16:16, 11 - قىركۇيەك 2019 | GMT +6
قىز الىپ قاشۋ قانداي ساناتتاعى قىلمىس سانالادى
نۇر-سۇلتان. قازاقپارات - اۋىر قىلمىستار ءۇشىن جازانى قاتايتۋ تۋرالى زاڭ جوباسىن تانىستىرعان ق ر باس پروكۋرورىنىڭ ورىنباسارى مارات احمەتجانوۆ قىز الىپ قاشۋ سالتى قانداي ساناتتاعى قىلمىس ەكەنىن ايتتى، دەپ حابارلايدى قازاقپارات ءتىلشىسى.
«زاڭ جوباسىندا قىز الىپ قاشۋعا قاتىستى ەرەكشە باپ جوق. بۇل باياعىدان ادام ۇرلاۋ بابىنا جاتادى. سول باپ بويىنشا قارالىپ، جازا تاعايىندالادى. ارينە، بۇل جەردە ءاربىر جاعدايدى ەرەكشە قاراۋ كەرەك. كۇش كورسەتۋ ارقىلى الىپ قاشسا، اۋىر قىلمىس ساناتىنا جاتادى. مۇندايدا ەشقانداي تاتۋلاسۋعا جول بەرىلمەيدى. دەگەنمەن، مۇنداي جاعدايلار قىلمىسىنا قاراي، جاسالعان ءىس-ارەكەتىنە قاراي قاراستىرىلادى»، - دەدى باس پروكۋراتۋرا وكىلى.