+7 (701) 759 90 19 Лента
22 °С : نۇر-سۇلتان
17 °С : الماتى
USD 386.71 EUR 429.17
RUB 6.02 CNY 54.66
جاڭالىقتار

تۇركىستانداعى ءورت: قوس مينيستر كۇيىك شالعان ادامداردىڭ جاعدايىن بارىپ ءبىلدى

11 قىركۇيەك 15:57
:ءبولىسۋ
تۇركىستانداعى ءورت: قوس مينيستر كۇيىك شالعان ادامداردىڭ جاعدايىن بارىپ ءبىلدى

ارىس. قازاقپارات - تۇركىستان قالاسىندا بولعان ءورت سالدارىنان جاراقات العان وبلىستىق توتەنشە جاعداي قىزمەتكەرلەرىنىڭ جاعدايىن بىلۋگە ق ر ىشكى ىستەر ءمينيسترى، پوليتسيا گەنەرال-لەيتەنانتى ەرلان تۇرعىمبايەۆ پەن ق ر دەنساۋلىق ساقتاۋ ءمينيسترى ەلجان ءبىرتانوۆتار كەلدى.

ولار تۇركىستان وبلىسىنىڭ ورتالىق اۋرۋحاناسىنا بارىپ، ناۋقاستارمەن كەزدەستى، دەپ حابارلايدى قازاقپارات ءتىلشىسى.

ەكى مينيستر دە اۋرۋحانادا كۇيىك شالىپ جاتقان 6 ءورت سوندىرۋشىمەن تىلدەسىپ، ولاردىڭ ءدىن-اماندىعى مەن دەنساۋلىقتارىنىڭ جاقسارعانىنا كوزدەرىن جەتكىزدى. قاجەت بولعان بارلىق كومەكتەردىڭ دەر كەزىندە كورسەتىلەتىنىن اتاپ ءوتتى.




ەسكە سالا كەتسەك، كەشە 10 -قىركۇيەك كۇنى شامامەن ساعات 18.25 تە تۇركىستان قالاسىنداعى «رويال- گراند» قوناق ءۇيى ورتەندى. وقيعا ورنىنا پوليتسەيلەر مەن ت ج ك قىزمەتكەرلەرى جەدەل جەتىپ، جاقىن ماڭداعى اۋماقتاردى قورشاۋعا الىپ، قوناق ءۇيدىڭ قىزمەتكەرلەرى مەن قوناقتاردى ەۆاكۋاتسيالادى. ورتتەن قۇتقارۋ جۇمىستارى بارىسىندا جالپى 50 ادام قاۋىپسىز جەرگە شىعارىلدى.

ءورت كەزىندە پاترۋلدىك پوليتسيا باتالون كومانديرىنىڭ ورىنباسارى، پوليتسيا مايورى قانات راكىشيەۆ پەن تۇركىستان قالالىق توتەنشە جاعدايلار باسقارماسىنىڭ ازاماتتىق قورعاۋ مايورى بولات تۇيمەنوۆ ادام شىعىنىن كەلتىرمەس ءۇشىن بارلىق بولمەلەردى ءتىنتىپ شىقتى. ناتيجەسىندە ءتارتىپ ساقشىلارى ءورت قاۋمالاعان عيماراتتان 4 جاسار قىزدى جانە تۇركيانىڭ ەكى ازاماتىن قۇتقاردى. توتەنشە جاعدايدان قازا بولعاندار جوق.

ءورتتى اۋىزدىقتاۋ بارىسىندا تۇركىستان وبلىسى ت ج ق-نىڭ 5 قىزمەتكەرى جاراقاتتانىپ، ءتۇرلى دارەجەدەگى كۇيىك جانە جاراقاتتارىمەن ورتالىق اۋرۋحاناعا جاتقىزىلدى. ولاردىڭ اراسىندا جانساقتاۋ بولىمىندە اۋىر حالدە جاتقان تۇركىستان وبلىسى ت ج ق ق ب باستىعىنىڭ ورىنباسارى، ازاماتتىق قورعاۋ پودپولكوۆنيگى باقىتجان ابدۋعاپپاروۆ بار بولاتىن. بۇگىنگى تاڭدا ونىڭ جاعدايى جاقسارعان.

قازىرگى تاڭدا تۇركىستان قالالىق پوليتسيا باسقارماسىنىڭ تەرگەۋشىلەرىمەن قوناق ءۇيدىڭ ورتكە ورانۋى بويىنشا ق ر قىلمىستىق كودەكسىنىڭ 292-بابى «ءورت قاۋىپسىزدىگى تالاپتارىن بۇزۋ» بويىنشا سوتقا دەيىنگى تەرگەپ- تەكسەرۋ امالدارى جۇرگىزىلۋدە. ساراپتامالار تاعايىندالدى. تەرگەپ- تەكسەرۋ بارىسىندا وقيعانىڭ بارلىق ءمان- جايى، ونىڭ ىشىندە ءورتتىڭ شىعۋ سەبەبى انىقتالاتىن بولادى.

اۆتور: اينۇر اقبايەۆا



باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات