يپوتەكالىق نەسيەنى قالاي راسىمدەۋگە بولادى؟
بۇگىنگى تاڭدا باسپانا الۋدىڭ ەڭ ءتيىمدى جولى يپوتەكالىق نەسيە راسىمدەۋ. وسى ورايدا الماتى قالاسى اكىمدىگىنىڭ باستاماسىمەن ىسكە قوسىلعان «Open Almaty» جوباسى باسپانا الۋ ءۇشىن يپوتەكالىق نەسيەنى راسىمدەۋ جولدارىن ۇسىنادى.
يپوتەكالىق نەسيە - جىلجىمايتىن مۇلىك كەپىلىمەن بەرىلەتىن نەسيە. بۇگىنگى تاڭدا وتاندىق نارىقتا يپوتەكالىق نەسيە الۋدىڭ ەكى جولى بار:
1. جەكە مەنشىك كوممەرتسيالىق بانكتەردەن يپوتەكالىق نەسيە الۋ؛
2. «تۇرعىن ءۇي قۇرىلىس جيناق بانكى» ا ق- دان يپوتەكالىق نەسيە راسىمدەۋ.
جەكە مەنشىك كوممەرتسيالىق بانكتەردە يپوتەكالىق نەسيەنى قالاي الۋعا بولادى؟
قازاقستاننىڭ ەكىنشى دەڭگەيلى بانكتەرىندە يپوتەكالىق نەسيەلەۋ باعدارلامالارى بار. بانكتەردىڭ نەسيە بەرۋ شەشىمدەرىنە كليەنتتىڭ تولەماقى وتەۋ قابىلەتى تىكەلەي اسەر ەتەدى.
يپوتەكالىق نەسيە اي سايىنعى تولەمدى وتەۋگە جانە قارىز الۋشىنىڭ كۇندەلىكتى قاجەتتىلىگىنە جەتەتىن تۇراقتى تابىسى بار ادامعا بەرىلەدى. ەگەر ءسىزدىڭ تابىسىڭىز جەتكىلىكسىز بولسا، قوسىمشا قارىز الۋشى رەتىندە تۋىسقانىڭىزدى تارتۋعا بولادى.
نەسيە الۋ ءۇشىن ءسىزدىڭ باستاپقى جارناڭىز بولۋى ءتيىس. ونىڭ مولشەرىن بانكتەردىڭ وزدەرى انىقتايدى. ادەتتە ول تۇرعىن ءۇي باعاسىنىڭ 10 نان %50 عا دەيىنگى مولشەرىن قۇرايدى.
بانكتەردىڭ يپوتەكالىق نەسيە ارقىلى ساتىپ الىناتىن جىلجىمايتىن مۇلىككە قوياتىن تالاپتارى بار: ول بانكتەر بەلگىلەگەن جىلدان ەرتە سالىنباۋى، جاقسى كۇيدە بولۋى، كىرپىشتەن/پانەلدەن جانە ت. ب. تۇرعىزىلۋى ءتيىس.
يپوتەكالىق نەسيەلەۋ باعدارلاماسىنىڭ بارلىق تالاپتارىمەن جانە شارتتارىمەن بانكتەردىڭ سايتتارىندا تانىسۋعا بولادى.
يپوتەكالىق نەسيەنى راسىمدەۋدىڭ نەگىزگى ساتىلارى:
1. يپوتەكالىق نەسيەلەۋ باعدارلاماسى بويىنشا كەڭەس الۋ ءۇشىن بانككە جۇگىنۋ كەرەك. ۇسىنعان مالىمەتتەرىڭىزگە بايلانىستى نەسيە بەرۋشى مامان سىزگە قانداي سوما بەرىلۋى مۇمكىن ەكەنىن ايتادى. سونىمەن قاتار، باعدارلامانىڭ شارتتارى مەن راسىمدەۋ پروتسەسىن تۇسىندىرەدى.
2. شارتتارمەن كەلىسسەڭىز، بانككە ءوزىڭىزدىڭ تولەماقى وتەۋ قابىلەتىڭىزدى راستايتىن قۇجاتتار جيىنتىعىن، سونداي-اق ساتىپ الىناتىن جىلجىمايتىن مۇلىكتىڭ قۇجاتتارىن ۇسىنۋىڭىز كەرەك.
3. جىلجىمايتىن مۇلىكتى باعالاۋ ءۇشىن ونى باعالاۋشى مامان قارايدى. نەسيەگە الىناتىن جىلجىمايتىن مۇلىكتى باعالاۋ - بۇل قارىز الۋشى تاراپىنان تولەنەتىن مىندەتتى پروتسەدۋرا.
4. باعا شىعارىلعاپ، ءوتىنىشىڭىزدىڭ ساراپتاماسى بويىنشا بانكتىڭ ىشكى پروتسەدۋرالارىنان وتكەننەن كەيىن ول نەسيە كوميتەتىنىڭ قاراۋىنا جىبەرىلەدى.
5. ونىڭ شەشىمى وڭ بولعان جاعدايدا جىلجىمايتىن مۇلىكتى ساتىپ الۋ- ساتۋ شارتىن (ادەتتە، بۇل كەزدە ساتۋشى ءسىزدىڭ باستاپقى جارناڭىزدىڭ سوماسىن الادى)، قارىز الۋ شارتىن راسىمدەۋ كەرەك.
6. ساتىپ الۋ-ساتۋ شارتىن ازاماتتارعا ارنالعان ۇكىمەت «مەملەكەتتىك كورپوراتسياسى» ح ا ق- ىندا تىركەگەننەن كەيىن، ءسىز بانكپەن تاعى دا تىركەلۋى ءتيىس كەپىل شارتىنا قول قوياسىز. جىلجىمايتىن مۇكىكتىڭ قۇجاتتارى نەسيەڭىزدى وتەگەنگە دەيىن بانكتە ساقتالادى.
7. اقشا كەپىل شارت تىركەلگەننەن كەيىن، بانكتە اشىلعان ەسەپشوتىڭىزعا اۋدارىلادى. ودان كەيىن قاراجاتتى ساتۋشىعا بەرەسىز/اۋداراسىز.
بۇل باسپانا ساتىپ الۋ ءۇشىن يپوتەكالىق قارىزدى راسىمدەۋ پروتسەسىندەگى نەگىزگى ساتىلار. ءبىراق ءاربىر جاعدايدا وزگەشەلىكتەر بولۋى مۇمكىن. يپوتەكالىق نەسيە راسىمدەۋدىڭ ءار ساتىسىندا مىندەتتى تۇردە بانكتىڭ نەسيە مەنەدجەرىمەن كەڭەسىپ وتىرعان ءجون. ولار سىزگە تولىق اقپارات ۇسىنۋعا مىندەتتى.
يپوتەكالىق نەسيە راسىمدەۋ كەزىندە نەگە نازار اۋدارۋ قاجەت؟
1. مەرزىمدەر. نەسيە مەنەدجەرىڭىزدەن ءوتىنىشتى قاراۋ، قارىز الۋ جانە كەپىل شارتتارىن دايىنداۋ جانە راسىمدەۋ مەرزىمدەرىن ناقتىلاپ الىڭىز. بۇل ءسىز ءۇشىن دە، اقشاسىن تەزىرەك العىسى كەلەتىن باسپانا ساتۋشىسى ءۇشىن دە ماڭىزدى.
2. قوسىمشا شىعىندار. قارىزدى راسىمدەۋ پروتسەسىندە باستاپقى جارناسىن تولەۋدەن باسقا، ءسىز باعالاۋشىنىڭ قىزمەتتەرىن، جىلجىمايتىن مۇلىكتىڭ ساقتاندىرىلۋىن (ونى جىل سايىن تولەۋ قاجەت بولۋى مۇمكىن)، نوتاريالدىق قىزمەتتەردى، ساتىپ الۋ-ساتۋ شارتىن جانە كەپىل شارتىن تىركەۋ قىزمەتتەرىن، بانكتىڭ ەسەپشوتتى اشۋ جانە جۇرگىزۋ، ەسەپشوتتان اقشانى الۋ/اۋدارۋ كوميسسيالارىن (ساتۋشىمەن ەسەپ ايىرىسۋ تۇرىنە بايلانىستى) تولەۋگە دايىن بولۋ كەرەكسىز.
3. قارىز الۋ جانە كەپىل كەلىسىمدەرىنىڭ شارتتارى. شارتتىڭ ءماتىنىن تولىق وقىپ شىعۋعا ەرىنبەڭىز جانە وزىڭىزگە تۇسىنىكسىز كورىنگەن كەز كەلگەن ماسەلەنى ناقتىلاپ الۋعا قورىقپاڭىز.
4. قارىز الۋ شارتىندا ءسىزدىڭ اتى-ءجونىڭىزدىڭ، قارىز سوماسىنىڭ جانە مەرزىمىنىڭ، جابۋ مولشەرلەمەسى پايىزىنىڭ، مەرزىمىنەن بۇرىن جابۋ ءتارتىبىنىڭ، اي سايىنعى تولەماقىنى مەرزىمىنەن كەشىكتىرگەنى ءۇشىن سالىناتىن ايىپپۇلدار مولشەرىنىڭ، تولەماقى كەستەسىنىڭ دۇرىس بولۋىنا نازار اۋدارىڭىز.
5. كەپىل شارتىندا ءسىزدىڭ اتى-ءجونىڭىزدىڭ، قارىز سوماسى مەن مەرزىمىنىڭ، جىلجىمايتىن مۇلىك وبەكتىسىنىڭ مەكەن-جايى مەن تەحنيكالىق سيپاتتامالارىنىڭ، ونىڭ باعالانعان قۇنىنىڭ، جىلجىمايتىن مۇلىكتى ساقتاندىرۋ شارتتارىنىڭ، قارىزدى مەرزىمىنەن كەش تولەۋ/قايتارماۋ جاعدايىنداعى جازالاۋ ءتارتىبىنىڭ دۇرىس كورسەتىلۋىنە نازار اۋدارىڭىز.
6. قارىز جانە كەپىل شارتتارىنىڭ مازمۇنىنا قويىلاتىن مىندەتتى تالاپتاردى مىنا جەردەن وقۋعا بولادى.
«تۇرعىن ءۇي قۇرىلىس جيناق بانكى» ا ق- دا يپوتەكالىق نەسيەنى راسىمدەۋ
«تۇرعىن ءۇي قۇرىلىس جيناق بانكى» اكسيونەرلىك قورىندا يپوتەكالىق نەسيەلەۋ باعدارلاماسىنىڭ كوممەرتسيالىق بانكتەر باعدارلاماسىنان نەگىزگى ەرەكشەلىگى - وسى بانكتە جيناقتار بولعان جاعدايدا نەسيە مولشەرلەمەسىنىڭ باسقا بانكتەرگە قاراعاندا ايتارلىقتاي ازىراق بولۋىندا.
الايدا، «تۇرعىن ءۇي قۇرىلىس جيناق بانكى» ارقىلى الدىن الا جيناقسىز جىلجىمايتىن مۇلىك الۋعا نيەت بىلدىرۋشىلەرگە تۇرعىن ءۇي سوماسىنىڭ 50 پايىزىن ەنگىزۋ شارتىمەن ارالىق قارىز بەرۋ قىزمەتى ۇسىنىلادى.
قاراجاتتى جيناۋ جانە قارىز الۋ تارتىبىمەن «تۇرعىن ءۇي قۇرىلىس جيناق بانكى» ا ق سايتىندا تانىسۋعا بولادى.
يپوتەكالىق نەسيەنى راسىمدەۋدىڭ نەگىزگى ساتىلارى كوممەرتسيالىق بانكتەردەگى راسىمدەۋ ساتىلارىنا ۇقساس.