+7 (701) 759 90 19
-20 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

مال ۇرلىعى اۋىر قىلمىسقا جاتقىزىلۋى مۇمكىن

11 قىركۇيەك 14:35
:ءبولىسۋ
مال ۇرلىعى اۋىر قىلمىسقا جاتقىزىلۋى مۇمكىن

نۇر-سۇلتان. قازاقپارات - مال ۇرلىعى اۋىر قىلمىسقا جاتقىزىلۋى مۇمكىن.

اۋىر قىلمىستار ءۇشىن جازانى قاتايتۋ تۋرالى زاڭ جوباسىن تانىستىرعان ق ر باس پروكۋرورىنىڭ ورىنباسارى مارات احمەتجانوۆ وسىنداي مالىمەت ايتتى، دەپ حابارلايدى قازاقپارات ءتىلشىسى.

«جاڭا زاڭ جوباسىندا مال ۇرلىعى بويىنشا جەكە قۇرام ەنگىزىلگەن. ۇرلىق، توناۋ، شابۋىل ارەكەتتەرى عيماراتقا، قويماعا نەمەسە كولىككە باسىپ كىرۋ ارقىلى ارقىلى جاسالعان جاعدايدا جازا قاتاڭدانادى. بۇل قىلمىستاردى اۋىر ساناتقا جاتقىزۋ كوزدەلگەن. ياعني، اۋىر قىلمىس ساناتىنا جاتقاندىقتان، ونداي قىلمىس جاساعاندار زارداپ شەگۋشىمەن تاتۋلاسۋ ارقىلى نەمەسە زارداپتىڭ ورنىن تولتىرۋ ارقىلى جازادان جالتارۋ مۇمكىندىگىنەن ايىرىلادى»، - دەگەن مارات احمەتجانوۆ بۇل ۇسىنىستارىنىڭ سەبەبىن دە ءتۇسىندىردى.

«قازاق ءبىر-بىرىنە «مال-جانى امان با» دەپ امانداسادى. ەلىمىزدە ازاماتتاردىڭ 40 پايىزى اۋىل توڭىرەگىندە تۇرادى. مال - اۋىل ءومىرىنىڭ تىرەگى، بيزنەسىنىڭ كوزى. سوندىقتان مال ۇرلىعى قىلمىستىق توپپەن، قورادان اكەتۋ جاعدايى بولعان كەزدە اۋىر قىلمىس ساناتىنا جاتقىزىلىپ وتىر. ويتكەنى، مال ۇرلىعى كاسىپكە اينالعان. شىعارىپ بەرەتىن بىرەۋ بار، سوياتىن بىرەۋ بار، تاسىمالدايتىن بىرەۋ بار، بازاردا ساتاتىن بىرەۋ بار، جالعان انىقتاما الىپ بەرەتىن تاعى بىرەۋ بار. سوندىقتان، ونى اۋىر قىلمىسقا جاتقىزىپ وتىرمىز. ويتكەنى، مال ۇرلىعى بويىنشا ۇيىمداسقان قىلمىستىق توپتار پايدا بولىپ وتىر»، - دەدى پروكۋراتۋرا وكىلى.

اۆتور: ەسىمجان ناقتىباي



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات