+7 (701) 759 90 19 Лента
22 °С : نۇر-سۇلتان
17 °С : الماتى
USD 386.71 EUR 429.17
RUB 6.02 CNY 54.66
جاڭالىقتار

قاسىم-جومارت توقايەۆ ق ح ر ىسكەرلىك ورتا وكىلدەرىمەن كەزدەستى

11 قىركۇيەك 15:30
:ءبولىسۋ
قاسىم-جومارت توقايەۆ ق ح ر ىسكەرلىك ورتا وكىلدەرىمەن كەزدەستى

بەيجىڭ. قازاقپارات - قاسىم-جومارت توقايەۆ ق ح ر ىسكەرلىك ورتا وكىلدەرىمەن كەزدەستى، دەپ حابارلايدى اقوردانىڭ باسپا ءسوز قىزمەتى.

قىتايدىڭ 27 جىلدىق ىنتىماقتاستىعىنىڭ ناتيجەسىندە ەكى ەل اراسىندا قارىم-قاتىناس نىعايىپ، جان-جاقتى ستراتەگيالىق ارىپتەستىك قالىپتاسقانىن ايتتى. بۇعان ەكى ەلدىڭ جوعارى دەڭگەيدە سەنىمدى ديالوگ ورناتۋى نەگىز بولعانىن دا تىلگە تيەك ەتتى.

قاسىم-جومارت توقايەۆ ءوز سوزىندە ەكى مەملەكەت اراسىنداعى بايلانىستىڭ نىعايۋىنا قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ پەن ق ح ر ءتوراعاسى شي جينپيڭنىڭ دوستىعى زور ۇلەس قوسقانىن دا باسا اتاپ ءوتتى.


پرەزيدەنت قازاقستان مەن قىتايدىڭ ەكونوميكالىق ىنتىماقتاستىعىنىڭ بولاشاعى زور دەپ ەسەپتەيدى. ەكى جاقتى ارىپتەستىكتىڭ باسىم باعىتتارىن اتاپ وتكەن مەملەكەت باسشىسى ەكى ەلدىڭ بيزنەس-وكىلدەرى بولاشاقتا اتقاراتىن جاڭا مىندەتتەرگە دە توقتالدى.

اتاپ ايتقاندا، قاسىم-جومارت توقايەۆ الداعى ۋاقىتتا يننوۆاتسيالىق جانە عىلىمي-تەحنيكالىق باعىتتارعا زور ىقىلاس ءبولۋ كەرەكتىگىنە توقتالدى. سونداي-اق، ول اتالعان باعىتتاردا قازاقستان قىتايمەن بىرلەسىپ جۇمىس ىستەۋگە دايىن ەكەنىن دە جەتكىزدى.

پرەزيدەنت تۋريزم سالاسى بويىنشا دا وي قوزعاپ، ءوزارا ىسكەرلىك بايلانىس پەن رەكرەاتسيالىق تۋريزم ۇلكەن قارقىنمەن دامىپ جاتقان قازاقستانعا قىتايلىق تۋريستەرىن تارتۋعا دا مول مۇمكىندىك بارىن ايتتى. وسى رەتتە مەملەكەت باسشىسى كورشى ەلدىڭ ىسكەرلىك ورتاسىن قازاقستاندا قىتايلىق 5А ستاندارتتارىنا سايكەس تۋريستىك ورتالىقتار سالۋعا شاقىردى.

قاسىم-جومارت توقايەۆ قازاقستان مەن قىتاي اراسىنداعى قارجى سالاسىنداعى قارىم-قاتىناستىڭ مۇمكىندىگى زور ەكەنىنە توقتالدى. بۇل ماسەلەدە «استانا» حالىقارالىق قارجى ورتالىعىنىڭ ماڭىزدى ءرول اتقاراتىنىن ەسكە سالدى. پرەزيدەنت «استانا» ح ق و بازاسىندا RMB Connect مەحانيزمى قۇرىلاتىنىن جەتىزدى.


- RMB Connect جوباسى يۋانمەن ينۆەستيتسيالار سالۋعا مۇمكىندىك بەرەدى. جاڭا ەكوجۇيە قىتاي يۋانىنىڭ الەمگە تارالۋىنا ەلەۋلى ۇلەس قوساتىنىنا جانە قازاقستان كاسىپورىندارى مەن وڭىردەگى وزگە ەلدەر ءۇشىن يۋانمەن وپەراتسيا جاساۋ بويىنشا جاڭا ەسەپ ايىرىسۋ-كليرينگ ورتالىعىنا اينالاتىنىنا سەنىمدىمىن، - دەدى مەملەكەت باسشىسى.

ءسوز سوڭىندا قاسىم-جومارت توقايەۆ قازىرگى جاعدايدا «بيزنەسكە ارنالعان ۇكىمەت» (Government to Business) فورماتىنداعى ءوزارا ءىس-قيمىل ىسكەرلىك ىنتىماقتاستىقتى جانداندىرۋدىڭ پارمەندى قۇرالدارىنىڭ ءبىرى بولىپ تابىلاتىنىن اتاپ ءوتتى.

پرەزيدەنت ايتقانداي، بۇل كەزدەسۋ قازاقستان مەن قىتايدىڭ ساۋدا-ەكونوميكالىق ارىپتەستىگىن تەرەڭدەتۋگە ناقتى قادام بولادى.

دوڭگەلەك ۇستەل بارىسىندا ءىرى قىتاي كومپانيالارىنىڭ وكىلدەرى، ونىڭ ىشىندە «China General Technology (Group) Holding Co.، Ltd» باس ديرەكتورى لۋ يمين، قىتاي ەكسپورت-يمپورت بانكىنىڭ ۆيتسە-پرەزيدەنتى نين يۋن، قىتاي-ەۋرازيالىق ەكونوميكالىق ىنتىماقتاستىق قورىنىڭ باسقارما ءتوراعاسى چجان شيلي، «China Construction Bank» باقىلاۋ كەڭەسىنىڭ ءتوراعاسى ۆان يۋنتسين، «COFCO Group» ۆيتسە-پرەزيدەنتى لۋان جيچەن، «Anhui Jianghuai Automobile Co.، Ltd» ان تسزين جانە باسقالار ءسوز سويلەدى.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات