011 -جىلى Little Village اكادەمەياسىنىڭ ۇجىمى ۇيدەن اكەلىنگەن تۇسكى اسقا تىيىم سالىنعان. مۇنى ديرەكسيا «كەي اتا- انالار بۋتەربرود تۇگىلى، ءبىر ءۇزىم نان بەرە المايدى، بارىنە بىردەي تاماق ۇلەستىرەمىز» دەپ تۇسىندىرەدى.

قاۋىپتى ويىندار

ا ق ش- تىڭ كەي شتاتتارىندا باستاۋىش سىنىپتا وقۋشىلار ءبىر- بىرىمەن جارىسىپ وينامايدى. وقۋشى ومىرىنە قاۋىپتى دەپ سانالاتىن فۋتبول، سوككەر، قۋالاسپاق دەگەن ويىنداردى مەكتەپ اۋلاسىندا ويناۋعا تىيىم سالىنعان.

حەللوۋين

پەنسيلۆانيادا 2013 -جىلدان باستا پاتا- انالار حەللوۋين مەرەكەسىن تويلاۋعا تىيىم سالعان ەكەن. 31 - قازان كۇنى بالالارىن ساباققا جىبەرمەيتىن اتا- انالار دا بار- مىس.

تار دجينس شالبارى

2009 -جىلدان باستاپ تەحاستىق ءبىر مەكتەپتە تار دجينس شالبارلارىن كيۋگە رۇقسات بەرىلمەگەن. سونىمەن قاتار، جولاقتى جانە تور كوزدى جەيدە كيىپ كەلگەن وقۋشىنى مەكتەپكە كىرگىزبەيدى. كەي اتا- انالار بۇل ەرەجەنىڭ ءمانىن تۇسىنە الماعاندىقتان، بالالارىن باسقا مەكتەپكە اۋىستىرىپتى.

دوستار

لوندوننىڭ Thomas's Private Day مەكتەبىندە 4-10 جاس ارالىعىنداعى وقۋشىلارعا ءبىر- اق اداممەن دوستاسۋعا تىيىم سالىنعان. مەكتەپ پسيحولوگتارى «جان دوسىم» دەپ ءبىر بالامەن دوس بولۋ بالانىڭ پسيحولوگياسىنا كەرى اسەرىن تيگەزەدى دەپ تۇسىندىرەدى.

توم سويەر

كىتاپ وقۋ وتە پايدالى. دەسەك تە، وڭ- سولىن تانىماعان بالاعا وقيتىن كىتاپتى تاڭداپ بەرۋ كەرەك. 1870 -جىلى - قۇل يەلەنۋ كەزىندە جازىلعان «توم سويەردىڭ باسىنان كەشكەندەرى» ، ساتيرالى «فارەنگەيت بويىنشا 451 گرادۋس» جانە عاجايىپقا تولى «گارري پوتتەر» شىعارمالارىن ا ق ش- تىڭ كەي مەكتەپتەرىندە وقۋ باعدارلاماسىنا ەنبەۋىن قاداعالايدى.

تولستوۆكا

كانزاستىڭ مەكتەپتەرىندە تولستوۆكا كيۋگە رۇقسات بەرىلمەگەن. سەبەبى وقۋشىلار الدىڭعى قالتاسىنا ۇيالى تەلەفون سالىپ، پەرنەتاقتاعا قاراماستان ساباق ۇستىندە ءبىر- بىرىنە ءجيى حابارلاما جازىپ وتىراتىنى انىقتالعان. سونىمەن قاتار، قالتاسى بار كيىم كيىپ كەلۋگە، گادجەت الىپ كەلۋگە تىيىم سالىنعان.

ءوزىن- ءوزى قورعاۋ

ا ق ش- تىڭ كوپتەگەن مەملەكەتتىك مەكتەپتەرىندە فيزيكالىق تۇرعىدا ءوز- ءوزىن قورعاۋعا تىيىم سالىنعان. بۇزاقى تاراپ پەن ءجابىر كورۋشى تاراپ ءبىر- بىرىنە كۇش جۇمساسا، ەكەۋى دە جازالانادى، ال ەگەر ءجابىر كورۋشى اياعىن تارتسا، ادىلەت الدىندا جەڭەدى.



سوڭعى جاڭالىقتار