+7 (701) 759 90 19
-5 °С : نۇر-سۇلتان
2 °С : الماتى
USD 385.76 EUR 427.89
RUB 6.04 CNY 54.79
جاڭالىقتار

موڭعوليادان تاعى دا كوش كەلدى

11 قىركۇيەك 17:07
:ءبولىسۋ
موڭعوليادان تاعى دا كوش كەلدى

نۇر-سۇلتان. قازاقپارات - مەنىڭ وتباسىم 82 دەگى قارت اجەممەن، 6 بالامەن ەلگە ورالدىق. ۇلكەن بالام مەكتەپ ءبىتىرىپ كەلدى.

اعىلشىن ءتىلىن جاقسى مەڭگەرگەن. كىشكەنتاي بالام ەندى 3-سىنىپقا بارادى، - دەيدى كەنجەحان تولەۋ. كەنجەحان تولەۋمەن بىرگە، كامەلحان اماندىق، دالەلحان قۋانىش، حاسىم جانارگۇل، قۋانباي امانبول، جۇپارحان امانبەك سياقتى وتباسىلارىنىڭ ءارقايسىسى 5-6 دان ۇل- قىزدارىن جەتەلەپ ەلگە جەتتى. ءبىزدى اۋىل مەكتەپتەرىنىڭ بالاعا تولاتىنى قۋانتادى.

- بۇل كوش دۇنيەجۇزى قازاقتارىنىڭ قاۋىمداستىعى جانە «وتانداستار» قورى كوممەرتسيالىق ەمەس اق- تىڭ ءىس- شارا جوسپارلارىن جۇزەگە اسىرۋ ماقساتىندا موڭعوليانىڭ قوبدا، بايان- ولگي ايماقتارىنان اتامەكەندەرىنە كەلىپ جەتتى. الەۋمەتتىك، تۇرمىستىق جاعدايلارىنا بايلانىستى وزدىگىنەن كوشىپ كەلە المايتىن كوپ بالالى وتباسىلار قاۋىمداستىققا ەلگە كوشىرىپ الۋ تۋرالى ءوتىنىش بىلدىرگەن ەدى. بار ويلارى - العاشقى لەكپەن كوشىپ كەتكەن اتامەكەندەگى تۋىستارىنا قوسىلۋ، ۇرپاقتارىن اتا- بابا جەرىندە ءوسىرىپ جەتكىزۋ، - دەيدى جەرگىلىكتى فيليال باسشىسى بولات زاۋىت.

دۇنيەجۇزى قازاقتارىنىڭ V قۇرىلتايىنداعى ەلباسى تاپسىرماسىنا سايكەس «شەتەلدەگى ەتنوستىق قازاقتاردى قولداۋدىڭ 2018-2022 -جىلدارعا ارنالعان ءىس- شارالار جوسپارى» بەكىتىلىپ، ەلىمىزدە «وتانداستار» قورى ك ە ا ق قۇرىلعانى بەلگىلى.

وڭىرىمىزگە اعايىندار «وتانداستار» قورى ك ە ا ق دەمەۋشىلەرىنىڭ تىكەلەي قارجىسى ارقىلى بولات زاۋىت باسقاراتىن وبلىستىق فيليالدىڭ ۇيىمداستىرۋىمەن كوشىپ كەلدى.

موڭعولياداعى اعايىنداردىڭ ەلگە كوشىپ كەلە الماۋلارىنىڭ تاعى ءبىر سەبەبى، وتباسى مۇشەلەرىن جانە وتباسىنىڭ تۇرمىسقا قاجەتتى قولدانىستاعى دۇنيە- مۇلىك، جەكە ءۇي جۇكتەرىن التاي ولكەسى تاشانتا كەدەن بەكەتى ارقىلى شەكارادان الىپ وتۋدە كەدەرگىلەر كەزدەسىپ، توسقاۋىل قويىلىپ كەلگەندى.

- ەندى مۇنداي كەلەڭسىز جاعدايلاردى بولدىرماۋ ءۇشىن «وتانداستار» قورى ك ە ا ق باسشىلارى، ومبىداعى ەلىمىزدىڭ كونسۋلدىعى قىزمەتكەرلەرىنىڭ قولداۋىمەن اعايىنداردى جۇكتەرىمەن بىرگە امان- ەسەن ەلگە جەتكىزدىك، - دەيدى بولات زاۋىت.

بولات زاۋىتتىڭ ايتۋىنشا، 80 ادامى بار 13 وتباسىن وڭىرگە كوشىرىپ اكەلگەن. كوشىپ كەلگەن ءار وتباسى تۇرمىسقا قاجەتتى قولدانىستاعى دۇنيە مۇلىك، 800 كيلو جەكە ءۇي جۇكتەرىمەن جولعا شىققان.

كوشتىڭ قاتارىندا ءجاسوسپىرىم وقۋ جاسىنداعى 46 بالا، 4 ستۋدەنت، 29 ەڭبەك جاسىنداعى ءمۇعالىم، مەحانيزاتور، ۆەتەرينار، دارىگەر، باسقا دا ماماندىق يەلەرى بار.

ال قوبدا جانە بايان- ولگي ايماعىنان قونىس اۋدارعان اعايىندى وبلىس اكىمدىگى، جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىلىعى قارسى الدى. ەلگە ورالعان قانداستارىمىزدىڭ قۇرمەتىنە ارناپ داستارقان جايىلدى.

بۇعان دەيىن دە وڭىرىمىزگە «نۇرلى كوش» باعدارلاماسى اياسىندا وبلىس اكىمدىگى مەن «وتانداستار» قورىنىڭ جۇمىس بارىسىندا 330 ادام كوشىپ كەلگەندى. كوش جالعاسۋدا. بوس جاتقان اۋىلدارعا كوش كەلسە، ورتا تولادى.

ەندى كوشىپ كەلگەن وتباسىلار وبلىس ورتالىعىنداعى «ورالمانداردى ۋاقىتشا بەيىمدەۋ ورتالىعىندا» ءبىر اپتا دەمالادى. وسى جەردە قۇقىقتىق كەڭەستەر الىپ، قۇجاتتارىن رەسىمدەپ، دارىگەرلىك تەكسەرۋدەن وتەدى.

قاۋىمداستىقتىڭ فيليالىنا الدىن الا ۇسىنىستارىن بىلدىرگەن وڭىردەگى اۋىلدارعا بارىپ شارۋا كوجالىقتارىنىڭ جۇمىسىمەن تانىسادى.

- اعايىندارىمىز بارىپ، ورنىعىپ تۇرعىلارى كەلسە ەكىباستۇزعا قارايتىن الكەي مارعۇلان اتىنداعى اۋىلعا 48 ادامى بار 9 وتباسى، پاۆلودار اۋدانىنا 2 وتباسى، اقسۋ قالاسىنىڭ دوستىق، اقجول اۋىلدارىنا 2 وتباسى، قالعاندارى تەرەڭكول، ماي اۋداندارىنا قونىستاناتىن بولادى، دەيدى بولات زاۋىت.

ءسويتىپ، ەلگە كوشىپ كەلگەن وتباسىلارى تۇگەلدەي بيىلعى ورالمانداردىڭ وڭىرلىك كۆوتاسىنا كىرىپ، مەملەكەت تاراپىنان ءار ادامعا 88375 تەڭگە، ءبىر جىل بويى ءۇي جالداپ تۇراتىن قاراجات بەرىلەدى، بالالارى وقۋمەن تولىق قامتاماسىز ەتىلىپ، ەڭبەك جاسىنداعىلار جۇمىسقا ورنالاسادى.

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى قايرات نۇرماعامبەتوۆتىڭ ايتۋىنشا، بارلىق بەيىمدەۋ جۇمىستارى بىتكەن سوڭ، تەرەڭكول، ماي اۋداندارى، ەكىباستۇز، اقسۋ اۋىلدىق اۋماعىنىڭ جەرگىلىكتى اكىمدىك وكىلدەرى كەلىپ، قانداستاردى اۋىلدارىنا الىپ كەتەدى.

- اعايىندارعا اۋىلداردا ءۇي بەرىلەدى. ءۇيدى جالداپ تۇرۋىنا ءبىز 1 جىل بويى جالداۋ قۇنىن تولەيمىز. ەگەر ول ءۇيدى ساتىپ الامىز دەسە، العاشقى جارناسى رەتىندە سول 1 جىلدىق جالداۋ قۇنىن بەرەمىز، - دەيدى باسقارما باسشىسى.

ەلگە ەل قوسىلسا - قۇت.

جىل سوڭىنا دەيىن وڭىرىمىزگە قىتاي، موڭعوليا، قاراقالپاقستان، رەسەيدەن تاعى 300 ادام كەلەدى دەپ جوسپارلانعان. مەملەكەت تاراپىنان كوشىپ كەلگەندەردىڭ جول شىعىنى وتەلەدى. بۇل جولعى قونىس اۋدارعانداردىڭ ءارقايسىنا 88500 تەڭگەدەن قارجى بولىنگەن.

- ول جاقتا ەش جاماندىق كورمەدىك. ءبىراق ءوز ەلىمىزدىڭ ورتاسىندا بولايىق، بالا- شاعا اتامەكەندە ءوسسىن دەپ كەلدىك، - دەيدى كەنجەحان تولەۋ.

پاۆلودار وبلىسى

«ەگەمەن قازاقستان»



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات