بالاسىن ۇرىپ تالدىرعان اكەنىڭ سوتىندا شۋ شىقتى

None
None
الماتى. قازاقپارات - الماتىدا 4,5 جاستاعى ۇلىن ۇرىپ تالدىردى دەگەن كۇدىكپەن ۇستالعان اكە مۇرات اسقاروعلىعا قاتىستى سوت ۇكىمى بولماي قالدى، دەپ حابارلايدى قازاقپارات ءتىلشىسى.

سوت الدىندا ءوز بالاسىن ۇرىپ ولتىرمەك بولدى دەگەن كۇدىكپەن اكەسى جاۋاپ بەرىپ جاتىر.

جارىس ءسوز كەزىندە پروكۋرور ونى 11 جىل 3 اي باس بوستاندىعىنان ايىرۋ تۋرالى جازا سۇراعان بولاتىن.

سوت ۇكىمى القا بيلەر قاتىسۋىمەن ءوتتى. سۋديا ۇكىمدى وقي باستاعان ساتتە تۋىستارى ايعاي- شۋ كوتەرىپ جىبەردى. سوندىقتان، سۋديا زالدان شىعىپ كەتۋگە ءماجبۇر بولدى.

ەسكە سالا كەتەيىك، قايعىلى وقيعا 16 -شىلدە كۇنى ودەسسكايا مەن بريانسكايا كوشەلەرىنىڭ قيىلىسىندا بولدى. تۇرعىندار تال تۇبىنەن 4,5 جاسار بالانى تاۋىپ العان. بالا شالا- جانسار كۇيىندە شۇعىل اۋرۋحاناعا جەتكىزىلىپ، وتا جاسالدى.

الماتى پوليتسياسى جانتۇرشىگەرلىك وقيعاعا كۇدىكتى رەتىندە بالانىڭ اكەسىن ۇستادى. مۇرات اسقاروعلى ءوزىنىڭ كىناسىن مويىنداپ، قازاقستاندىقتاردان كەشىرىم سۇرادى.

ەر ادام ماستىقتان ەسەڭگىرەپ تۇرعاندا بالاسىنىڭ قىڭقىل-سىڭقىلىن كوتەرە الماي، تاسپەن سامايىنان ءبىر-اق ۇرعان.

مۇرات اسقاروعلى ق ر ق ك 99-بابىنىڭ 2-ءبولىمى 3-تارماعىمەن («دارمەنسىز ادامدى ولتىرۋگە وقتالعانى ءۇشىن») جانە ق ر ق ك 24-بابىنىڭ 3-بولىمىمەن ايىپتالۋدا.

سۋديا بۇل ءىستى توقتاتىپ، قايتا تەرگەۋگە جىبەرگەن بولاتىن. بيىل ساۋىردە ءىس قايتا جالعاستى.

اۆتور: گۇلميرا عوسمانالي

سوڭعى جاڭالىقتار