دانيار ەلەۋسىنوۆتىڭ الداعى جەكپە-جەگىن وتاندىق تەلەارنا تىكەلەي ەفيردەن كورسەتەدى

نۇر-سۇلتان. قازاقپارات -  قازاقستاندىق كورەرمەندەر كاسىپقوي بوكسشى دانيار ەلەۋسىنوۆتىڭ كەلەسى جەكپە-جەگىن «حابار» ارناسىنان تاماشالاي الادى، دەپ حابارلايدى قازاقپارات ءتىلشىسى.

«قازاقستان كاسىپقوي بوكسى» ۆكونتاكتە پاراقشاسىنان حابارلانعانداي، 13- قىركۇيەكتە دانيار ەلەۋسىنوۆ نيۋ-يوركتەگى «Madison Square Garden» ارەناسىندا جەڭىلىپ كورمەگەن امەريكالىق رەشارد حيكسپەن (12-0-1, 6 ك و) جۇدىرىق تۇيىستىرەدى. جەكپە-جەكتى نۇر-سۇلتان ۋاقىتى بويىنشا 14- قىركۇيەك كۇنى ساعات 06:00 دە «حابار» ارناسىنان كورۋگە بولادى.

ايتا كەتسەك، اتالمىش بوكس كەشىنىڭ باستى جەكپە-جەگى - ديەۆين حەيني (22-0، 14 ك و) مەن رەسەيلىك زاۋر ابدۋللايەۆتىڭ (11-0، 7 ك و) كەزدەسۋى بولماق.

«دانيار ءوزىن جاقسى سەزىنىپ ءجۇر. سوڭعى سپاررينگ سەنبى كۇنى بولدى. ءبىز دايىندىقتى اياقتادىق. دانياردى جەكپە-جەككە دەريك سانتوس، گارري كلارك جانە دانياردىڭ اكەسى مارات اعا دايىنداپ جاتىر»، - دەيدى بوكسشىنىڭ مەنەدجەرى زيا اليەۆ.