دينوزاۆرلاردىڭ كوزىن جويعان استەرويد انىقتالدى
عالىمداردىڭ ايتۋىنشا، «ەكىنشى دۇنيەجۇزىلىك سوعىس كەزىندە قولدانىستا بولعان اتوم بومباسىنىڭ 10 ميلليون داناسىن جيناپ، جارىپ جىبەرسەڭ، استەرويدتىڭ قۋاتىنا كوزىڭ جەتەدى» . «.. .بۇل استەرويدتىڭ ەنى - 12 شاقىرىم (7,5 ميل) ، ول 66 ميلليون جىل بۇرىن جەر عالامشارىن سوعىپ وتكەن. سالدارىنان جەر بەتىندەگى تىرشىلىكتىڭ 75 پايىزى جويىلعان. استەرويد سوققىسىنان كەيىن ورماندار ورتەنىپ (900 ميل) ، داۋىل تۇرعان» . تەحاس ۋنيۆەرسيتەتى عالىمدارىنىڭ اتالمىش زەرتتەۋى PNAS جۋرنالىندا جارىق كوردى.
عالىمداردىڭ زەرتتەۋىنشە، دينوزاۆرلاردىڭ باسىم بولىگى استەرويد سوققىسى ورىن العان كۇنى مەرت بولعان. ال قالعان از عانا پايىزى اتموسفەرالىق جاۋىن- شاشىن سالدارىنان جويىلدى دەپ بولجانىپ وتىر.
تەحاس ۋنيۆەرسيتەتى عالىمدارىنىڭ بۇل زەرتتەۋى 2016 -جىلى مەكسيكادا تابىلعان استەرويد قالدىقتارىنان كەيىن باستالدى. مەكسيكانىڭ يۋكاتان جارتىلاي ارالىنىڭ جاعالاۋىندا Chicxulub ايماعىندا استەرويد قالدىقتارى انىقتالعان بولاتىن.
عالىمداردىڭ ەسەپتەۋىنشە، 325 ميلليارد توننا كۇكىرت استەرويد سوققىسىنان كەيىن اۋاعا تارالعان.