يسلام ءدىنىن قابىلداعان تانىمال تۇلعالاردىڭ كىم ەكەنىن بىلەسىز بە؟

نۇر-سۇلتان. قازاقپارات - يسلام - لوگيكالىق ءتۇيىنى بار، كوپشىلىكتىڭ جانىنا تىنىشتىق ۇيالاتاتىن ءدىن. سول سەبەپتى كۇندەلىكتى بۇقارالىق اقپارات قۇرالدارىندا جۇلدىزداردىڭ اللانىڭ جولىنا تۇسكەنىن جارىسا جازادى.

KAZ. NUR. KZ ۇسىنعان تىزىمنەن يسلام ءدىنىن قابىلداعان تانىمال تۇلعالاردىڭ كىم ەكەنىن ءبىلىڭىز.

دجەرمەين دجەكسون

يەگوۆا كۋاگەرى بولعان تانىمال ءانشى دجەرمەين دجەكسون 1989-جىلى باحرەين قالاسىنا بارعان ساپارى كەزىندە يسلام ءدىنىن قابىلدادى.

مۇحاممەد ءالي

كاسسيۋس مارتسەللۋس كلەي 1964-جىلى 22 جاسىندا ءوزىنىڭ العاشقى چەمپيوندىق اتاعىن جەڭىپ العان. ال سودان كەيىن ءبىر اپتا وتكەن سوڭ ەسىمىن وزگەرتكەن.

سول كەزدە كوپشىلىك ونىڭ يسلام ۇلتى ۇيىمىنىڭ مۇشەسى ەكەنىن بىلگەن . العاشىندا جۇرت بۇل شىندىقتى قابىلداي المادى.

ءالي الەم ءوزىن ۇلى تۇلعا رەتىندە تانۋ ءۇشىن ءوز-وزىمەن جۇمىس ىستەگەن.

ۋيلل سميت - ءانشى، اكتەر

ۋيلل سميتتىڭ ايتۋىنشا، ول مۇحاممەد ءالي جايلى فيلمنىڭ ءتۇسىرىلىمى كەزىندە يسلام دىنىنە دەگەن قىزىعۋشىلىعى پايدا بولعان.

فيلم جەلىسى بويىنشا اكتەر بوكسشىنىڭ ءوزىن سومدادى. باستى كەيىپكەردىڭ ءومىربايانىن ەگجەي-تەگجەيلى زەرتتەگەن اكتەر ونىڭ وي-ورىسىنە تاڭدانعان.

شون ستوۋن

وليۆەر ستوۋن - ەۆرەي، ونىڭ جارى - حريستيان، ال ولاردىڭ 27 جاستاعى ۇلدارى يسلام ءدىنىن قابىلدادى.

فرانك ريبەري

فرانسۋز فۋتبولشىسى الجيردان شىققان بالا كۇنگى ماحابباتى ۆاحيبە بەلحاميگە ۇيلەنۋ ءۇشىن يسلام ءدىنىن قابىلداعان. ريبەري ءبىلال ەسىمىن الدى. قازىرگى ۋاقىتتا ول ميۋنحەندىق «باۆاريا» كومانداسىندا وينايدى. سپورتشىنىڭ ەكى قىزى بار.

مايك تايسون

مايك تايسون - تەك تانىمال سپورتشى عانا ەمەس، سونداي-اق، شاتاق مىنەزدى تۇلعا. ونىڭ ەموتسياسىن ۇستاي الماۋى - ونى تۇرمەگە توعىتتى.

ول ءدال سول جەردە يسلام ءدىنىن قابىلداپ، اللانىڭ جولىمەن جۇرە باستادى. سودان كەيىن ءومىرى جاقسارا باستاعان ەكەن.

مالىك ابدۋل ءازىز (مايكتىڭ ەسىمى) تۇنگى ساعات 2 دە ويانىپ، سپورت زالعا بارىپ، دەنەسىن جاتتىقتىرادى.

Q- Tip

امەريكالىق ءانشى دجوناتان دەۆيس 90-جىلدارى قۇراندى وقىعاننان كەيىن يسلام ءدىنىن قابىلداعان. قاسيەتتى كىتاپتى وقىعان ونەر يەسىنىڭ ءومىرى مەن كوزقاراسى وزگەرگەن ەكەن.

دجانەت دجەكسون

مايكل دجەكسون مەن دجەرمەين دجەكسوننىڭ اپكەسى دجانەت كاتارلىق ميللياردەر ۆيسام ءال-مانامەن نەكەگە وتىرعاننان كەيىن ءومىرى وزگەرە باستاعان.

ول قىسقا بەلدەمشەلەر مەن اشىق كيىمدەردىڭ ورنىنا ورامال تاعىپ، جابىنىپ جۇرەتىن بولعان.

سونىمەن قاتار، ونىڭ مىنەزىندە دە وزگەرىستەر بايقالا باستاپتى. 2017-جىلى دجانەت العاش رەت انا اتانىپ، يسا ەسىمدى ۇلدى دۇنيەگە اكەلگەن.