اقجارقىن تۇرلىبايدىڭ قورعاۋشىسى ءىستىڭ نەگە سوزىلىپ كەتكەنىن ايتتى
سۇڭقار نۇرماعامبەتوۆ قازاقستاننىڭ قۇقىق قورعاۋ ورىندارى تۇرلىبايدى نيگەريالىق جالداۋشىلاردىڭ قۇربانى بولدى دەپ ەسەپتەمەيتىنىن حابارلادى. وسىنىڭ سالدارىنان قىتايدا ءىستىڭ قارالۋى سوزىلىپ جاتىر.
اقجارقىن گۋانجوۋ اۋەجايىندا ۇستالعان بولاتىن. بويجەتكەندى مالايزياعا برەندتى كيىم وتكىزۋگە كوندىرگەن، الايدا سومكەدەن ەسىرتكى تابىلعان.
ق ر ق ك 71-بابىنا سايكەس قىلمىستىق ءىس بارىسىندا مورالدىق، فيزيكالىق نەمەسە مۇلىكتىك زالال كەلتىرىلسە، ادام جابىرلەنۋشى رەتىندە تانىلۋى مۇمكىن.
«اقجارقىن ەسىرتكى تاسىمالداپ جۇرگەنىن بىلمەگەن، ياعني قىلمىستىق نيەتى جوق، ونى نيگەريالىق ازامات پەن تۇرلىبايدىڭ تۇسىنىكتەمەلەرىنەن كورۋگە بولادى»، - دەيدى ادۆوكات.
بۇدان بولەك، 30 دان استام ادام، ونىڭ ىشىندە قازاقستاندىقتار دا بار، ترانسۇلتتىق ەسىرتكى تاسىمالداۋ توبىنىڭ قۇربانى بولعان.
ەگەر تۇرلىباي قازاقستان اۋماعىندا جابىرلەنۋشى دارەجەسىن الا السا، وندا ول قىتايداعى سوت پروتسەسىندە ءوزىنىڭ قۇقىعىن قورعاي الادى. ادۆوكات س ءى م- مەن بىرگە تۇرلىبايدى جابىرلەنۋشى دەپ تانۋ تۋرالى وتىنىشتەر جازعانىن، ءبىراق تەرگەۋ كوميتەتى وتىنىشتەردى ەلەمەي نەمەسە ولاردى قاناعاتتاندىرۋدان باس تارتقانىن جەتكىزدى.
ق ر ءى ءى م 2014-جىلى نيگەريا ازاماتىنا قاتىستى ق ر ق ك 259-بابى، 2- ءبولىمى بويىنشا قىلمىستىق ءىس قوزعاعان. ءبىراق كۇدىكتى قاشىپ جۇرگەندىكتەن، ونى ىزدەۋگە بايلانىستى مەرزىم توقتاتىلعان.
ەستەرىڭىزگە سالساق، بۇعان دەيىن اقجارقىن تۇرلىبايدىڭ اناسى زۋحرا سەيتىموۆا مەملەكەت باسشىسى قاسىم-جومارت توقايەۆقا حات جازعان بولاتىن.